Morgunblaðið - 16.02.2001, Qupperneq 6

FRÉTTIR
6 FÖSTUDAGUR 16. FEBRÚAR 2001 MORGUNBLAÐIÐ
HVATNINGARÁTAK var kynnt í
gær sem miðar að því að fjölga kven-
nemendum í verk-, tækni- og tölvun-
arfræðinámi á háskólastigi. Liður í
átakinu er að alls 40 konur, sem ýmist
hafa lokið eða stunda nám í þessum
greinum, munu frá 20. febrúar til 15.
mars nk. heimsækja alla framhalds-
skóla landsins og kynna nám og störf í
tæknigreinum.
Átakið er hluti af víðtæku jafnrétt-
isátaki til tveggja ára, Konur til for-
ystu og jafnara námsval kynjanna,
sem er á vegum Háskóla Íslands og
Jafnréttisstofu, í samstarfi við for-
sætisráðuneytið, félagsmálaráðu-
neytið, iðnaðar- og viðskiptaráðu-
neytið, menntamálaráðuneytið,
Eimskip, Gallup-Ráðgarð, Lands-
virkjun, Orkuveitu Reykjavíkur,
Félag íslenskra framhaldsskóla og
Stúdentaráð Háskóla Íslands. Sér-
stakir samstarfsaðilar hvatningar-
átaksins eru Hagsmunafélag um efl-
ingu verk- og tæknifræðimenntunar á
háskólastigi, Flugfélag Íslands, sem
veitir þátttakendum í átakinu helm-
ingsafslátt á flugi, og verkfræðistof-
urnar Línuhönnun og Hnit.
Meginmarkmið hvatningarátaks-
ins er að fjölga konum í þessum grein-
um en hlutfall kvenna í þeim í dag er í
kringum 20%. Hefur hlutfallið þó
hækkað á undanförnum árum, var t.d.
11% í verkfræði fyrir áratug, en betur
má ef duga skal, segja aðstandendur
átaksins.
Í framhaldsskólum er átakinu að-
allega beint til stúlkna, en kynningar,
bæði í skólum og fyrirtækjum, eru
einnig opnar strákum sem áhuga
hafa. Meginhugsunin að baki átakinu
er að kvennemendur og útskrifaðar
konur í verk- og tæknifræði og tölv-
unarfræði verði yngri kvennemend-
um í framhaldsskólum hvatning til að
velja fögin sem námsbraut á efri stig-
um menntunar sinnar.
Auk heimsókna kvenna í fram-
haldsskóla munu nokkur fyrirtæki
bjóða kvennemendum framhaldsskól-
anna í heimsókn þar sem kynnt verð-
ur vinnuumhverfi og starfssvið tækni-
menntaðs starfsfólks þeirra. Meðal
þessara fyrirtækja eru Eimskip,
Landsvirkjun, Orkuveita Reykjavík-
ur, Verkfræðistofan Línuhönnun,
Skýrr, Marel og Hugvit.
Næsta sumar verða síðan haldin
sumarnámskeið í sama tilgangi, m.a.
námskeið fyrir stelpur úr grunnskól-
um þar sem kennarar og fagfólk
munu kynna nám og störf í upplýs-
ingatækniiðnaði, verk- og tæknifræði.
Bæði kynin komi að
mótun og uppbyggingu
Valgerður Sverrisdóttir, iðnaðar-
og viðskiptaráðherra, fylgdi átakinu
úr hlaði á fundi með blaðamönnum í
gær, ásamt nokkrum aðstandendum
átaksins. Hún sagði ástæðu þess að
ráðuneytið tók þátt í átakinu vera
fyrst og fremst þá að fá tækifæri til að
hvetja fleiri stúlkur til náms í grein-
um upplýsingatækninnar og að auka
hlut kvenna í atvinnurekstri. Stuðn-
ingur við átakið myndi treysta stöðu
íslensks atvinnu- og efnahagslífs.
Meðal þeirra sem tóku til máls á
fundi ráðherra var Sigríður Þorgeirs-
dóttir, formaður jafnréttisnefndar
Háskólans. Hún sagði að konum í um-
ræddum greinum hefði ekki fjölgað í
samanburði við heildarfjölgun kvenna
í háskólanámi. Hún sagði að fæð
Átak til að fjölga konum í verk-, tækni- og tölvunarfræðinámi á háskólastigi
Konur sækja
alla fram-
haldsskóla
landsins heim
Morgunblaðið/Jim Smart
Valgerður Sverrisdóttir kynnti átakið. Henni á hægri hönd eru Sigríður Þorgeirsdóttir, Kolbrún Reinholds-
dóttir, Margrét Edda Ragnarsdóttir, Ólafur Jón Arnbjörnsson og Margrét Óskarsdóttir frá Landsvirkjun.
kvenna í þessum greinum gæti aukið
kynjamisrétti í framtíðinni og leitt til
enn frekari efnahagslegs mismunun-
ar á milli kynjanna, verði ekkert að
gert. Sigríður sagði það einnig ljóst að
fæð kvenna í vísindasamfélaginu
kæmi vísindum ekki til góða og ógn-
aði gæðamarkmiðum þeirra.
