Frjáls verslun - 01.01.1976, Page 14

Hljómplötuútgáfa
Margir tilbúnir að taka
áhættuna
IVIetsöluplötur í 7-8000 eintökum
Mikil gróska er í íslenzkri hljómplötuútgáfu um þessar mundir
eins og reyndar kom glöggt í Ijós fyrir jólin. Hátt á þriðja tug
nýrra íslenzkra hljómplatna mun hafa komið út í fyrra, og fyr-
irtækjunum, sem að þessari útgáfustarfsemi standa, fer fjölg-
andi.
Samkvæmt upplýsingum,
sem Frjáls verzlun hefur afl-
að sér hjá aðilum, er gjörla
þekkja þennan markað, hafa
plöturnar náð geysimikilli út-
breiðslu, þannig að eftir yrði
tekið í fjölmennari löndum.
Til dæmis hefur platan Sumar
ar á Sýrlandi með Stuð-
mönnum verið seld í 7-8000
eintökum en í Noregi þætti
það tilefni til verðlaunaveit-
inga, ef plata seldist þar í 10
þúsund eintökum. f næsta sæti
er platan með Spilverki þjóð-
anna. Hún hefur selst í 5000
eintökum, samkvæmt áreiðan-
legum heimildum, en báðar
þessar upptökur eru að auki
gefnar út á kasettusegulbönd-
um í nokkur þúsund eintök-
um.
VINSÆLAR PLÖTUR.
Það er hljómplötuútgáfan
Steinar hf., sem hefur gefið
báðar þessar plötur út en for-
svarsmenn hennar eru Páll H.
Pálsson, forstjóri, og Steinar
Berg, tengdasonur hans. Þetta
fyrirtæki gaf ennfremur út
plötur með Þokkabót, hljóm-
sveit Ingimars Eydals, jap-
anska hljómlistarmanninum
Taó o. fl.
Hljómplötuútgáfa Hljóma í
Keflavík hefur líka náð at-
hyglisverðum árangri að und-
anförnu. Hún gaf út plötur
eins og Lonely Blue Boys I.
og II., plötu með Gylfa Æg-
issyni, og plöturnar Randver,
Eitthvað sætt, Gleðileg jól og
sólóplötu með Gunnari Þórðar-
syni. Þessi tvö fyrirtæki voru
einna mest áberandi í útgáfu
nýrra hljómplatna í fyrra.
SG-hljómplötur, sem er tví-
íslenzkar plötur teknar fram-
yfir útlendar.
mælalaust grónasta fyrirtæk-
ið á þessu sviði ásamt Fálk-
anum, gaf minna út en oft
áður. Önnur hljómplötufyrir-
tæki eru Demant, Tónaútgáfan
á Akureyri og útgáfufyrirtæki
Ámunda Ámundasonar.
HLJÓMAR STANDA
VEL AÐ VÍGI.
Hljómplötuútgáfa er afskap-
lega tvísýn enda kostnaður
mikill, sem í verður að leggja
til að gera hana frambærilega
og eftirsóknarverða. Að því
leyti til standa engir betur að
vígi en Hljómar í Keflavík,
sem semja lög, flytja þau sjálf-
ir og gefa út. Þar sameinast
höfundar og flytjendur en auk
þess mun sparast kostnaður
vegna STEFS, sem önnur fyrir-
tæki verða að bera.
Stærsti útgjaldaliður við
plötuútgáfuna er upptakan.
Nú orðið fer hún oftast fram
hérlendis enda er ágæt að-
staða til slíks fyrir hendi hjá
Hljóðritanum í Hafnarfirði.
Hljómaútgáfan hefur þó látið
taka sínar plötur upp í Lond-
on vegna dvalar Gunnars
Þórðarsonar erlendis.
200 KR. EINTAKIÐ
f FRAMLEIÐSLU.
Láta mun nærri að upptöku-
kostnaður vegna 12 laga plötu
sé 750 þús. krónur en vinnan
við upptöku getur staðið í
100 klukkutíma. Þurfi að fá
aukahljóðfæraleikara kostar
það á annað hundrað þúsund
en prentun og frágangur á
umslagi kostar 350 þúsund fyr-
ir meðalupplag. Þegar upptöku
hér heima er lokið er segulband
sent til fyrirtækja erlendis sem
pressa plöturnar. Er aðallega
skipt við bandarísk fyrirtæki
um þessar mundir en þó hefur
líka verið verzlað við brezk
og hollenzk. Að meðaltali kost-
ar hver plata hingað komin
með tollum og öðrum gjöld-
um um 200 krónur eintakið.
Heildsöluv. á hverju plötuein-
taki er á bilinu 1000-1200 krón-
ur og skiptist það þannig að
flytjendur fá 40% og útgef-
andi 60% i sinn hlut. Þetta er
ekki algilt og er misjafnlega
samið í hverju tilviki.
Útsöluverð í hljómplötu-
verzlunum var á flestum nýj-
um íslenzkum plötum kr.
1990 í vetur en þar af nemur
álagning verzlunarinnar
30-40%. Þetta verð er mjög
hagstætt ef kaupa skal tæki-
færisgjafir t. d. og með hækk-
uðu bókaverði hefur tvímæla-
laust komið mikill fjörkippur
í hljómplötuverzlun og þá er
átt við íslenzkar plötur því að
frekar hefur dregið úr sölu á
erlendum plötum.
14
FV 1 1976