Frjáls verslun - 01.11.1979, Page 66

ti! umrædu
Gróðafyrirtækið Alþýðublaðið
Eitt ábatasamasta fyrirbæri í íslenzkri
blaðaútgáfu um þessar mundir er Al-
þýðublaðið. „Af er það, sem áður var,“
munu þeir hugsa nýju krataleiðtogarnir
með sælubros á vör, minnugir margs
konar reddinga og fjármálakúnsta, sem
fyrirrennarar þeirra í Alþýðuflokksfor-
ystunni hafa orðið að leika i gegnum árin
til að halda málgagni sínu á floti og
bjarga persónulegum eigum sínum und-
an hamrinum. Riddararnir í krossferð
kratanna gegn spillingaröflum samfé-
lagsins og meinsemdum kerfisins hafa
sjálfir tekið pestina í öllum fyrirgangin-
um og eru orðnir samdauna svínaríinu,
sem þeir ætluðu að uppræta.
Eða hvað annað eiga menn að álykta
þegar þeir gera úttekt á stöðu Alþýðu-
blaðsins? Þessi fjórblöðungur
krataflokksins er fullkomlega á opinberu
framfæri. Enginn nema lokaður hringur
flokkseigenda veit hvað upplagið er
raunverulega lítið en öllum er kunnugt,
að enginn biður um Alþýðublaðið að
fyrra bragði. Blaðið er einungis vett-
vangur fyrir ræðuskrif og pólitískar
greinar kjörinna fulltrúa flokksins á Al-
þingi og í borgarstjórn ásamt myndum af
þeim. Þarna er kannski einum of mikið
fullyrt, því að drjúgur hluti af innsíðun-
um tveimur er undirlagður af auglýsing-
um frá opinberum stofnunum, sem sam-
kvæmt samtryggingarkerfi flokkanna er
uppálagt að borga Alþýðublaðinu jafn-
mikið fyrir birtingar tilkynninga sinna og
Morgunblaðinu. Starfsmenn Alþýðu-
blaðsins fást fyrst og fremst við að hafa
auga með opinberum tilkynningum í
öðrum blöðum og eltast síðan við for-
stöðumenn viðkomandi stofnana til að
heimta af þeim sömu tilkynningar til
birtingar í Alþýðublaðinu. Oft gerist
þetta hreinlega þannig að auglýsingar eru
rifnar úr öðrum blöðum og endurprent-
aðar þegjandi og hljóðalaust en það
fyrsta sem forstöðumenn stofnana vita
um málið er að einn góðan veðurdag
kemur reikningurinn í pósti. Þá verða
menn vitanlega að bukka sig og beygja
fyrir Alþýðublaðinu og taka fram tékk-
heftið.
Með þessum óvenjulegu og í hæsta
máta ógeðfelldu vinnubrögðum hefur
rekstur Alþýðublaðsins orðið ein gróða-
vænlegasta tegund útgáfustarfsemi, sem
þekkist hér á landi og þótt víðar væri
leitað. Alþýðuflokkur nærist með þessum
hætti býsna vel á gjörspilltum vinnu-
brögðum, sem látin eru viðgangast í skjóli
samtryggingarinnar í kerfinu.
Tafir í Evrópuflugi
Nokkurrar óánægju hefur gætt hjá
flugfarþegum í millilandaflugi Flugleiða
vegna tafa í Evrópuflugi að undanförnu.
Auðvitað geta ófyrirséð atvik alltaf rask-
að flugáætlunum, en í þessu tilviki á fé-
lagið sjálft meiri sök en áður. Það hefur
reynzt vera óhófleg bjartsýni að ætla að
halda uppi 10 ferðum í viku tit Norður-
landa og Bretlands með einni flugvél,
sem auk farþegaflugs þarf að fljúga
reglubundnar fraktferðir. Það má sem
sagt ekkert út af bera svo að áætlun fari
ekki verulega úr skorðum við þessi skil-
yrði.
íslenzkir flugfarþegar hafa vanizt
greiðum samgöngum við næstu ná-
grannalönd sín í Evrópu. Sú eðlilega
krafa er gerð til Flugleiða að sama ör-
yggi verði tryggt á þessum þýðingar-
mestu samgönguleiðum íslendinga og
við höfum átt að fagna síðasta áratug-
inn.