Frjáls verslun - 01.08.1974, Blaðsíða 45

Húsavíkurbær greiðir leigu
til landeiganda á Hveravöllum
árlega, og er áætlað að gjaldið
verði 2 milljónir króna á
þessu ári.
5 LÆKNAR.
Sjúkrahús Húsavíkur var
tekið í notkun árið 1970, en
það var reist á vegum ríkisins,
Húsavíkurbæjar og sveitarfé-
laga í kring. Við sjúkrahúsið
starfa 5 læknar, ásamt hjúkr-
unarkonum og öðru starfsliði.
60-70 rúm eru á spítalanum,
og á efstu hæð hússins er
starfrækt ellideild, en fyrir-
hugað er að hefja byggingu
dvalarheimilis fyrir aldraða
næsta sumar.
Sjúkrahús Húsavíkur þjónar
svæði, sem 4-5000 manns
byggja.
ÍÞRÓTTIR MIKIÐ
STUNDAÐAR.
Á Húsavík er hlutfallslega
meira af ungu fólki, en al-
mennt gerist í gömlum bæjar-
félögum, og kannski er
það ein ástæða þess, hve í-
þróttir eru þar mikið stundað-
ar.
Stefnt er að því, að gera að-
stöðu fyrir frjálsíþróttir sem
bezta, og er m. a. verið að
reisa skíðalyftu í Húsavíkur-
fjalli. í sumar var unnið við
lokafrágang á malarvelli, og
nú er verið að gera grasvöll.
Fyrirhugað er að reisa í-
þróttahús, sem hefur sal 22x42
m að stærð, ásamt búnings-
klefum og tilheyrandi aðstöðu.
5 milljónir eru til fyrir bygg-
ingu íþróttahússins, en það er
ekki komið inn í fjárlög rík-
isins, og því ekki vitað hve-
nær framkvæmdir hefjast.
Þá má geta þess að ráðgert
er að byggja nýja álmu við
Félagsheimili Húsavíkur. Þar
á að vera aðstaða fyrir kvik-
mynda- og leiksýningar, en
eins og kunnugt er, hefur
lengi verið starfandi öflugur
leikflokkur á Húsavík. Tón-
mennt er líka mikið iðkuð, og
auk tónskóla, eru tveir kórar
og ein lúðrasveit starfandi.
STÓRFRAMKV ÆMDIR
VIÐ HÖFNINA.
Eitt stærsta verkefnið á veg-
um bæjarins um þessar mund-
ir eru hafnarframkvæmdir.
Byrjað var í sumar á öðrum á-
fanga, sem er bygging þver-
garðs í suðurgarði, og á í
skjóli hans að vera viðlegu-
pláss fyrir smábáta og fiski-
skip.
Síðar verður unnið að dýpk-
un hafnarinnar, en á því verki
var byrjað s. 1. sumar.
Öllum kísil, sem fluttur er
til útlanda, er skipað út frá
Húsavík, og er orðið mjög að-
kallandi að bæta aðstöðu fyrir
hin stóru skip, sem annast
flutninginn, og er fyrirhugað
að dýpka höfnina í norður-
garði, þar sem þessi skip hafa
aðstöðu.
Höfnin hefur haft miklar
tekjur af Kísilgúrverksmiðj-
unni. og er hún stærsti greið-
andi til hafnarinnar.
FJÁRMÁL ERFIÐ.
Að lokum sögðu Guðmund-
ur Bjarnason og Guðmundur
Níelsson, að greiðslustaða bæj-
arins væri erfið nú á tímum
verðbólgu og dýrtíðar. Það
sem gerir fjármálin erfiðust,
er að framkvæmdatíminn er
yfir sumarmánuðina, og þá
þarf að leggja fram mikið fé,
en tekjur bæjarins koma að
stórum hluta inn seinni hluta
árs.
Áætlaðar tekjur bæjarsjóðs
og bæjarfyrirtækja eru 170
milljónir á þessu ári.
Fjárhagsáætlun bæjarins er
í endurskoðun, og gert er ráð
fyrir að fresta verði fram-
kvæmdum á næstunni, en bæj-
arstjórn hefur enn ekki tekið
ákvörðun um, hvernig því
verður háttað.
íþrótta-
blaðið
Eina iþróttablað
landsins.
Fjallar um íþróttir
og útilíí.
Áskrif tasímar:
82300 — 82302
Stálhúsgögnin,
sem standa sig.
Við framleiðum
flestar tegundir stál-
húsgagna fyrir
heimili (margar gerðir),
skóla (einnig margar
gerðir), félagsheimili
og fundarsali.
Tökum jafnframt
að okkur sérsmíði.
SÍMI 33590.
STÁLHÚSGAGNA-
GERÐ
STEINARS
JÓHANNSSONAR
SKEIFUNNI 8,
REYKJAVÍK.
FV 8 1974
45