Frjáls verslun - 01.10.1970, Qupperneq 25

FRJALS VERZLUN
23
nýverið hafið störf á ný, eftir
langa og erfiða sjúkdómsbar-
áttu og verður nú fyrir svörum.
F.V.: Hvert er mesta vanda-
málið, sem íslenzk trygginga-
félög eiga við að etja í dag?
Baldvin: í öllum löndum
heims hafa tryggingar farið
hækkandi af völdum verð-
bólgu og er ísland engin und-
antekning. Mesta vandamálið
hjá okkur á íslandi er bif-
reiðatryggingar, því að þrátt
fyrir 30% hækkun á ábyrgð-
artryggingu 1. maí sl. nægir sú
hækkun ekki til að mæta aukn-
um tjónafjölda, hækkuðum við-
gerðarkostnaði og hækkun á
verði varaihluta. Þá fara slysa-
tjónbætur sífellt hækkandi og
síðast varð gífurleg hækkun
á daggjöldum sjúkrahúsa.
FV.: Hvernig verður þetta
vandamál leyst?
Baldvin: Eg tel sjálfur óhjá-
kvæmilegt að hækka iðgjald á-
byrgðartrygginga um ca. 20%,
ef tryggja á áframhaldandi
starfsemi félaganna á þessu
sviði og það hlýtur að vera
allra hagur að tryggingafélögin
geti staðið við skuldbindingar
sínar. Við skulum að gamni
líta á hvernig haldið er á þess-
um málum í Danmörku. Þar
starfar sérstök stjórnskipuð
nefnd, sem 'hefur eftirlit með
því að iðgjöld tryggingafélag-
anna séu nægilega há til að
tryggja stöðugan og traustan
rekstrargrundvön.
FV.: Hér áðan var talað um
iðgjaldatekjur af erlendum
tryggingum?
Baldvin: Já, Almennar
Tryggingar taka á sig hluta af
stórum áhættum erlendis. Ég
get nefnt t. d. að við áttum
hluta í öllum vélunum, sem
Palestínuskæruliðar rændu á
dögunum og sprengdu í loft
upp. Þar var um góðan skild-
ing að ræða. Þó að hér hafi
verið um tjón að ræða, þarf
alls ekki að vera að útkoma
heildarsamningsins verði slæm,
því að hér var aðeins um að
ræða hluta hans. Annars er
með þessar tryggingar eins og
aðrar, sumar góðar, aðar ekki
eins góðar. Stórum áhættum
er dreift út um allan heim og
má segja, að um alheimstrygg-
ingakeðju sé að ræða. Við fá-
um daglega skeyti eða bréf er-
lendis frá, þar sem við erum
beðnir um að taka hluta af á-
hættum. Við vitum nú yfirleitt
hverju ber að taka og hverju
ber að hafna, en ákvarðanir
eru teknar daglega. T. d.. tök-
um við nú aldrei þátt í áhætt-
um í sambandi við löndin fyrir
botni Miðjarðarhafs.
FV: Hvaða áhrif hafa flug-
vélaránin og hermdarverkin á
flugvélatryggingar?
Baldvin: Það segir sig auð-
vitað sjálft, að iðgjöldin hafa
og munu hækka mjög mikið.
FV: Er raunhæf samkeppni
á milli tryggingafélaganna á
fslandi?
Baldvin: Já, það er raunhæf
samkeppni og mjög hörð sam-
keppni. Við verðum líka að
taka það með í reikninginn að
hér eru nú starfandi 13 trygg-
ingafélög. Á milli þeirra er
mjög hörð iðgjaldasamkeppni,
nema auðvitað á ábyrgðar-
tryggingum, bifreiða, en þar
hafa þau sameiginlega iðgjalda-
skrá.
FV: 13 tryggingafélög í litlu
þjóðfélagi virðist ansi mikið.
Baldvin: Félögin eru of mörg
og ég tel, að þróunin hljóti að
verða sú, að félögin renni sam-
an. Ég tel ekki þurfa að orð-
lengja um óhagræðið, sem
hlýtzt af því að hafa svona
mörg félög starfandi. Að mínu
áliti er nægilegt og eðlilegt, að
á íslandi starfi ca. 5 trygginga-
félög.
FV: Geta stóru tryggingafé-
lögin keypt þau litlu upp?
Baldvin: Því ekki það? Þró-
unin um allan heim er sam-
runi stærri og smærri félaga
og samfara þeirri þróun kem-
ur aukið hagræði.
FV: Vöruþjófnaður í skipum
og vörugeymslum hefur löng-
um verið mikið vandamál.
Hvernig er ástandið í þessum
málum í dag?
Baldvin: Þetta hefur stórlag-
azt. Um tíma ríkti vandræðaá-
stand, en tekist hefur að laga
það með hertu eftirliti af
hálfu tryggingafélaganna og
skipafélaganna. Meiri aðgæzla,
og betri aðstaða hefur gert það
að verkum að nú er í raun og
Baldvin: „Við áttum hluta i
öllum vélunum, sem Palestínu-
skæruliðar rændu á dögunum
og sprengdu í loft upp.“
veru sáralítið um slíkan þjófn-
að, miðað við það, sem áður
var.
FV: Hverjar eru helztu nýj-
ungarnar í starfsemi Almennra
Trygginga hf.?
Baldvin: Þar vil ég nefna
hina nýju heimilistryggingu, en
hún felur í sér brunatryggingu,
vatnsskaðatryggingu, þjófnað-
artryggingu, ábyrgðartrygg-
ingu og örorkutryggingu fyrir
húsmóður. Auk þess vil ég
nefna hóplíftryggingu og slysa-
og sjúkratryggingu. Hóplíf-
tryggingin tekur eins og nafn-
ið segir til um, yfir hóp manna
og er yfirleitt þannig háttað,
að falli einn þeirra frá, greið-
ir tryggingin sem svarar einum
árslaunum hans. Slysa- og
sjúkratryggingin er hins vegar
t. d. hugsuð þannig, að sjálf-
stæður atvinnurekandi geti
tryggt sig á þann hátt, að veik-
ist hann eða verði fyrir slysi,
greiða tryggingarnar honum
vissa upphæð fyrir hverja
viku, sem hann er frá störfum.
T. d. er algengt, að menn