Helgarpósturinn - 26.01.1995, Blaðsíða 6

6
MORGUNPÓSTURINN FRÉTTIR
FIMMTUDAGUR 26. JANÚAR 1995
Ellert B. Schram segir að Ólafur Ragnar Grímsson hafi skorið
Ögmund Jónasson niður úr snörunni vegna Svarts á hvítu
og innheimti það veð með framboði Ögmundar
Olafur Ragnar hefur
aldrei átt veð í mér
segir Ögmundur Jónasson.
„Ólafur Ragnar Grímsson hef-
ur aldrei átt neitt veð í mér og
reyndar ekki nokkur maður. Sál
mín er ekki föl,“ segir Ögmundur
Jónasson, formaður BSRB, og
þriðji maður á lista Alþýðubanda-
lagsins og óháðra fyrir komandi
kosningar.
1 leiðara DV í gær fór Ellert B.
Schram hörðum orðum um Ög-
mund og dregur vægast sagt í efa
að Ögmundur sé með sanni full-
trúi óháðra. „Þáverandi íjármála-
ráðherra, Ólafur Ragnar Grímsson,
skar Ögmund niður úr snörunni
með því að létta veðböndum af
húseign hans og láta ráðuneytið
kaupa hugbúnað af Svörtu á hvítu.
Sá hugbúnaður reyndist ekkert
annað en hugarfóstur og skuld
Svarts á hvítu var á endanum
greidd af fjármálaráðherra með
skattpeningum. Kannske er Ög-
mundur að launa þann greiða?
Kannske er Ólafur Ragnar að taka
út veðið sem hann átti í Ög-
mundi?“ segir Ellert B. Schram í
leiðara DV.
„Mér fannst þessi leiðari afskap-
lega dapurlegur fyrir Ellert B.
Schram,“ segir Ögmundur. „Ég
hafði nú haldið að hann væri stærri
maður en þetta. Það er rétt að ég
tengist fyrrum forsvarsmönnum
Svarts á hvítu fjölskylduböndum
og ég er mjög stoltur af þeim
tengslum. Svart á hvítu var eitt
metnaðarfyllsta bókaforlag sem
hér hefur verið rekið. Þegar bóka-
forlagið varð gjaldþrota á sínum
tíma átti sér ekkert óheiðarlegt stað
við það uppgjör þótt fjöldi manns
hafi unnið að því árum saman að
ata það auri. En hvað varðar þær
dylgjur sem koma fram í leiðara-
skrifum DV þá er að sjálfsögðu
enginn fótur fyrir þeim. Sál mín
hefur aldrei verið föl.“
En er það ekki rétt að veð, sem
voru á húseign þinni vegna Svarts á
hvítu, afléttust þegar Ólafur Ragn-
ar ákvað að hjálpa bókaforlaginu?
„Þetta er náttúrlega eins og hvert
annað rugl. Að Ólafur hafi skorið
mig niður úr einhverri snöru með
því að létta veðböndum af húsi
mínu. Húseign mín hefur oft verið
veðsett og það er mitt mál hvernig
ég stend að mínum skuldbinding-
um en Ólafur Ragnar hefur aldrei
létt neinum veðböndum af mér.
Og vægast sagt finnst mér dapur-
legt ef pólitísk umræða er komin
niður á þetta plan, að menn séu að
dylgja eins og þarna er gert. Mér
finnst þetta fyrst og fremst dapur-
legt fyrir Ellert B. Schram og DV.“
Pj
Fyrstu 100 sœtin á sértilboði
Tryggðu þér sértilboð í sólina um páskana á hreint frábæru verði með Heimsferðum
og njóttu sólar og hita á Kanarí eða Benidorm við afbragðs
aðbúnað og góða þjónustu fararstjóra Heimsferða. Við kynnum nú glæsilega nýja
gististaði til að tryggja þér öruggan aðbúnað í fríinu.
Benidorm
Brottför 11. apríl -12 dagar
Kr. 39.900 pr. mann,
m.v. hjón með 2 börn, 2ja -11 ára.
Kr. 49.900 pr. mann,
m.v. 2 í íbúð, El Faro íbúðarhótelinu.
Glæsilegur nýr gististaður, E1 Faro.
Þjónusta:
• Líkamsrækt, farþegar Heimsferða fá
frítt tvisvar í viku
• Sjónvarp og sími
• Gufubað
• Veitingastaður
• Bar
• Móttaka er opin allan sólarhringinn
• Kvöldskemmtanir öll kvöld
• Þvottahús
Kanarí Brottför 11. apríl -12 dagar
Kr. 55.900 pr mann,
m.v. hjón með 2 börn, 2ja -14 ára.
Kr. 69.700 pr. mann,
m.v. 2 í studio, Green Sea.
