Frjáls verslun - 01.08.1980, Blaðsíða 34

RÁDGJAFA
Grein eftir Jóhann Gunnar Ásgrímsson,
viðskiptafræðing. í 1. tbl. þessa árs birtist
grein hans, sem fjallaði um rekstrarráðgjöf
á íslandi.
Fyrir þá sem hyggja á notkun
rekstrarráögjafar er ekki úr vegi að
fara nokkrum orðum um þá starf-
semi, þannig að hugsanlegir not-
endur geti gert sér grein fyrir hvað
hér er á ferðinni, hvaða kröfur þeir
eigi að gera til ráðgjafafyrirtækja
og hvaða kröfur ráögjafafyrirtækin
geri til væntanlegra viðskiptavina.
Hvað felst í ráðgjöf?
Öll vinna ráðgjafafyrirtækja
grundvallast á breytingum og því
er ekki úr vegi að líta nánar á eðli
breytinga almennt, og að hverju
þær beinast.
Margs konar breytingar sem
ekki eru undir neinni stjórn eiga
sér stað í fyrirtækjum, en þær
breytingar sem hér er fjallað um
eru þær breytingar sem skipu-
lagðar eru af mannavöldum og
markvisst er reynt að koma á, sem
sagt þær sem leitað er með til ráð-
gjafafyrirtækja.
Oft er talað um að breytingar
beinist að þremur megin hlutum
fyrirtækja eða skipulagsheilda:
1. Ákvarðanatökukerfi (t.d.
valdskipulag).
2. Upplýsingakerfi (t.d. fyrir-
mæli, endurgjöf).
3. Hlutverkakerfi (t.d. verka-
skipting).
Þetta eru allt þættir sem hafa
verður í huga þegar breytingar
eiga sér stað. Ákvarðanatökukerf-
ið fjallar um valdskipulag og
hvernig ákvarðanir eru teknar.
Upplýsingakerfið fjallar m.a. um
hvernig upplýsingar berast um
fyrirtækið og hvernig upplýsinga
er aflað. Hlutverkakerfið fjallar um
uppbyggingu fyrirtækisins, hvort
það er dreifstýrt eða miðstýrt
o.s.frv., þ.e. allt er varðar stærð og
lögun.
38