Frjáls verslun - 01.04.1970, Side 61

.FRJÁL5 VERZLUN'
53
Upplýsinga-
kerfi er á
döfinni,
gæðamat í
kjölfarið
Rannsóknarstofnun byggingariðnaðarins á nú í prentun upp-
lýsingakerfi fyrir byggingariðnaðinn, sem út verður gefið innan
skamms, en síðan er stefnt að því, að fella inn í kerfið allar þær
upplýsingar, sem komið geta að gagni við byggingaframkvæmdir
og viðhald mannvirkja. Stofnunin réði Gunnlaug Pálsson arkitekt
til þess að annast útgáfu þessa kerfis, og snéri blaðið sér til
hans í leit að frekari upplýsingum um það.
„Þetta kerfi okkar er sniðið eftir alþjóðlcgu kerfi, SfB, sem
upprunnið er í Svíþjóð, en við förum að mestu eftir brezkri út-
gáfu, sem er mun víðtækari. Við köllum það hér Rb/SfB. Kerf-
inu er skipt í 4 meginflokka: 1. Bækur og rit um þegar unnar
framkvæmdir í byggingariðnaði. 2. Tæknilegar Iausnir á við-
fangsefnum í byggingariðnaði. 3. Byggingavörur. 4. Annað ó.t.,
t. d. ýmsar þarfir og verkþættir, eins og fjármál, einangrun,
liljómburður, lög og reglugerðir o. s. frv. Upplýsingakerfinu er
ætlað það hlutverk, að safna og miðla í stöðluðu, áreiðanlegu og
handhægu formi öllum þeim fróðleik og hvers konar kynningu,
sem að okkar mati getur komið að gagni við byggingaframkvæmd-
ir og viðhald mannvirkja.“
„Upplýsingastarfsemi af þcssu tagi er eitt af hlutverkum
þeim, sem Rannsóknarstofnun byggingariðnaðarins er ætiað í
lögum,“ segir Gunnlaugur. „Þegar til átti að taka, varð strax
Ijóst, að forsenda fyrir árangri, væri að koma á heildarkerfi fyr-
ir söfnun og miðlun upplýsinganna, þar sem ekkert slikt kerfi
var fyrir hendi. Athugun Svía um gildi upplýsingamiðlunar í
1‘yggingariðnaði, án skipulags, Iciddi í ljós, að 70% upplýsing-
anna fóru strax eða fljótlega í ruslakörfuna, en einungis 30%
komu að einhverju gagni. Þess vegna réðust þeir í að koma upp
upplýsingakerfi, sem nú er orðið alþjóðlegt, og hefur margsann-
að gildi sitt. Það er stofninn að okkar kerfi, eins og ég nefndi
áðan.“
„Þetta upplýsingakerfi kemur jafnt að notum fyrir alla aðila,
sem koma að byggingariðnaðinum, framleiðendur, seljendur,
tæknimenn, framkvæmdaaðila og húseigendur. Framleiðcndur
og seljendur eiga kost á, að koma upplýsingum sínum á fram-
færi í ákveðnu, sundurliðuðu formi. Hlýtur það að vera þeim
mjög til hagsbóta. EN í KJÖLFARIÐ ER STEFNT AÐ ÞVÍ.
AÐ KOMA Á GÆÐAMATI, sem cr brýn nauðsyn í öllu því
vöruflóði, sem nú er komið á markaðinn. Tæknimenn eiga þarna
aðgang að handhægum upplýsingum, bæði við störf sin og til
þess að miðla viðskiptavinum sínum. Og loks hafa framkvæmda-
aðilar og húseigendur í höndunum eins konar uppsláttarrit eða
handbók við. framkvæmdir og viðhald.“
„Vissulega tekur það nokkurn tíma, að koma þessu kerfi í
fulla notkun,“ segir Gunnlaugur að lokum. „Nú fyrst kemur út
kerfið sjálft, ásamt leiðbeiningum um notkun þess, en síðan
snúum við okkur einkum að 2. og 3. bætti kerfisins, upplýsingum
um tæknilegar lausnir á einstökum viðfangsefnum í byggingar-
iðnaðinum og upplýsingum um byggingavörur. Byggjast þessir
þættir að sjálfsögðu ekki aðeins á ok'kur, sem vinnum að útgáfu
kerfisins, heldur einnig og ekki síður á viðbrögðum framleiðenda,
seljenda og byggingamanna. Ég held þó að ekki sé ástæða til að
ætla annað en samvinna við þessa aðila verði góð, enda enginn
góður kaupmaður, sem ekki vill selja vöru sína oftar en einu
sinni. En þetta upplýsingakerfi, Rb/SfB, á einmitt að tryggja
réttar og öruggar upplýsingar, notkun þeirra og það rétta notk-
un, og að sjálfsögðu tíma- og peningasparnað fyrir alla aðila.“