Frjáls verslun - 01.12.1954, Blaðsíða 7

Æskuárin
i Reykjavík
Úr bókinni um Pétur Jónsson,
óperusöngvara
í bókaflóðinu nú fyrir jólin kom út á vegum
Helgafells bók, sem ætla má að margan fýsi
að kynnast. Bók þessi heitir Pétur Jónsson,
óperusöngvari, samin af Björgúlfi Olafssyni
lækni, eftir frásögn Péturs sjálfs. Pétur Jóns-
son var m. a. einn fremsti Wagnersöngvari
sinnar tíðar og bar hróður þjóðernis síns víða
um Norðurálfu. I bókinni er sagt frá æsku-
árunum í Reykjavík, námsárunum í Kaup-
mannahöfn og hinni þyrnistráðu sigurgöngu
mikils söngvara, svo og starfi hans við helztu
söngleikahús Þýzkalands um nær tuttugu ára
skeið. Starfaði hann með mörgum heimskunn-
um söngvurum og hljómsveitarstjórum. Voru
vinsældir hans þar í landi svo miklar, að
Þjóðverjar kölluðu hann sín á milli „Unser
Peter".
Hér á eftir birtast, með leyfi útgefanda,
þættir úr fyrsta kafla bókarinnar, er fjalla um
æsku- og námsárin i Reykjavík.
Pétur sem Walther Stolzing í „Mcistarasöngvurunum“.
Pétur Árni Jónsson er fæddur í Reykjavík 21.
desember 1884. Foreldrar hans voru Jón Árna-
son kaupmað'ur og kona hans, Júlíana Sigríður
Margrét Bjarnasen. Foreldrar Jóns kaupmanns
voi-u Árni Einarsson á Vilborgarstöðum í Vest-
mannaeyjum, nafnkunnur atorkumaður og al-
þingismaður, og kona hans, Guðfinna dóttir séra
Jóns Austmanns, en hann var dóttursonur séra
Jóns Steingrímssonar á Prestsbakka. Foreldrar
Júlíönu, móður Péturs, voru Pétur Bjarnasen,
verzlunarstjóri í Vestmannaeyjum og kona lians
Jóhanne Rasmussen, dóttir dansks skipstjóra.
Eru þessar ættir alkunnar og annars staðar rakt-
ar.
í föðurætt Péturs hafa verið margir söngelskir
menn og söngmenn góðir á sinnar tíðar liátt. Er
honum að líkindum þaðan komin söngnáttúran.
Vesturbæingur jcdnt í kotbæ sem keisaraborg.
Pétur fæddist í Skólastræti í húsi Björns Guð-
mundssonar múrara og síðar kaupmanns. Skóla-
stræti var þá, og er enn, merkileg gata, og hefur
gert hvort tveggja, að standa í stað og endur-
nýjast, því sum hús eru þar enn með nítjándu
aldar sniði, ósnertu af umhirðu og útliti; en svo
hefur gatan látið asfalterast og alveg nýlega
hefur verið lögleiddur einstefnuakstur um göt-
una, og er hún þannig komin í tölu fárra, en
útvalinna stræta í borginni.
Annars hefur Pétur ekki hátt um veru sína
í Skólastræti, bæði vegna þess, að' hann fluttist
þaðan fárra mánaða gamall og eins af því, að
hann kærir sig ekki um að vera bendlaður um
of við Austurbæiim.
Úr Skólastræti fluttist Pétur með foreldrum
FRJÁI.S VERZLUN
107