Frjáls verslun - 01.08.1980, Blaðsíða 21
2000. Stuttir fyrirlestrar veröa flutt-
ir um fólksfjölda, búsetu, atvinnu-
skiptingu, efnahagslífið, vinnu-
markaðinn, þjóðfélagið og stöðu
einstaklingsins.
Aðgangurað ráðstefnunni verð-
ur öllum heimill eins og að allri
annarri starfsemi Stjórnunarfé-
lagsins. Gert er síðan ráð fyrir að
allir fyrirlestrarnir verði gefnir út í
bókarformi.
Námstefnur.
Námstefnur hafa verið ríkur þáttur
í starfi Stjórnunarfélagsins, en það
fyrirbrigði er sambland af ráð-
stefnu og námskeiði eins og nafn-
ið gefur til kynna. Þórður nefndi
eina námstefnu um sölu á erlend-
um mörkuðum. Sú námstefna
verður í lok október og verður m. a.
danskur fyrirlesari á ráðstefnunni.
Á námstefnu þessari erætlunin að
taka saman yfirlit yfir tilhögun út-
flutningsverslunarinnar og er þá
átt við sjávarútveg og iðnað.
Allirvel merktir
Starfsmannaskírteini
á markaðinn
Passamyndir hf. munu byrja með
framleiðslu nýrra starfsmanna-
skírteina, sem eru lítil plastspjöld
með mynd af starfsmanni ásamt
ýmsum upplýsingum um hann,
svo sem nafni, heimilisfangi,
stöðu og vinnustað.
,,Tilgangurinn með þessum
skírteinum er m. a. að leysa blaöa-
mannaskírteinin af hólmi og hin
ýmsu ,,heimagerðu“ starfsmerki.
Einnig ætti þetta að varna því að
hver sem er geti talið sig vera frá
hinu og þessu fyrirtækinu og notið
góðs af því,“ sögðu þeir Kristján P.
Guðnason og Kristján Haraldsson
í Passamyndum hf.
Öll fyrirtæki og starfsfélög eiga
kost á þessum skírteinum.
Á skírteinin er t. d. sett nafn
starfsmanns, fæðingardagur
hans, nafn fyrirtækisins, undir-
skrift eiganda eða forstjóra og svo
frv. Einnig er hægt að gera þetta
gataspjöld fyrir tölvur og skólar
geta notað spjöldin sem skólaskír-
teini. Möguleikarnireru margir.
Passamyndir hf. ganga síðan frá
spjöldunum, þ. e. taka mynd af
skírteinishafa og spjaldinu,
klippa það til og setja inn í plast,
sem lokast fullkomlega. Allt þetta
tekur aðeins þrjár mínútur og fer
fram í einni vél af Polaroidgerð,
sem lítur út eins og meðal ferða-
taska. Passamyndir koma í fyrir-
tækin með „töskuna" og útbúa
kortin á staðnum. Þau eru í tvíriti,
annað fer til spjaldskrár fyrirtækis-
ins og hitt til starfsmanns.
Kortin eru ódýr í framleiðslu,
kostnaður lauslega áætlaður er
um 6000 krónur fyrir stykkið, eða
jafnvirði einnar passamyndar.
Slík starfsmannakort hafa verið
tekin upp í flestum nágrannalönd-
um okkar og þykja mjög heppileg.
Stungið hefur verið upp á heit-
inu „kennimerki" yfir þessi skír-
teini, en beðið er um aðrar og
betri tillögur.
I
21