Morgunblaðið - 12.09.2001, Side 1

207. TBL. 89. ÁRG. MIÐVIKUDAGUR 12. SEPTEMBER 2001 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 12. SEPTEMBER 2001
AP
Slökkviliðsmenn að störfum í rústum World Trade Center-turnanna. Turnarnir hrundu til grunna eftir að tveim farþegaþotum var flogið á þá í gærmorgun. Hvor turn var 110 hæðir og um
400 metrar. Í turnunum störfuðu alls um 50 þúsund manns og daglega komu þangað um 90 þúsund aðrir, ferðamenn og viðskiptavinir þeirra 1.200 fyrirtækja er höfðu þar skrifstofur.
Klukkan 8.45 að staðartíma í gær,
12.45 að íslenskum tíma, var farþega-
þotu flogið á nyrðri turn World Trade
Center, rúmlega 400 metra hárrar
skrifstofubyggingar í New York.
Tæpum 20 mínútum síðar var annarri
þotu flogið á syðri turn byggingarinn-
ar. Að jafnaði vinna um 50.000 manns
í World Trade Center-byggingunni.
Tæpri klukkustund síðar, kl. 9.43
að staðartíma, var þriðju þotunni
flogið á Pentagon, skrifstofubygg-
ingu varnarmálaráðuneytisins. Hluti
hennar gjöreyðilagðist og mikill eldur
gaus upp, sem logaði enn í nótt.
Fjórða farþegaflugvélin, þota af
gerðinni Boeing-757, hrapaði til jarð-
ar í Pennsylvaníu. Hugsanlegt er tal-
ið að flugmaðurinn hafi steypt flug-
vélinni til jarðar fremur en að fara að
fyrirskipun hryðjuverkamannanna.
Með þeirri flugvél fórust 45 manns.
Talið er að alls hafi 267 manns ver-
ið um borð í flugvélunum fjórum.
Bandarískir embættismenn sögðu að
svo virtist sem tveimur flugvélum á
leið frá Boston til Los Angeles, sem
fóru á loft með 15 mínútna millibili,
hefði verið rænt og þeim flogið hvorri
á sinn turn World Trade Center. Alls
hefðu 157 manns verið um borð í þot-
um þessum, 92 í þeirri fyrri en 65 í
hinni seinni. Þotan sem lenti á bygg-
ingu varnarmálaráðuneytisins var á
leið frá Washington til Los Angeles
og voru 64 um borð í henni eftir því
sem næst varð komist í nótt. Óstað-
festar fréttir hermdu að meira en 100
manns hefðu fallið og særst í árásinni
á varnarmálaráðuneytið og að vitað
væri um rúmlega 2.000 særða í New
York.
Turnar World Trade Center
breyttust í logandi víti þegar farþega-
þoturnar skullu á þeim. Fólk sást
hanga út um glugga byggingarinnar,
sem er 110 hæðir, áður en turnarnir
tveir hrundu. Óttast er að mikill fjöldi
fólks á jörðu niðri hafi farist er bygg-
ingin hrundi. Rudolph Giuliani, borg-
arstjóri New York, sagði að „gífur-
legur fjöldi fólks“ hefði farist í
árásinni. Talið er að vikur kunni að
líða áður en endanleg tala fallinna
liggur fyrir.
Í nótt, meira en 12 klukkustundum
eftir árásina, lá þykkur reykjarmökk-
ur enn yfir New York. Brak sem féll
úr World Trade Center-byggingunni
gerði björgunarsveitum erfitt fyrir að
hefja björgunarstörf.
George Bush Bandaríkjaforseti
hét því að hinir seku fengju ekki flúið
refsivönd Bandaríkjanna. „Ráðist var
á sjálft frelsið í morgun og ég fullvissa
ykkur um að frelsið verður varið.
Enginn ætti að velkjast í vafa um að
Bandaríkjamenn munu hafa uppi á og
refsa þeim sem bera ábyrgð á þessum
heigulsverknaði,“ sagði forsetinn.
Forsetinn ávarpaði bandarísku þjóð-
ina klukkan hálfeitt að íslenskum
tíma í nótt og sagði þá að ráðist hefði
verið á Bandaríkin vegna þess að þau
væru ljósviti frelsisins. „Þúsundum
mannslífa hefur verið tortímt með
viðurstyggilegum hætti,“ sagði for-
setinn. Hann sagði leit hafna að þeim
sem ábyrgð bæru á árásinni og tók
fram að „enginn greinarmunur [yrði]
gerður á hryðjuverkamönnunum og
þeim sem [héldu] yfir þeim hlífi-
skildi“.
Tveir háttsettir bandarískir emb-
ættismenn sögðu að Bandaríkja-
stjórn grunaði að sádi-arabíski
hryðjuverkamaðurinn Osama Bin
Laden stæði að baki árásinni á
Bandaríkin. „Við höfum ekki beinar
sannanir en mjög sterkar grunsemd-
ir um að Bin Laden standi á bak við
hryðjuverkin,“ hafði AP-fréttastofan
eftir embættismanni sem sat fund
sem Bush Bandaríkjaforseti átti með
þjóðaröryggisráðgjöfum sínum og
fulltrúum leyniþjónustu og lögreglu.
„Við höfum vísbendingar um að menn
tengdir Bin Laden og al Qadea-sam-
tökunum kunni að hafa staðið á bak
við árásina. Enn er þó of snemmt að
slá því föstu,“ sagði annar embætt-
ismaður. „Ástæða er til að ætla að
menn tengdir honum séu ábyrgir,“
bætti hann við. Bin Laden, sem held-
ur til í Afganistan, hefur lýst yfir
„heilögu stríði“ gegn Bandaríkjun-
um.
Hryðjuverkamenn
ráðast á Bandaríkin
ÓTTAST er að gífurlegur fjöldi fólks, jafnvel þúsundir
manna, hafi týnt lífi er óþekktir hryðjuverkamenn gerðu árás
á Bandaríkin í gær. Árásin fór þannig fram að farþegaþotum í
innanlandsflugi í Bandaríkjunum var rænt og þeim flogið á
World Trade Center-bygginguna í New York og Pentagon,
höfuðstöðvar bandaríska varnarmálaráðuneytisins í Wash-
ington. Hvorki samtök né tiltekið ríki höfðu lýst yfir ábyrgð á
verknaðinum þegar Morgunblaðið fór í prentun í nótt. Banda-
ríkjastjórn grunar hins vegar að sádi-arabíski hryðjuverka-
maðurinn Osama Bin Laden hafi staðið fyrir árásinni.
Tólf síðna blaðauki um árásina á Bandaríkin