Frjáls verslun - 01.04.1970, Side 33

FRJÁLS VERZLUNÍ
33
minna leyti? Eftir fá ár munu
upp undir 10% af þjóðartekj-
unum renna í lífeyrissjóðina.
Þetta er upphæð, sem mun
nema þúsundum milljóna króna
á ári eftir nokkur ár. Auk
þess munu sjóðirnir hafa veru-
legar og vaxandi vaxtatekjur.
Lífeyrisgreiðslur þeirra verða
tiltölulega lágar framan af,
þannig að ráðsöfunarfé þeirra
verður mjög mikið. Er ekki
eðlilegt að gera ráð fyrir, að
lífeyrissjóðirnir verði stærsti
aðilinn á húsnæðislánamarkað-
inum, en húsnæðismálastjórn
hverfi að miklu leyti úr mynd-
inni? Hlutverk hennar gæti orð-
ið að fjármagna bygginar á
leiguhúsnæði á vegum sveitar-
félaga fyrir efnalítið fólk og
aðra þá, sem ekki kjósa að búa
í eigin húsnæði. Ennfremur að
veita fyrirtækjum og bygg-
ingameisturum lán til bygginga
íbúðarhúsa áður en íbúðirnar
eru seldar en slík lánastarfsemi
er grundvallarskilyrði fyrir því
að um hagkvæma framleiðslu
á íbúðarhúsnæði geti verið að
ræða. Af einhverjum ástæðum
hefur byggingariðnaðurinn orð-
ið alger hornreka að því er
varðar reksturslánafyrir-
greiðslu, og hefur það staðið
honum mjög fyrir þrifum og oft
komið í veg fyrir að unnt væri
að leita ódýrustu og hagkvæm-
ustu leiðanna við íbúðarhúsa-
byggingar. Þetta þarf að breyt-
ast, ef gera á byggingastarfsem-
ina að nútímaiðnaði.
Fyrir þá, sem ekki væru fé-
lagar í lífeyrissjóðum, eins og
t. d. atvinnurekendur og ein-
yrkja, mætti koma á fót eins
konar „frjálsu skyldusparnaðar-
kerfi“ við banka og sparisjóði,
þannig að menn gætu öðlast rétt
til fasteignaláns hjá þessum
lánastofnunum, eftir að hafa
sparað ákveðna lágmarksupp-
hæð eftir fyrirfram ákveðnu
kerfi. Slíkt fyrirkomulag er
mjög algengt erlendis og gegn-
ir veigamiklu hlutvehki á fast-
eignalánamarkaðinum.
Ljóst er að fasteignalána-
markaðurinn mun eflast veru-
lega á næstu árum. Allt hús-
næðismálakerfið þarfnast end-
urskoðunar og draga þarf úr
beinum ríkisafskiptum en þess
í stað að hafa þau áhrif, sem
nauðsynleg kunna að reynast, á
fjárráðstafanir og lánastefnu
lífeyrissjóða, banka og spari-
sjóða með óbeinum aðgerðum.
2500 klukkustunda lýsing
við eðlilegar aðstæður
(Einu venjulegu perurnar
framleiddar fyrir svo
langan lýsingartíma)
NORSK ÚRVALS
HÖNNUN
Heildsala Smásala
Einar Farestveit & Co Hf
Bergstaðastr. 10A Sími 16995