Vísbending - 20.12.2002, Blaðsíða 38

VISBENDING
bending væri tímaskekkja. Upphaflega
var hugmynd mín sú að skrúfa næstum
alveg fyrir hagfræðiumíjöllun og fjalla
næstum eingöngu um viðskipti enda
taldi ég mig ólíkt betur í stakk búinn til
þess. Eg taldi þó skynsamlegast að
reyna að sigla milli skers og báru á
markaðinum og taka upp umræðuefni
sem þörfnuðust ítarlegri umfjöllunar og
mikilvæg mál sem orðið hefðu útundan.
Ég held að það hafi stundum
tekist nokkuð vel.
Þegar útgáfa íslensks at-
vinnulífs, sent fólst í greining-
um á einstökum fyrirtækjum,
var orðin nokkuð grisjótt
bauðst ég til þess að taka yfír
þá útgáfu í byrjun árs 2000
enda taldi ég það henta ágæt-
lega, vegna þess hve Vísbend-
ingarformið er knappt, að gefa
út aukablöð sem fjölluðu um
ákveðinn markað eða afmörk-
uð efni. Þar með var útgáfa
Vísbendingar orðin ekki ósvip-
uð og hún var í upphafi en þá
var geftð út aukablað með hag-
tölum.
Reyndar ætlaði ég mér aldrei
að sitja lengi í ritstjórastólnum
þar sem ég hafði hug á að flytj-
ast til útlanda árið 2000. Ég
fékk hins vegar þá hugmynd að
ég gæti vel ritstýrt Vísbend-
ingu að utan þar sem það væri
tæknilega mögulegt og að-
gangur að upplýsingaveitum
nægilegur. Útgefandinn taldi
það af og frá en samþykkti
loks með semingi að prófa það
til reynslu í skamman tíma.
Það reynslutímabil hefur
meira og minna verið síðustu
þrjú ár og Vísbending hefur síðan verið
skrifuð í þremur öðrurn Evrópulöndum.
Þetta tímabil verður sennilega kallað út-
rásartímabilið í sögu Vísbendingar í takt
við tíðarandann í viðskiptasögu íslands.
Hvaða atburðir eða málefni risu hœst í
viðskipta- og efnahagsumrœðunni?
Ákveðið brjálæði var hlaupið á menn á
þessum tíma, hálfgerður múgæsingur, þar
sem mat á verðmæti fyrirtækja var komið
úr öllu samhengi og menn töluðu um „nýtt
hagkerfi“ sem lausn allra vandamála. Að-
alverkefnið var að ráðast á margar þær
mýtur í viðskiptum og efnahagsmálum
sem höfðu skapast í kringum þessa tíma
en það hefur komið í Ijós að það voru orð
í tíma töluð.
Fékkstu einhverjar athugasemdir við
störf þín?
Mér var fljótlega hótað málssókn fyrir
að gefa í skyn að ákveðnir viðskipta-
menn væru eigendur að skemmtistað
þar sem konur hefðu að atvinnu að
fækka fötum en slíkir staðir voru þá að
komast í tísku. Ég benti á að það myndi
hafa í för með sér mikla kjarabót fyrir
íslenska karlmenn að þeir kæmu inn í
Eyþór Ivar Jónsson.
þessa atvinnugrein. Þetta fannst þeim
ekki fyndið.
I byrjun árs 2000 barst útgefanda bréf
frá prófessor við Háskóla íslands þar
sem farið var fram á að ritstjóranum
yrði sagt upp störfum, ekki þó fyrir eig-
in skrif heldur fyrir að hafa birt grein
eftir annan hagfræðing sem gagnrýndi
störf þess fyrri. Bréfið var einstaklega
ófyrirleitið á margan hátt svo að ég
bauð bréfritara að birta það óbreytt í
Vísbendingu. Hann þáði ekki boðið og
hefur ekki skrifað f blaðið síðan.
I lok árs 2000 skrifaði ég í greiningu
á rekstri á Eimskipum og Flugleiðum að
áhrif þeirra myndu fara jafnt og þétt
minnkandi í íslensku atvinnulífi. Þetta
fannst mér í sjálfu sér augljós ályktun
og ekki mikið fréttaefni. Hins vegar tók
fréttastofa Stöðvar 2 þetta mál upp og
tengdi þessi orð við Benedikt, sem þá
hafði nýverið tekið sæti í stjórn Eim-
skipa, og fannst það jafnframt „fyndið“
þegar hann sagðist ekki hafa lesið þessa
greiningu áður en hún kom út. Frétta-
mennirnir hafa sennilega ekki áttað sig
á hvað þeir voru óbeint að saka Bene-
dikt um þar sem hann er innherji hjá
Eimskipum.
Benedikt las hins vegar
ekki þennan texta fyrir út-
gáfu frekar en annan texta en
það mátti vera ljóst sér í lagi
þar sem þarna var um að
ræða greiningu á fyrirtæki
sem hann tengdist. Ég held
að slíkt sjálfstæði Vísbend-
ingar hafi alltaf verið eitt af
aðalmarkmiðum þeirra sem
hafa ritstýrt blaðinu og er
óhætt að segja að það hafi
ekki verið farið einhverjum
sérstökum vettlingatökum
um fyrirtæki sem tengjast
Talnakönnun með einum eða
öðrum hætti. Reyndar fór
þessi hagsmunatengslaum-
ræða einhvern tímann svo í
taugarnar á mér að ég skrif-
aði grein um samsæriskenn-
ingar sem endaði á orðunum:
„En það skal þó haft í huga
að það sem hér er ritað getur
vissulega verið hluti af víð-
tæku og vel ígrunduðu sam-
særi þar sem ritstjórinn er
leir í höndum kolkrabbans."
Hvernig hefur „ Vísbending“
reynst þér sem skóli?
Ég læri best með því að skrifa
og þess vegna liafa síðustu fjögur ár
verið gífurlega lærdómsrík enda grein-
arnar orðnar vel á fjórða hundrað. Það
fer líka ótrúlegur tími í að setja sig inn
í málefni svo hægt sé að fjalla um þau á
þeim vísindalega grunni sem alla tíð
hefur einkennt Vísbendingu. Ég hef líka
haft aðstöðu til og verið óhræddur við
að leita til helstu sérfræðinga landsins í
þeint málefnum sem ég fjalla um hverju
sinni sem hefur gefið mér innblástur og
vafalaust betrumbætt umfjöllunina.
Einnig hef ég fengið marga þeirra til að
skrifa athyglisverðar greinar. Vísbend-
ing hefur vissulega verið góður skóli og
ferðafélagi fyrir mig en það er þó mikil-
vægast að blaðið sé góður skóli fyrir
lesendur.
38