Morgunblaðið - 16.02.2001, Blaðsíða 2

FRÉTTIR
2 FÖSTUDAGUR 16. FEBRÚAR 2001 MORGUNBLAÐIÐ
Forsmekkur að bikar-
úrslitaleiknum / B3
Guðjón valinn knatt-
spyrnustjóri vikunnar / B1
Fylgstu
með
nýjustu
fréttum
www.mbl.is
4 SÍÐUR
Sérblöð í dag

Á FÖSTUDÖGUM
ALLT bendir nú til þess að veruleg
röskun verði á flugi til og frá landinu
þá daga sem verkfall flugumferðar-
stjóra mun standa yfir, að sögn Guð-
jóns Arngrímssonar upplýsingafull-
trúa Flugleiða. Samkvæmt áætlun
verða 52 flug á vegum Flugleiða 20.
og 21. febrúar nk., auk 6 fraktfluga.
Bókaðir farþegar eru tæplega 5.000,
þar af um 2.000 sem eru á leið yfir
hafið með viðkomu í Keflavík og um
3.000 á leið til eða frá landinu. Að
sögn Guðjóns mun verkfallið einnig
hafa áhrif 22. febrúar þar sem ein-
hvern tíma tekur að vinna upp tafir
vegna verkfallsdaganna. Þann dag
eru áætluð 26 flug og má búast við
töfum í mörgum þeirra.
Guðjón segir áætlun Flugleiða
byggjast á því að margar vélar komi
inn á nánast sama tíma, standi hér
við í um klukkustund og fari síðan í
loftið aftur.
Skylda stjórnvalda að tryggja
samgöngur til og frá landinu
„Það sem virðist blasa við er að
hér geti ekki komið nema ein vél á
klukkutíma, er okkur sagt, og það
þýðir í raun að þetta kerfi hrynur.
Og við vitum í rauninni ekkert
hversu mikið við getum flogið.
Við getum því ekki tryggt neitt
þessa tvo daga, ef til verkfalls kem-
ur. Við munum reyna eins og hægt
er, en af þessum ástæðum viljum við
hvetja fólk til þess að breyta um flug
og færa sig frá þessum dögum, þá
sem það geta.“
Guðjón segir að Flugleiðir hafi
lagt á það áherslu að hagsmunir Ís-
lendinga, íslenskrar ferðaþjónustu
og íslenskra ferðamanna hafi alger-
an forgang. Það hljóti að vera frum-
skylda yfirvalda að tryggja með öll-
um tiltækum ráðum að samgöngur
til og frá landinu leggist ekki af, eins
og nú stefnir í.
„Þeir hagsmunir hljóta að vega
þyngra heldur en yfirflugið, sem þó
er auðvitað mikilvægt að haldist. En
við bendum á að fyrir Flugleiðir og
farþega til og frá landinu er þetta
hreinlega stöðvun, en fyrir félögin
sem fljúga innan flugsvæðisins er
það lykkja á leið þeirra að fara suður
fyrir sem kostar kannski 10 upp í 40
mínútna töf.“
Verkfall hjá flugumferðarstjórum gæti raskað ferðum þúsunda farþega
Hætta á að
flug lamist
ÞJÓNUSTUDEILD Vega-
gerðarinnar hefur sett upp tvo
hraðamæla sem sýna ökumönn-
um ökuhraðann á ljósaskilti.
Annar var settur upp í Hrafna-
gili í Eyja-
firði en
hinn við
Reykja-
nesbraut.
Mælarnir
safna jafnframt upplýsingum
um ökuhraða.
„Þetta er fyrst og fremst til
að vekja athygli ökumanna á
þeim hraða sem þeir aka á,“
segir Nicolai Jónasson, deildar-
stjóri hjá þjónustudeild Vega-
gerðarinnar.
Í Hrafnagili var settur upp
hraðamælir þann 19. janúar en
ljósaskiltið var hulið fyrstu dag-
ana. Í Hrafnagili er hámarks-
hraði 50 km/klst. Nicolai segir
að sá sem ók hraðast hafi verið
á um 130 km/klst og algengur
hraði hafi verið um 60 km/klst.
Þó væru þó nokkrir sem ækju á
yfir 100 km hraða og margir á
bilinu 80-100 km/klst.
Hraðamælir var einnig sett-
ur upp á Strandarheiði við
Reykjanesbraut. Nicolai segir
að þar hefði hann orðið var við
að menn hægðu ferðina eftir að
hafa séð hversu hratt þeir ækju.
PÓSTMANNAFÉLAG Íslands
hefur undirritað nýjan kjara-
samning við Íslandspóst og er
það fyrsta aðildarfélag BSRB til
að semja. Kjarasamningurinn
felur í sér 20,5% hækkun á
samningstímanum en hann gild-
ir til ársloka 2004. Samningur-
inn er afturvirkur og gildir frá 1.
janúar 2001. Í samningnum eru
verðlagsþróunarákvæði og er
hægt að segja upp launaliðnum
árið 2002 og 2003 gefi verð-
lagsþróun tilefni til þess.
