Helgarpósturinn - 30.11.1995, Blaðsíða 8

FIMMTUDAGUR 30. NÓVEMBER1995
Á þriðja tug fulltrúa skattrannsóknarstjóra og lögregluþjóna gerðu velheppnaðar leifturrannsóknir í síðustu viku á fimm veitingastöðum sem liggja undir
grun um stórfelld skattsvik; þará meðal voru Keisarinn, Mónakó og Grand Rokk. Gríðarmikil leynd hvíldi yfir aðgerðunum, sem þóttu fullharka-
legar og fóru fram á háannatíma — skattrannsóknarstjóra hefur verið líkt við bannáramanninn Eliot Ness í tengslum við málið...
„Maður er stimplaður
sakamaður eftir svonalagað“
- segir Karl Hjaltested, eigandi GrandRokks við Klapparstíg. „Ég sefalveg fullkomlega rólegur á nóttunni," seg-
ir hinsvegar Margeir Margeirsson, eigandi Keisarans og Mónakó: „En það er hvergi þannig á nokkru heimili að
það sé ekki eitthvað sem betur má fara."
að var mikill viðbúnaður
hjá embætti skattrann-
sóknarstjóra fimmtu-
dagskvöldið fyrir viku þegar
fimm hópar rannsóknarmanna
—samtals hátt í þrjátíu manns
— gerðu fyrirvaralausa rann-
sókn á jafnmörgum veitinga-
húsum á höfuðborgarsvæðinu
með aðstoð fílefldra lögreglu-
manna. Gríðarleg leynd hvíldi
yfir aðgerðunum og þannig var
til dæmis ekkert talstöðvar-
samband haft milli bifreiða
rannsóknarhópanna, allir þátt-
takendur voru klæddir borg-
aralegum fötum og ráðist var
til inngöngu á öll veitingahúsin
á sama tíma, eða á slaginu
klukkan 23:30. Eftir það var
augljóst hvað gekk á því hinir
fjölmörgu gestir veitingastað-
anna á þessum tíma ráku strax
augun í að fjórir til fimm menn
kölluðu viðkomandi veitinga-
mann til sín og gerðu síðan
upptækar sjóðvélarúllur, bók-
haldsgögn og annað slíkt. Til
marks um leyndina má geta
þess, að ekki þótti ástæða til
að upplýsa nema lítinn hluta
lögreglumannanna um málið
fyrren örstutt var í leiftursókn-
ina.
Karl Hjaltested, eigandi
Grand Rokks við Klapparstíg,
sagði í spjalli við Helgarpóstinn
að hann hefði fengið útsendara
skattrannsóknarstjóra í heim-
sókn þetta kvöld og var ekki að
fullu sáttur við framkomu
þeirra: „Ég hef ýmislegt að
setja útá framkomu þessa fólks
því þau sýndu enga kurteisi af
sér og voru afskaplega hrana-
leg. Aukþess ruddust þau
hérna inn á háannatíma meðan
yfrið nóg var að gera og aðeins
einn starfsmaður á staðnum.
Ég var svo óheppinn að vera
veikur þegar þetta gerðist og
átti ekki heimangengt, þannig
að þetta kom sér mjög illa.
Staðurinn var fullur af fólki og
allir tóku greinilega eftir því
sem var að gerast. Maður er
stimplaður sakamaður eftir
svonalagað." Aðspurður hvort
líkja mætti þessu við fram-
göngu Eliots Ness og laganna
varða á bannárunum í Chicago
sagði Karl það einmitt málið:
„Þetta var einmitt svoleiðis
framkoma.“ Hann hafði að
öðru leyti ekki áhyggjur af
rannsókninni: „Ég er með allt
mitt á þurru og ekkert útá
minn rekstur að setja. Þeim er
velkomið að rannsaka mín
gögn.“
Margeir Margeirsson, eig-
andi Keisarans og Mónakó við
Laugaveg, var sömuleiðis einn
þeirra veitingamanna sem í
leiftursókninni lentu, en í sam-
tali við Helgarpóstinn virtist
hann hinsvegar sallarólegur yf-
ir látunum: „Ég fékk þarna
ágæta heimsókn undir mið-
nætti og það fór bara vel á með
mér og þessum mönnum —
enda ekki nokkur ástæða til
annars.“ Margeir tók ekki und-
ir það sjónarmið annarra sem í
aðgerðunum lentu að þær
hefðu verið fullharkalegar og
valdið miklu ónæði. „Þeir
komu hingað og það var alveg
sjálfsagt mál að afhenda þeim
þau gögn sem beðið var um og
veita allar tiltækar upplýsing-
ar.“ Margeir er reyndar svo yf-
irmáta afslappaður vegna
heimsóknarinnar að hann
kvað sjálfsagt að láta skoða
gögn sín í bak og fyrir: „Og ég
sef alveg fullkomlega rólegur á
nóttunni. Það er alveg ljóst. En
það er hvergi þannig á nokkru
heimili að ekki sé eitthvað sem
betur má fara. Ég held hinsveg-
ar að ég sé í góðum málum.“
Samkvæmt heimildum
blaðsins hefur veitingahúsa-
geirinn verið til skoðunar um
hríð hjá skattrannsóknarstjóra
og verður áfram — og það skal
tekið fram að undir hugtakið
„veitingahús“ falla allir þeir
ótalmörgu staðir sem bjóða
uppá veitingar. Einn af þeim
sem lent hafa undir rannsókn-
arhjálmi skattrannsóknar-
stjóra er þannig eigandi Hafn-
arkrárinnar og í stuttu spjalli
við blaðið sagði hann það hafa
gerst fyrir nokkrum mánuðum,
að skattrannsóknarmenn
hefðu mætt í heimsókn og
hefði alltsaman verið í ágætu
standi og farið fram í fullri vin-
semd. Eigandi Hafnarkrárinnar
hafði semsagt ekki neitt uppá
skattrannsóknarstjóra að
klaga í þessum efnum.
Ekkert nýtt var hinsvegar að
finna í vinnubrögðum rann-
sóknarliðsins þetta umrædda
fimmtudagskvöld fyrir utan
það, að margir staðir voru
teknir í einu. Ef einn og einn
staður hefði verið tekinn er
býsna hætt við að orðrómur
hefði farið af stað og menn
þannig varað hver annan við.
Kunnugir telja fælingarmátt
aðgerða sem þessara umtals-
verðan; hér eftir passi vafa-

NYJAR VORUR
á hverjum degi