Morgunblaðið - 08.08.2001, Blaðsíða 19

ÚR VERINU
MORGUNBLAÐIÐ MIÐVIKUDAGUR 8. ÁGÚST 2001 19
SÝNING á útgerðarsögu Grund-
firðinga hefur verið opnuð í Grund-
arfirði. Sýningin er alfarið byggð
upp af heimamönnum og hefur ver-
ið vel sótt.
Sýningin var sett upp í tengslum
við sumarhátíð sem haldin var í
Grundarfirði dagana 27.–29. júlí og
kallast Á góðri stund. Ingi Hans
Jónsson hefur haft veg og vanda af
sýningunni, en hann fékk þá hug-
mynd að halda nokkurs konar sögu-
sýningu um sjávarútveg í Grund-
arfirði og fékk til liðs við sig
útgerðarmenn í bænum og aðra
sem láta sig málið varða. Þannig
hafa útgerðarfélög staðarins fengið
úthlutað plássi á sýningunni, þar
sem þau sýna bátalíkön, myndir og
aðra muni sem tengjast útgerðar-
sögu þeirra.
Fyrsti vélbáturinn
til sýnis
Sýningin er haldin í gömlu versl-
unarhúsnæði í eigu Soffaníasar
Cecilssonar hf. Runólfur Guð-
mundsson, skipstjóri í Grundarfirði,
er einn þeirra sem standa að sýn-
ingunni. Hann segir að á sýning-
unni sé meðal annars spil úr fyrsta
bát föður síns, Guðmundar Runólfs-
sonar, sem hóf útgerð frá Grund-
arfirði árið 1947. „Menn hafa dregið
fram ýmislegt sem fram til þessa
hefur verið talið rusl og átt að
henda. En með svona framtaki öðl-
ast slíkir hlutir gildi.“
Á sýningunni er einnig að finna
fyrsta vélbátinn sem Grundfirðing-
ar gerðu út en, hann hét Brana SH
20, eftir tröllskessu einni, og var
smíðaður árið 1913. Runólfur segir
að báturinn hafi varðveist með öll-
um tækjum og tólum, lengst af í
nausti við eyðijörð á Snæfellsnesi
en síðar í skemmu. Einnig eru á
sýningunni tól og tæki Guðmundar
Kristjánssonar, skipasmiðs í
Grundarfirði, sem smíðaði trillur
fyrir útgerðarmenn fyrr á öldinni,
auk fjölda gamalla mynda frá
Grundarfirði. „Að mínu mati er með
ólíkindum hversu vel hefur tekist til
og margir hafa brugðist vel við með
skömmum fyrirvara. Fyrst í stað
var ætlunin að hafa sýninguna opna
aðeins þessa einu helgi en aðsóknin
var slík að við höfum ákveðið að
hafa hana opna lengur. Þegar hafa
um tvö þúsund manns skrifað nafn
sitt í gestabók á sýningunni en ég
er sannfærður um að gestirnir eru
helmingi fleiri,“ segir Runólfur.
Sjávarútvegssýning
í Grundarfirði
Ingi Hans Jónsson við fyrsta vélbátinn sem gerður var út frá Grund-
arfirði, Brönu SH 20. Fjölmargir gamlir munir eru á sýningunni.
Morgunblaðið/Guðlaugur Albertsson