Frábær aðbúnaður á Kanarí
Þjónusta:
• Stór sundlaug
• Tennisvöllur
• Móttaka allan sólarhringinn
• Leiktæki fyrir börnin
• Veitingastaður
• Bar
• Skemmtidagskrá á kvöldin
• Þvottahús
• Verslun
• 300 metrar á strönd
• 20 mínútna gangur í
miðbæinn
BRASILIA
5. apríl -17 dagar
Frá kr.
109.400
Austurstræti 17, 2. hæð, sími 562 4600
Ögmundur Jónasson Er Ólafur Ragnar Grímsson „að taka út veðið
sem hann átti í Ögmundi?"
Allt er nú logandi í deilum meðal hrossabænda
vegna hrossaræktarstöðvarinnar í Litháen
Asakanir
gangaávíxl
Margir hrossabændur telja sig hafa verið
blekkta til að láta fé í hrossaræktarstöð í
Litháen á fölskum forsendum. Eigendur ís-
lenska hluta fyrirtækisins telja sig hins veg-
ar fórnarlömb ófrægingarherferðar sem
ekki eigi við nein rök að styðjast og íhuga
nú málaferli.
Nokkrir hrossabændur
hafa að undanförnu stað-
ið í nokkru stappi við
stjörn Félags hrossa-
bænda og hafa deilur
þeirra staðið um hrossa-
ræktarstöð í Litháen, en
uppbygging og starfsemi
hennar hefur að nokkru
leyti verið styrkt af félag-
inu. Hrossabændur telja
sig hafa fengið rangar
upplýsingar um þessa
ræktarstöð, þar sem því
hafi verið haldið fram í
upphafi að þetta ætti ein-
göngu að vera sölumið-
stöð fyrir íslenska hrossa-
ræktendur. Þeir telja sig
því hafa verið blekkta til
að láta fé í framkvæmd-
irnar í Litháen.
Framkvæmdastjóri Fé-
lags hrossabænda, séra
Halldór Gunnarsson í
Holti, er einn af eigendum ISEN
hf., sem er íslenski aðilinn að ISA-
SVA, sem rekur hrossaræktarbúið í
Litháen. Hann hefur mótmælt
þessum ásökunum og segir alltaf
hafa verið Ijóst út á hvað verkefnið í
Litháen gekk. Bændurnir, með
Baldvin Kr. Baldvinsson í broddi
fylkingar, voru þó ekki sáttir við
skýringar Halldórs og fóru ítrekað
fram á fund með stjórn félagsins
þar sem mál þessi yrðu rædd að
framkvæmdastjóranum íjarstödd-
um. Á mánudaginn funduðu
hrossabændurnir síðan með stjórn
félags síns og munu hafa fengið
einhverjar skýringar og þeir upp-
lýstir um að gengið hafi verið að
einhverjum kröfum þeirra. Meðal
annars mun bókhald ÍSEN hf. hafa
verið sent til sérstakra endurskoð-
enda í samræmi við óskir Baldvins
og félaga. Þeir munu þó ekki enn
vera alveg sáttir við þær skýringar
sem þeir fengu á fundinum og ekki
er ijóst hvert framhaldið verður.
Eins og áður sagði þá hefur séra
Halldór ekki setið þegjandi undir
ásökunum Baldvins og félaga hans.
Meðeigendur Halldórs í ÍSEN hf.
munu þó vera sýnu reiðari en hann
og þykir illa að honum og sjálfum
sér vegið í þessu máli. Einn þeirra,
Reynir Sigursteinsson ráðunaut-
ur að Hlíðarbergi, sagði í samtali
við MORGUNPÓSTINN að vel
kæmi til greina að höfða mál á
hendur þeim mönnum, sem
fremstir hafa farið í því sem hann
kallar ófrægingarherferð á hendur
Halldóri, sjálfúm sér og öðrum eig-
endum ÍSEN hf. Nefnir hann í þvi
sambandi ekki aðeins Baldvin og
félaga hans, heldur einnig mann að
nafni Friðbert Pál Njálsson
hrossaræktarmann, sem meðal
annars stundar hrossarækt í Frakk-
landi. Segir hann Friðbert hafa ver-
ið óþreytandi að dreifa misvísandi
upplýsingum til annarra hrossa-
bænda og íjölmiðla í því skyni að sá
fræjum tortryggni meðal þeirra í
garð Halldórs. Telur Reynir að
Friðbert sé með þessum hætti að
jafna einhverjar persónulegar sakir
við Halldór. Fullyrðir hann að
Friðbert hafi, með þetta fyrir aug-
um, gert allt sem í hans valdi stóð
til að kasta rýrð á Halldór og ÍSEN
hf. í augum hrossabænda og ann-
arra, meðal annars alþingis- og
embættismanna. Það er því ljóst að
það ríkir allt annað en ládeyða í
kringum íslenska hrossaræktendur
um þessar mundir.
Ekki náðist í Friðbert til að fá
hans álit á þessum ásökunum
Reynis. æöj