Skortur
á fyrirmyndum
Í máli Valdimars K. Jónssonar,
deildarforseta verkfræðideildar Há-
skólans, kom fram að næsta haust
ætti að bæta við námi í efnaverkfræði
og hugbúnaðarverkfræði. Hann sagði
það markmið deildarinnar að ná
a.m.k. 40% hlutfalli kvenna í verk-
fræðinni fyrir árið 2005.
Kolbrún Reinholdsdóttir, formaður
kvennanefndar Verkfræðingafélags-
ins, benti á þá staðreynd að þrátt fyrir
um 20% hlutfall kvenna í verkfræði-
námi væri hlutfall kvenna með starfs-
leyfi sem verkfræðingar aðeins um
7%. Hún sagði átakið mjög mikilvægt
þar sem konur skorti fyrirmyndir í at-
vinnulífinu, þær væru lítt sjáanlegar
þrátt fyrir að vera víða að störfum.
Ólafur Jón Arnbjörnsson, skóla-
meistari Fjölbrautaskóla Suðurnesja
og fulltrúi Félags framhaldsskóla í
átakinu, sagði það um langan tíma
hafa verið áhugamál framhaldsskól-
anna að jafna val nemenda eftir kynj-
um. Markmiðið væri að fjölga konum
í sem flestum námsgreinum. Ólafur
sagði misjafna kynjaskiptingu ekki
eina vandamál skólanna, hann benti á
að erlendir skólar væru farnir að
sækjast eftir íslenskum stúdentum í
meira mæli en áður. Við værum að
missa námsmenn úr landi sem væri
alvarlegt mál sem allir hagsmunaaðil-
ar þyrftu að taka á.
Fulltrúi kvennemenda á blaða-
mannafundinum, Margrét Edda
Ragnarsdóttir, sem nemur rafmagns-
og tölvuverkfræði við Háskóla Ís-
lands, lýsti yfir mikilli ánægju sinni
með átakið. Hún sagði ekki þörf vera
á þar sem til þessa hefði borið á brott-
falli kvenna úr verkfræði eftir fyrsta
árið. Hún sagðist vera í hópi 11
kvenna á fyrsta ári sem hittist reglu-
lega til að hvetja hverja aðra til dáða.
Á blaðamannafundinum var upplýst
að erlendir háskólar stæðu margir
hverjir frammi fyrir sama vanda,
skorti á konum í verk-, tækni- og tölv-
unarfræðum.
Jafnréttisátakið innan Háskólans
mun ekki aðeins snúast um hlut
kvenna. Meðal annarra verkefna er
að auka á hlut karlkynsnemenda í
hjúkrunarfræði við skólann.
HÆSTIRÉTTUR hefur sýkn-
að mann af ákæru vegna ölv-
unaraksturs. Hæstiréttur seg-
ir, að þótt haft sé eftir
manninum í lögregluskýrslu
að hann hafi neytt áfengis fyr-
ir umferðaróhappið sem hann
lenti í, sé ekki hægt að byggja
sakfellingu á þeirri skýrslu
nema önnur atriði styðji þann
framburð í verulegum atrið-
um.
Maðurinn ók bifreið sinni
utan í vegg Hvalfjarðarganga
og skemmdist hún mikið.
Hann lét hvorki lögreglu né
vaktmenn við göngin vita,
heldur fékk far með fólki sem
kom þar að og fór heim á
Akranes.
Klukkustund síðar hafði
maðurinn samband við lög-
reglu og sagðist hafa ekið bíln-
um. Við handtöku reyndist
maðurinn nokkuð ölvaður.
Lögreglumenn sögðu hann
hafa staðfest við yfirheyrslu
að hann hefði ekki neytt
áfengis eftir óhappið og í lög-
regluskýrslu sagðist hann hafa
drukkið nokkru áður en hann
ók bíl sínum utan í. Fyrir dómi
sagðist maðurinn hins vegar
ekki hafa neytt áfengis fyrir
óhapp, en fengið sér vodka og
bjór eftir það, þar sem sér hafi
verið mjög brugðið.
Ekki óyggjandi gögn
Héraðsdómur Vesturlands
dæmdi manninn í 3 mánaða
fangelsi og svipti hann öku-
réttindum í 6 mánuði. Hæsti-
réttur segir hins vegar að sak-
felling mannsins verði ekki
reist á því, sem skráð hafi ver-
ið eftir honum í lögreglu-
skýrslu, nema önnur atriði
styðji þann framburð í veru-
legum atriðum. Ekki breyti
neinu þar um þótt þeir lög-
reglumenn, sem í hlut áttu,
hafi fyrir dómi skýrt frá sam-
tölum sínum við manninn og
framburði hans við skýrslu-
töku hjá lögreglu. Þótt frá-
sögn mannsins sé lítt trúverð-
ug teljist ekki liggja fyrir
óyggjandi gögn um að hann
hafi neytt áfengis fyrir óhapp-
ið og að hann hafi ekki neytt
áfengis eftir óhappið og fram
til þess tíma er hann var hand-
tekinn.
