Frjáls verslun - 01.11.1979, Blaðsíða 9

Ágúst Ágústsson hefur verið ráðinn fjár-
málastjóri Fríhafnarinnar á Keflavíkurflugvelli
frá og með 15. janúar nk.
Ágúst lauk samvinnuskólaprófi 1968. Vann
því næst í skrifstofu SÍS í Hamborg í 214 ár. Þá
fór hann til Kanada og lauk þar viðskiptafræði-
prófi við University of Manitoba og tveimur ár-
um síðar, 1977, lauk hann prófi í rekstrarhag-
fræði viö Queen’s University, Kingston, Onta-
rio.
Að loknu námi réðst Ágúst til Útflutnings-
miðstöðvar iðnaðarins og hefur starfað þar
sem fulltrúi síöan.
Að sögn Ágústar er starf fjármálastjóra Frí-
hafnarinnar mjög svipað og störf fram-
kvæmdastjóra í öðrum fyrirtækjum, almennur
rekstur fyrirtækisins, mannaráöningar og inn-
kaup. Ágúst er ekki reynslulaus í verslunar-
rekstri því hann var verslunarstjóri Kaupfélags
Dýrfirðinga um skeið.
Aðspurður kvaðst Ágúst lítast mjög vel á hið
nýja starf sitt, en miklir erfiðleikar eru þó komnir
upp í rekstri fríhafnarinnar sem skapast af
samdrætti í flugi Flugleiöa og auknu yfirflugi frá
Ameríku.
„Það er erfitt aö spá fyrir framtíðina. Salan
minnkar efalaust en það þýðir ekkert annað en
að vera bjartsýnn," sagði Ágúst.
Þorkell Sigurlaugsson tók við starfi sem for-
stöðumaður nýstofnaðrar hagdeildar Eim-
skipafélags íslands hinn fyrsta október sl.
Þorkell er fæddur 2. maí 1953. Hann lauk
stúdentsprófi frá Menntaskólanum í Reykjavík
1973 og síðan stundaði hann nám í fyrirtækja-
kjarna í viðskiptadeild Háskóla íslands og lauk
þaðan prófi 1977. Lokaritgerð Þorkels fjallaði
um rekstur skipafélaga og hét: Kaflar um sigl-
ingahagfræði og stjórn skipafélaga.
Meö námi sínu í viðskiptadeildinni vann Þor-
kell m.a. hjá flugfélaginu Swissair, en það starf
fékk hann í gegnum alþjóðasamtök viðskipta-
og hagfræðinema, Aisec.
Að loknu námi réðst Þorkell til Eimskipafé-
lagsins og starfaði þar við ýmis verkefni m.a. sá
hann um rekstur Ryövarnarskálans, en yfirleitt
hafa verkefnin verið á því sviði sem nýstofnuð
hagdeild sér nú um.
Á undanförnum mánuðum hefur verið unnið
að ýmsum breytingum á skipulagi Eimskipafé-
lagsins sem miðast að því að bæta þjónustu
þess og efla sambandið við viðskiptavini þess,
en þessar breytingar munu fyrst og fremst
koma til framkvæmda í byrjun næsta árs.
Verkefni hagdeildar eru margvísleg. Þau helstu
eru gerð rekstrar- og fjárfestingaráætlana og
eftirlit með framkvæmd þeirra. Hagtölugerð og
eftirlit með flutningaáætlunum svo og ýmsar
hagkvæmnisathuganir og arðsemisathuganir
eru einnig verkefni deildarinnar og að lokum
má geta þátttöku deildarinnar í undirbúningi á
endurnýjun á skiþastól félagsins.