Morgunblaðið - 08.08.2001, Blaðsíða 23

ERLENT
HEIMSÓKN Kim Jong-Il, leið-
toga Norður-Kóreu, til Rúss-
lands lauk í gær í Sánkti-Péturs-
borg. Á síðasta degi heimsóknar
sinnar lagði leiðtoginn blóm-
sveig á minnisvarða um þá
420.000 íbúa borgarinnar, sem
áður nefndist Leníngrad, sem
létu lífið í síðari heimsstyrjöld-
inni. Á borðanum sem skreytti
blómsveiginn var letrað „Til
þeirra sem vörðu Leníngrad á
hetjulegan hátt, frá Kim Jong-
Il.“
Að lokinni tveggja daga heim-
sókn leiðtoga Norður-Kóreu
hafði fréttastofa AFP eftir hér-
aðsstjóra Sánkti-Pétursborgar
að Kim væri „vel lesinn og fróð-
ur maður sem væri vel að sér um
málefni líðandi stundar.“ Hér-
aðsstjórinn sagði þá hafa rætt
um menningu, sögu og tengsl
Rússlands og Norður-Kóreu.
Kim Jong-Il kom þó rússnesk-
um embættismönnum í opna
skjöldu er hann sagðist enn líta
svo á að borgin héti Leníngrad
þrátt fyrir að sú ákvörðun hafi
verið tekin árið 1991 að taka að
nýju upp nafnið Sánkti-Péturs-
borg.
Á laugardag fundaði Kim
Jong-Il með Vladimír Pútín
Rússlandsforseta í Moskvu eftir að
hafa lagt blómsveig við grafhýsi Len-
íns við mikla viðhöfn. Á fundinum
undirrituðu leiðtogarnir tveir sameig-
inlega yfirlýsingu þess efnis að til-
gangur eldflaugakerfis Norður-Kór-
eu væri eingöngu friðsamlegur og
væri ekki ætlað að vera hernaðarleg
ógn. Auk þess undirrituðu þeir
sameiginlega stuðningsyfirlýs-
ingu við ABM-gagnflaugasátt-
málann frá 1972.
Rússnesk yfirvöld
gagnrýnd í fjölmiðlum
Rússneskir fjölmiðlar gerðu
því skóna um helgina að rúss-
nesk yfirvöld umbæru svo langa
heimsókn norðurkóreska leið-
togans einungis til þess að sann-
færa bandaríska ráðamenn um
að Bandaríkjunum stafi engin
ógn af Norður-Kóreu. Þannig
vonuðust Rússar til að þeim
tækist að sannfæra Bandaríkja-
menn um að falla frá eldflauga-
varnaráætlun sinni. Bandaríkja-
menn hafa sagt Norður-Kóreu
vera helstu ástæðu þess að þörf
er á eldflaugavörnum. Dagblað-
ið Vremya Novostei lýsti heim-
sókn norðurkóreska leiðtogans
sem „fjarstæðukenndri“ og
gagnrýndi þá ákvörðun yfir-
valda að samþykkja kröfu Kim
Jong-Il um að loka stórum
svæðum í höfuðborginni meðan
á heimsókn hans stóð.
„Rússar ætla að nota Norður-
Kóreu sem tromp í leik sínum
við Bandaríkin um ABM-sátt-
málann,“ sagði jafnframt í
blaðinu. Dagblöðin drógu þó flest í efa
að rússnesk yfirvöld gætu sannfært
Bandaríkjamenn um að Kim Jong-Il
væri tilbúinn til samningaviðræðna.
Rússlandsheimsókn Kim Jong-Il leiðtoga Norður-Kóreu
Styður ABM-sáttmálann
Moskva. AP. AFP.
AP
Kim Jong-Il, leiðtogi Norður-Kóreu, lagði í
gær blómsveig að minnisvarða um þau
420.000 sem létu lífið í Sánkti-Pétursborg, þá
Leníngrad, í síðari heimsstyrjöldinni.
MORGUNBLAÐIÐ MIÐVIKUDAGUR 8. ÁGÚST 2001 23