Ekki hægt
að sakfella
eftir
lögreglu-
skýrslu
FRÆÐSLUMIÐSTÖÐ í fíknivörnum
hefur gefið út ítarlegt upplýsingarit,
sem ber heitið Fíkniefni og for-
varnir, handbók fyrir heimili og
skóla, þar sem fjallað er um ávana-
og fíkniefni á heildstæðan hátt.
Björn Bjarnason menntamálaráð-
herra tók við fyrsta eintaki bók-
arinnar í gær í Þjóðmenningarhúsi,
en til stendur að dreifa ritinu víða,
m.a. til allra fermingarbarna á land-
inu.
Í bókinni, sem er 320 bls. fjalla 30
höfundar um um fíkniefni og for-
varnir frá sjónarhóli læknisfræð-
innar, lyfjafræði, sálfræði, uppeld-
isfræði, félagsfræði, heimspeki
löggæslu og tollgæslu. Bókin er
sniðin að þörfum skóla, fræðslu-
stofnana, gagnasafna, foreldra og
heimila. Í ritinu er að finna flest það
sem snýr að viðbrögðum samfélags-
ins við neyslu fíkniefna.
Nær ótakmarkað notagildi
„Notagildið er nær ótakmarkað,
enda er bókin þannig uppbyggð að
hún er auðveld aflestrar,“ segir
Árni Einarsson, framkvæmda-
stjóri Fræðslumiðstöðvar í fíknivör-
un og annar tveggja ritstjóra bók-
arinnar. „Þannig ætti hver sem er að
geta sótt sér fræðslu í bókina. Hún
er líka þannig uppbyggð að hún nýt-
ist fólki sem gagnasafn, efnisyfirlitið
er mjög vel útfært, þannig að bókin
á að geta nýst vel þeim sem eru að
vinna við fræðslu í skólum. Bókinni
er líka ætlað að nýtast foreldrum við
uppeldi, enda er sérstakur kafli í
henni um fjölskylduna.“
Meðritsjóri Árna var Guðni R.
Björnsson og í ritnefnd sátu Aldís
Yngvadóttir, Hafrún Friðriksdóttir,
Ólafur Steingrímsson og Þorsteinn
Njálsson. Teikningar eru eftir Önnu
Gunnlaugsdóttur. Bókin var prentuð
í Odda.
Oddfellowreglan á Íslandi, for-
varnarsjóður, tóbaksvarnarnefnd,
menntamála- og fjármálaráðuneyti
styrktu útgáfu bókarinnar fjárhags-
lega og var fyrir vikið hægt að senda
hana öllum grunnskólum og bóka-
söfnum í landinu þeim að kostn-
aðarlausu.
Handbók um fíkniefni og forvarnir kynnt í gær
Morgunblaðið/Jim Smart
Ritstjórar handbókarinnar um fíkniefni og forvarnir, Árni Einarsson og
Guðni R. Björnsson. Á milli þeirra er Aldís Yngvadóttir úr ritnefnd.
Fjallað um ávana- og fíkni-
efni á heildstæðan hátt
INGIBJÖRG Sólrún Gísladóttir
borgarstjóri, segir að ekkert í
lögfræðiáliti Páls Hreinssonar
lagaprófessors um niðurstöðu flug-
vallarkosningar, komi á óvart. Nán-
ar tilgreint segir Páll Hreinsson að
kosning um það hvort flugvöllurinn
eigi að vera áfram í Vatnsmýrinni
geti ekki orðið bindandi fyrir borg-
aryfirvöld í framtíðinni eftir að nú-
verandi kjörtímabili lýkur.
„Það liggur alveg ljóst fyrir að
ákvæði um bindinguna ná til núver-
andi sveitarstjórnar og við erum að
binda hendur okkar að ákveðnum
skilyrðum uppfylltum,“ segir Ingi-
björg Sólrún. „Ef þessi skilyrði eru
uppfyllt munum við vinna í sam-
ræmi við þau og ganga annars veg-
ar frá svæðisskipulagi, sem tekur
mið af því og hins vegar aðalskipu-
lagi.
Eftir atkvæðagreiðsluna [17.
mars] munu ákveðnir hlutir eiga
sér stað sem binda fleiri og fleiri
þætti þessa máls. Ég tel ólíklegt að
nokkur meirihluti í Reykjavík
myndi treysta sér til að ákveða að
virða að vettugi ákvörðun sem skot-
ið hefur verið til borgarbúa."
Ekkert kem-
ur á óvart
í lögfræði-
álitinu
Borgarstjóri um álit
Páls Hreinssonar