Morgunblaðið - 12.09.2001, Síða 15

AKUREYRI
MORGUNBLAÐIÐ MIÐVIKUDAGUR 12. SEPTEMBER 2001 15
NÁMSKRÁ símenntunarsviðs Há-
skólans á Akureyri er kominn út og
verður henni dreift á Akureyri og ná-
grenni. Námskráin er aðgengileg á
Netinu á slóðinni www.unak.is/Rha/
Simenntun/index.htm Í námskránni
er að finna upplýsingar um milli 50 og
60 námskeið og eru þrír meginflokkar
námskeiða í boði sem eru á sviðum
stjórnunar, reksturs og fjármála;
heilbrigðis- og félagsmála og uppeld-
is- og kennslumála. Þá er nokkur
fjöldi ýmissa námskeiða eins og á
sviðum tónlistar og tungumála svo
dæmi sé tekið. Í fyrsta sinn er boðið
upp á þriggja anna nám við símennt-
unarsviðið. Stjórnun og rekstur í heil-
brigðisþjónustu í umsjón Endur-
menntunarstofnunar Háskóla Íslands
er nýhafið og stjórnunar- og rekstr-
arnám ætlað sveitarstjórnendum er
að hefjast og hafa um 30 manns skráð
sig til náms. Einnig verða haldnir
opnir fyrirlestrar í vetur sem auglýst-
ir verða sérstaklega.
Opnað hefur verið vefkennslusetrið
Námstorg.is, en þar standa til boða
valdar námsbrautir á sviði tölvu-
kennslu.
Á síðasta starfsári voru haldin 44
námskeið við símenntunarsviðið og
var fjöldi þeirra sem sóttu námskeið
um 600 sem er veruleg aukning frá
því sem áður hefur verið. Boðið er
upp á fjarkennslu og voru námskeið
send um fjarfundabúnað bæði til
Húsavíkur og Sauðárkróks.
Fyrsta námskeið vetrarins hefst
18. september þar sem kynnt verður
hvernig nýta má listir og skapandi
hugsun sem virkan þátt í umönnunar-
og endurhæfingarstörfum. Það eru
listamennirnir Arna Valsdóttir, Ro-
bert Faulkner og Anna Richardsdótt-
ir sem hafa umsjón með námskeiðinu.
Upplýsingar um námskeið og
skráning er á skrifstofu Rannsókna-
stofnunar Háskólans á Akureyri.
Námskrá símennt-
unarsviðs Háskólans
Á milli 50
og 60 nám-
skeið í boði
SÝNINGU danska listamannsins
Per Kirkeby og Heklu Daggar Jóns-
dóttur í Listasafninu á Akureyri lýk-
ur næsta sunnudag, 16. september.
Kirkeby (f. 1938) er án efa þekkt-
asti núlifandi myndlistarmaður
Norðurlanda og er þetta hans fyrsta
einkasýning á Íslandi, en sýningin
samanstendur af málverkum, ein-
þrykkjum, teikningum og skúlptúr-
um frá árunum 1983–1999. Á sama
tíma er til sýnis í vestursal safnsins
innsetning eftir Heklu Dögg Jóns-
dóttur sem nýverið hlaut verðlaun úr
Listasjóði Pennans.
Listasafnið á Akureyri
Sýningu lýkur
♦ ♦ ♦