Morgunblaðið - 16.02.2001, Qupperneq 54

54 FÖSTUDAGUR 16. FEBRÚAR 2001 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík  Sími 569 1100  Símbréf 569 1329
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
Í FRAMHALDI af fjölsóttum borg-
arafundi í Stapa þann 11. janúar síð-
astliðinn og jákvæðum viðbrögðum
hefur umræða um örugga Reykja-
nesbraut verið kraftmikil og skilað
miklum árangri. Eiga ökumenn sem
brautina aka miklar þakkir skilið.
Á fundi áhugahóps um örugga
Reykjanesbraut þann 7. febrúar sl.
með dómsmálaráðherra, ríkislög-
reglustjóra, talsmanni tryggingar-
félaga, Umferðarráði og Vegagerð
kom fram mikil ánægja með þann ár-
angur sem náðst hefur í lækkun öku-
hraða á Reykjanesbraut þrátt fyrir
óvenju gott tíðarfar. Voru aðilar sam-
mála um að ábyrg umræða, fræðsla
og aukin löggæsla hafi skilað lang-
þráðum árangri. Mikilvægt væri nú
að halda honum og gera enn betur.
Niðurstöður
tillagna
Í upphafi fundar lagði áhugahóp-
urinn fram minnisblað með tillögum
og fyrirspurnum um örugga Reykja-
nesbraut. Hér á eftir koma fram
helstu atriðin og niðurstöður sem
embættin tóku vel í og munu skoða.
 Aukin verði heil lína til að tak-
marka framúrakstur þar sem út-
sýni er takmarkað. (Miðað verði
við lægstu ökutæki.) – Vegagerðin
er að vinna í þessu máli og mun
stefnt að breytingum fyrir kom-
andi sumar.
 Setja upp skilti með símanúmeri –
þar sem skorað yrði á ökumenn að
tilkynna glæfraakstur, athuga-
semdir og hættur sem hugsanlega
hafa skapast á Reykjanesbraut-
inni. – Fulltrúi ríkislögreglustjóra
upplýsti að neyðarnúmerið 112
gegnir þessu hlutverki í dag og
hefur nýtt tölvukerfi meðal ann-
ars verið tekið í notkun sem
tryggir betra eftirlit og árangur.
Allar fyrirspurnir og ábendingar
ökumanna verða færðar beint
áfram til viðeigandi aðila t.d. lög-
reglubifreiðar í næsta nágrenni.
Mikilvægt er að almenningur viti
af þessum upplýsingarþætti 112
sem nær vissulega til allra þátta,
ekki bara neyðartilfella.
 Notkun „axla“ á Reykjanesbraut.
– Fundarmenn voru ekki á eitt
sáttir um tilgang „axla“ á Reykja-
nesbraut en voru þó frekar já-
kvæðir fyrir þeim. Óánægja var
helst með lélegt slitlag og grjót-
kast. Nauðsynlegt er að setja
strangar kröfur vegna bilaðra bif-
reiða sem lagðar eru á axlir. Allir
aðilar sammála um nauðsyn kynn-
ingar á notkun axla. Umferðarráð
sér um þennan þátt og kynnti Óli
H. Þórðarson kynningaráform
ráðsins á næstu mánuðum.
 Yfirlag brautar slitnar of hratt –
þ.e. of oft viðgerðarflokkar á veg-
inum og djúpar rásir sem mynd-
ast eru mjög hættulegar, sérstak-
lega í blautu veðri. – Fulltrúi
Vegagerðarinnar tók undir at-
hugasemdina og sagði að unnið
væri að nýjum verklagsreglum til
að tryggja hröð vinnubrögð þegar
viðhald á sér stað á brautinni.
 Merkingar á vegum séu skarpari
og greinilegri. – Fulltrúi Vega-
gerðarinnar sagði að unnið væri í
málinu.
 Mála töluna „90“ t.d. 6 sinnum á
hvora akgrein á brautina. – Fund-
armenn sammála um hugmyndina
en settu kostnað fyrir sig. Áhuga-
hópurinn ætlar að óska eftir leyfi
Vegagerðar og gera tilraun
snemma í vor.
 Hvað er hægt að gera til að
minnka „svínarí“ inná brautina,
t.d. við Fitjar. – Sýslumaðurinn í
Keflavík sagði mikilvægt að
minna á að hámarkshraði á þess-
um stað væri 70 km og taldi hraða-
merkingum ábótavant. Vegagerð
mun kanna málið. Mikilvægt að
ökumenn sýni alla aðgát þegar ek-
ið er inná Reykjanesbraut.
Fjölmenni
Þá fóru fram umræður um mikil-
vægi fjöldans í átaki sem þessu og
lýstu fundarmenn undrun sinni á fjöl-
menni borgarafundarins í Stapa. Að-
gangur reiðhjólamanna að brautinni
var rædd. Jákvæður vilji kom einnig
fram um að styrkja áhugahópinn til
að dreifa bílabæninni í bæjarfélög á
Suðurnesjum og jafnvel þýða hana og
dreifa á Varnarsvæðinu. Ræddur var
grundvöllur til að aðilar fundarins
standi fyrir öflugu átaki þar sem
stjórnvöld, umferðarráð, tryggingar-
félög og almenningur taki virkan þátt
og verði virkir þátttakendur. Þá var
hugmynd áhugahópsins um nýtt
skilti sem sýndi þann litla tíma sem
sparaðist á að keyra Reykjanes-
brautina frá Fitjum til Hafnarfjarðar
á 90 km hraða, 100 km hraða eða 110
km hraða vel tekið og fulltrúi Vega-
gerðarinnar féllst á að kanna málið.
Útreikningur þessi miðast við meðal-
álag á brautinni.
Reykjanesbraut 24 km
90 km hraði 16 mínútur
100 km hraði 15,02 mínútur
110 km hraði 14,15 mínútur
Skipulegðu tímann betur – annars
staðar…
Töldu fundarmenn tillögu áhuga-
hópsins um að umferð á Reykjanes-
braut yrði til fyrirmyndar annarra
þjóðvega verðugt markmið. Niður-
staða nýlegrar skoðunarkönnunar
sem sýndi að 92% allra landsmanna
vildu tvöfalda Reykjanesbraut sýndi
ótvírætt árangur af jákvæðri um-
ræðu.
Jákvæð viðbrögð
Í lok fundarins þakkaði áhugahóp-
urinn fundarmönnum fyrir sinn þátt í
átakinu og lýsti meðal annars ánægju
sinni með aukna löggæslu og nýtt raf-
skilti sem sýnir ökumönnum hraðann
sem ekið er á. Sérstakar þakkir fékk
dómsmálaráðherra, Sólveig Péturs-
dóttir, fyrir röggsama framgöngu í
málinu og jákvæð viðbrögð.
Takmark áhugahópsins í dag er
slysalaus Reykjanesbraut. Með tvö-
földun koma nýjar áherslur með
bættri umferðarmenningu. Við þökk-
um almenningi fjölmargar ábending-
ar og minnum á netfangið okkar
steini@kef.is.
Tvöföldum ánægjuna – ökum var-
lega og komum heil heim.
F.h. áhugahóps um örugga
Reykjanesbraut,
STEINÞÓR JÓNSSON.
Ökumenn eiga
þakkir skilið
Frá áhugahópi um örugga
Reykjanesbraut: