Frjáls verslun - 01.08.1962, Síða 7
Haiís á Pollinum á Akureyri nokkru eftir aldamót
þjónustu sína, því að þau farartæki bárust þangað
eiginlega eins fljótt og þeim varð þar við komið.
1 þessu sambandi ber tvímælalaust hæst nafn eins
manns, Kristjáns Kristjánssonar, sem stofnaði og
starfrækti Bifreiðastöð Akureyrar uni langt skeið
og varð brautryðjandi í bifreiðasamgöngum milli
Akureyrar og annarra landshluta.
Er raunar sömu sögu að segja um samgöngur
með bifreiðum í sambandi við Akureyri og flcsta
aðra staði á landinu, að stórar vörubifreiðar flytja
nú megnið af þeim varningi, sem aðcins var hægt
að flytja með skipum áður fyrr. Þar við bætist, að
flugsamgöngur eru ágætar við Akureyri, og er flogið
tvisvar eða þrisvar daglega, að minnsta kosti að
sumarlagi, og til þess að öryggi þessara samgangna
sé sem mest hefir verið komið upp radíóvitum í
grennd við bæinn, auk annarra öryggistækja sem
nauðsynleg eru og talin sjálfsögð.
Þá má ekki gleyma |>ví, að Flugfélag Akureyrar,
sem stofnað var 1937, heitir nú Flugfélag íslands.
Þess er getið annars staðar í blaðinu.
En þeim stöðum, sem er ekki þjónað frá Akur-
eyri með bifreiðum eða flugvélum, heimsækir póst-
báturinn Drangur, og væri að líkindum lítið um
samgöngur við Grímsey og Hrísey, ef báturinn
væri ekki í förum.
★
Margt stórra bygginga er í bænum, og eru hinar
elztu Menntaskólinn, samkomuhúsið, sem góðtempl-
arar reistu af miklum dugnaði og framsýni endur
fyrir löngu, og verksmiðjuhús Gefjunar. Síðan hafa
risið margar stórbyggingar, og eru helzt fjórðungs-
sjúkrahúsið, heimavist MA, stórhýsi Landsbankans,
sex hæða bygging Amaró, fjórlyft bygging bæjarins
við Geislagötu, sem slökkviliðið hefir nú aðsetur í
og mun síðar verða ráðhús bæjarins, bygging súkku-
laðiverksmiðjunnar Lindu, bygging Valbjarkar, hús-
gagnasmiðjunnar, hraðfrystihús Útgerðarfélagsins
og verzlunarhús KEA, sem þó er mun eldra en þau
hús, sem talin voru á undan.
Enn má telja opinberar byggingar, svo sem þrjá
skóla, barna-, gagnfræða- og húsmæðraskólann,
íþróttahúsið og sundhöllina, og loks er fjöldi lítilla
íbúðarhúsa, sem menn hafa reist af miklum dugn-
aði.
★
FRJÁLS VERZLUN
7