Frjáls verslun - 01.10.1980, Blaðsíða 11

bítast um lítinn markad og ættu þrcngslin ad
koma betur í Ijós nú þegar kaupmáttur launa fer
minnkandi. Það má því reikna með aö einhverj-
ir fari aö detta úr lestinni, en þeir, sem eftir
verða nái enn styrkari stöðu á markaönum þeg-
ar eftirspurnaruppsveifla kemur. Þá hafa inn-
lendir húsgagnaframleiðendur vaxandi álivggj-
ur af því hve mikla áherslu húsgagnaverslanir
leggja á erlend húsgögn. Benda þeir á að mark-
aðshlutdeild innlendra framleiðenda sé um
50% en að þeir fái ekki nema um 30% af sýn-
ingarplássi verslana.
Málefnum verslunarinnar er nú stjórnað af
meira raunsæi en oft óiður. Telja menn í við-
skiptalífinu að mikil breyting hafi orðið á stefnu-
mörkun í viðskiptamáilum eftir að Tómar Árna-
son tók við embætti viðskiptaráðlierra, en oft
áður hafði viðskiptalífinu fundist tómlæti ríkja ef
ekki beinn fjandskapur meðal þeirra sem þar
mörkuðu stefnuna. Nú sér heildverslunin hilla
undir lausn á gömlu baráttumáli, sem sé heim-
ildar til að endurmeta vörubirgðir, en eins og
kunnugt er hefur verðbólgan og bann við endur-
mati á vörubirgðum í samræmi við hana leikið
margt fyrirtækið grátt. Er vonast til að þetta mál
verði komið í höfn fyrir áramót. Pá er farið að
rofa til í öðru baráttumáli verslunarinnar, sem er
frjálsari verðmyndun. Er reiknað með að fyrsta
skrefið í þá átt verði stigið nú á þessu ári með
frjálsri álagningu á bifreiðarvarahluti.
•
Eins og fram hefur komið í blöðum hafa tilraun-
ir íslendinga til að fá framlcngingu á aölögunar-
gjaldinu mætt mikilli andstöðu hjá EFTA. Er
reyndar útséð með að af framlengingu geti orð-
ið. Þess í stað mun vera til athugunar að hækka
jöfnunargjaldið. Talan 4% hefur heyrst í því
sambandi.
Ib Wessman, einn kunnasti veitingamaður
landsins hefur nú söðlað um. Nýlega seldi hann
hlut sinn í Naustinu og stundar hann nú kennslu
við Fjölbrautarskólann í Breiðholti. Kunnugir
telja frekari hrœringa að vœnta í veitingaiðnað-
inum en í fáum atvinnugreinum hefur verið
önnur eins gróska á þessu og síðast liðnu ári. Er
reiknuð með að þrengja tuki að sumum stöðum í
vetur og eru reyndar farin að sjást þess merki
með breytingu á Veitingahúsinu Versölum í
grillstað.
•
Strangar reglur um frágang og búnað íslenskra
fiskiskipa, en þær eru settar af Siglingamála-
stofnun ríkisins, virðast ætla að gera meira en að
tryggja öryggi íslenskra skipa. Nú eru farnar að
berast fyrirspurnir til íslenskra fyrirtækja, sem
framleiða tæki fyrir fiskiskip, frá hinum ýmsu
stöðum á hnettinum þar sem unniö er að þróun-
arverkefnum á sviði sjávarútvegs. Nú hefur til
dæmis borist pöntun frá Sri Lanka á alterna-
torum til fyrirtækisins Alternator hf. í Keflavík
en þar er verið að byggja nýja 26 tonna báta á
vegum Fiskveiðiþróunarstofnunarinnar þar í
landi og að þeirra sögn skal einungis nota það
besta á markaðinum í þessa báta. Það fylgir
sögunni að hjá þessari stofnun á Sri Lanka starfi
íslenskur sérfræðingur, Þórir Hinriksson, og
hann veit að sjálfsögðu hvaðan gott kemur.
Væntanlega er þetta aðeins byrjunin á þeim
útflutningi tækniþekkingar sem lengi hefur ver-
ið unnið að hjá Alternator hf. m. a. með út-
flutningi á tækjum til Noregs um árabil.
•
Pað vakti nokkra athygli manna, þegar Kjartan
Jóhannsson alþingismaður, skýrði frá því með
fögrum orðum í útvarpinu, að sér gengi ekkert
annað til en að tryggja lýðrœði í flokknum, með
því að bjóða sig fram gegn Benedikt Gröndal til
formennsku í Alþýðuflokknum. Kjartan taldi
nauðsynlegt að fólk ætti um fleira en eitt for-
mannsefni að velja. Pví hefði mátt ætla að hann
legði á það mikla áherslu að fá einhern annan
lýðræðissinna til að bjóða sig fram gegn sér, til
formennsku. Pað er haft fyrir satt, að Kjartan
hafi engar tilraunir gert til þess. Ekki erörgrannt
um að það hvarfli að einum og einum raunsæis-
manni, að persónulegur metnaður og valdaþrá
hafi einhverju ráðið um ákvörðun Kjartans að
bjóða sig fram. Pað er allavega Ijóst að reyndir
stjórnmálamenn brosa góðlátlega, þegar minnst
er á lýðræðisást Kjartans.
11