Frjáls verslun - 01.11.1980, Blaðsíða 44
Þessi litla Wanfi 2200 SVP tölva kostar frá 11 milljónum króna.
því er átt við að hægt er að flytja texta
eða upplýsingar frá einni textavinnslu-
vél til annarrar í gegnum síma. Á
nokkrum sekúndum má þannig flytja
skilaboð eða skjöl frá einni heimsálfu til
annarrar. Móttakandinn getur fengið
skilaboðin á pappír og hefur þá um leið
fengið á nokkrum sekúndum eða mín-
útum bréf, sem annars tæki nokkra
daga að senda. Þannig virkar raf-
elndapósturinn, sem er orðinn að
veruleika sums staðar erlendis.
Hvað þýðir þetta?
Það er Ijóst að hið daglega skrif-
stofustarf mun á næstu árum grund-
vallast í vaxandi mæli á tölvumáli og
rafeindatækni. Þróunin hefur tvær
víddir: Tölvutæknin opnar nýja mögu-
leika fyrir skrifstofufólk við öflun,
vinnslu og geymslu gagna á réttum
tíma og réttum stað samfara miklum
sparnaði. Auk þess er hægt að flytja
gögnin með miklum hraða á annan
stað.
Skrifstofurnar munu tæpast breytast
í „tölvumiðstöðvar", en tölvutæknin
mun þó hafa þau áhrif að hin sjálfvirka
skrifstofa verður að veruleika áður en
tíu ár eru liðin. Þessi breyting er þegar
hafin á íslandi með almennri tölvu-
notkun, en næsta stig erum við nú
þegar að stíga með vaxandi rafeinda-
samgöngum.
Helsta hjálpartæki skrifstofumanns-
ins verður fjölhæf útstöð með skermi
þar sem starfsmaðurinn getur unnið og
flutt upplýsingar með ýmsu móti.
Pappírsvinna verður í lágmarki. Inn- og
útskrift verður í sömu samstæðu.
Sölumaður matar til dæmis inn pöntun
í útstöðina og miðstöðin býr til sölu-
skjöl, skráir pöntunina á birgðalista,
reikningur skrifast út og pöntunin fer á
sinn stað í bókhaldi. Sama útstöð getur
teiknað kúrvur og diagrömm og tengt
þau töflum eða texta.
Mikilvægt er að fólk, sem kemur út á
vinnumarkaðinn sé vel undir þessa
breytingu búið. Skólakerfið þarf að
vera betur vakandi yfir þeim breyting-
um, sem eiga sér stað í atvinnulífinu.
Forsenda þess að þessar breytingar
leiði til farsældar er að fólk sé undrr
þær búið. [ því sambandi er lykilorðið
menntun.
ÖRYGGI OG HRAÐI MEÐ TÖLVUVINNSLU.
Vinnum í eigin tölvu m.a.
Fjárhagsbókhald
Gjaldendabókhald
Launabókhald
Viðskiptamannabókhald
Lagerbókhald.
Leitið upplýsinga. Sérhæft starfsfólk.
HAGSÝSLA HF
Bókhalds- og tölvuþjónusta-Tjarnargötu 14
Simi 27737-101 Reykjavík• Nafnnr. 3525-0972
44