Þuríður Einarsdóttir, for-
maður Póstmannafélags Ís-
lands, sagðist vera sæmilega
sátt við þennan samning. Upp-
hafshækkunin væri um 9%, en
þeir sem væru á lægstu töxtun-
um fengju eins launaflokks
hækkun strax. Aðrir félags-
menn fengju launaflokkshækk-
un síðar. Auk þess hefði verið
samið um einn orlofsdag til við-
bótar, greiðslu í séreignarsjóð
og aukinn veikindarétt. Þuríður
sagði að byrjunarlaun póst-
manna fyrstu þrjá mánuðina
yrðu með þessum samningi um
93.000 kr. á mánuði.
Samningurinn er að fara í
allsherjaratkvæðagreiðslu í
félaginu, en stefnt er að því að
talningu ljúki 5. mars. Samning-
urinn nær til um 1.350 póst-
manna.
Póstmenn
semja
Ökuhraði
sýndur á
ljósaskilti
NÝTT OG glæsilegt raungreinahús
Menntaskólans í Reykjavík var
formlega tekið í notkun í gær. Hús-
ið, sem var gefið skólanum til
minningar um Elísabetu Sveins-
dóttur á 150 ára afmæli skólans ár-
ið 1997, hefur nú verið endurnýjað
hátt og lágt og gjörbreytir öllum
aðstæðum til raungreinakennslu
og tilrauna.
Ragnheiður Torfadóttir rektor
þakkaði Birni Bjarnasyni mennta-
málaráðherra ötulan stuðning við
uppbyggingu skólans en árið 1996
skipaði menntamálaráðherra
byggingarnefnd fyrir skólann og
var henni falið að meta húsnæð-
isþörf skólans, setja fram tillögur
um nýbyggingar, framkvæmdaröð
og áætla kostnað við þær. Skólinn
hefur hingað til búið við þröngan
húsakost og má nefna að síðasta
nýbygging skólans var tekin í notk-
un 1965.
Þar sem náttúrufræði- og eðl-
isfræðideildir skólans eru fjöl-
mennastar þótti við hæfi að raun-
greinahúsið, sem stendur á horni
Þingholtsstrætis og Bókhlöðustígs,
og tengibygging þess við Casa
Nova yrði valin fyrsti áfangi verk-
efnis um uppbyggingu og þegar
ráðist í framkvæmdir. Húsið er nú
fullbúið nýjum, fullkomnum tækj-
um og verkleg kennsla hafin.
Helgi Hjálmarsson og Lena
Helgadóttir arkitektar hönnuðu
breytingar á húsinu og nýju við-
bygginguna sem eru hluti af heild-
arhugmynd þeirra um uppbygg-
ingu á skólasvæðinu þar sem heilt
menntaskólaþorp mun taka á sig
mynd á næstu árum. Ágúst Þór
Jónsson, verkefnisstjóri uppbygg-
ingar skólans, sagði þennan fyrsta
áfanga menntaskólaþorpsins
skemmtilega framkvæmd sem
hefði fengið farsælan endi en
næstu skref væru ekki síður mik-
ilvæg þar sem nú væri unnið að
deiliskipulagi fyrir alla lóð Mennta-
skólans og mætti vænta töluverðra
breytinga á húsakosti skólans, m.a.
yrði Casa Christi rifið og Casa
Nova algjörlega endurhannað.
Menntamálaráðherra sagði ljóst
að hér væri verið að búa góða um-
gjörð um mikilvægt skólastarf og
enn skyldi haldið áfram. Elsta hús
skólans, aðalbyggingin, er orðið
ríflega 150 ára og sagði ráðherra
brýnt að í ár yrði sjónum og fjár-
munum beint að því að gera upp
„Gamla húsið“ nú þegar 150 ár eru
frá því Þjóðfundurinn var haldinn
á Sal skólans. Lýsti ráðherra yfir
vilja sínum um að slíkt yrði gert og
sagði að á næstu vikum yrði tekin
ákvörðun um framkvæmdir í sam-
starfi við húsafriðunarnefnd.
„Menntaskólinn í Reykjavík á sér
langa sögu og rætur hans standa
djúpt, samt er hann ætíð jafn ungur
og fólkið, sem hér er hverju sinni,
og tækin sem því eru fengin til að
kenna og læra. Hvað varðar raun-
greinakennslu, rannsóknir og til-
raunir er Menntaskólinn í Reykja-
vík nýr skóli í dag,“ sagði rektor og
kvaðst fagna þessum langþráða
áfanga.
Nýtt raungreinahús Menntaskólans í Reykjavík tekið í notkun í gær
Gjörbreytir allri raungreina-
kennslu og aðstöðu til tilrauna
Morgunblaðið/Árni Sæberg
Ragnheiður Torfadóttir, Rut
Ingólfsdóttir og Björn Bjarnason
kynntu sér tilraunir stúdentsefn-
anna Erlings Jóhanns Brynjólfs-
sonar og Sveins Orra Snæland
með straumvog. Á innfelldu
myndinni eru tveir MR-ingar við
tilraunastörf í eðlisfræði.