Frjáls verslun - 01.08.1955, Page 21

Verzlunin Liverpool í nýjum búningi
<k
Fyrsta sjálfsafgreidslubúðin í Reykjavtk
Verzlunin Liverpool, er árum saman hafði aðsetur í Hafnar-
stræti 5 hér í bæ, opnaði laugardaginn 1. okt. í nýjum og
glæsilegum húsakynnum að Laugavegi 18 A. Er aðeins lokið
við fyrstu hæð í væntanlegu 4—5 hæða verzlunar- og skrif-
stofuhúsi, er Liverpool hyggst reisa, en ekki fékkst fjárfestingar-
leyfi fyrir frekari framkvæmdum aS sinni.
Verzlunin tók upp nýtt afgreiðslufyrirkomulag við opnun
sölubúðarinnar. sjálfsalgreiðsluverzlun (self selection), og er
það sú fyrsta sinnar tegundar í Reykjavík. Verzlunarfyrirkomu-
lag þetta ryður sér mjög til rúms víða um heim.
Allar vörur eru verðmerktar og þannig fyrirkomið á hillum
og lausum borðum, að sem auðveldast er fyrir viðskiptavininn
að athuga þær. Að loknu vali snýr viðskiptavinurinn sér til af-
greiðslufólks, sem sér um innpökkun og aðra fyrirgrelðslu, sem
óskað er eftir, en einnig getur hann sjálfur farið með vöruna
að umbúðarborði, þar sem búið er um hana og tekið á móti
andvirði hennar.
í innréttingu verzlunarinnar er höfuðáherzla lögð á hreyfan-
leika og er fyrirvaralaust hægt að breyta uppsetningu á vegg-
hillum og staðsetningu sýningartækja á gólfi. Einnig er sér-
stakt gólflagnakerfi fyrir rafmagn og síma. þannig að fyrir-
hafnarlítið er hægt að taka upp úr gólfinu síma- og raflagnir
þar sem hentar hverju sinni.
Verzlunin er hin smekklegasta að öllum frágangi og til fyrir-
myndar, en uppdrætti og aðalumsjón með verkinu annaðist
Hannes Kr. Davíðsson, arkitekt.
Framkvæmdastjóri og eigandi verzlunarinnar Liverpool er
Páll Sæmundsson.
FUJALS VERZLUN
133