Morgunblaðið - 25.09.2001, Blaðsíða 11
FRÉTTIR
MORGUNBLAÐIÐ ÞRIÐJUDAGUR 25. SEPTEMBER 2001 11
MORGUNBLAÐINU hefur borist
eftirfarandi athugasemd frá Bún-
aðarbanka Ísland vegna ummæla
samgönguráðherra um þátt bank-
ans í útboði Símans: „Ummæli
samgönguráðherra um að Búnað-
arbanki Íslands hafi ekki valdið
hlutverki sínu við útboð Símans
byggjast á misskilningi á hlutverki
bankans í útboðinu og eru ómak-
leg.
Verkaskipting við útboð Símans
var skýr. Hlutverk Búnaðarbank-
ans var að gera útboðslýsingu,
kynna Símann fyrir fjárfestum og
annast sölu til almennings og fjár-
festa.
Bankinn sinnti þessu hlutverki
sínu af krafti og í samræmi við þær
leikreglur sem Verðbréfaþing Ís-
lands setur um útboð af þessu tagi.
Í þeirri miklu umræðu sem varð
í kringum útboðið voru menn al-
mennt sammála um að Síminn er
traust fyrirtæki og áhugaverður
fjárfestingarkostur. Það staðfestir
að vel tókst að vekja áhuga fjár-
festa á fyrirtækinu. Á fundum með
fjárfestum kom þó fram að þeim
þætti verðlagning fyrirtækisins of
há.
Óvissan um kjölfestufjárfesti og
þar með framtíðarstefnu fyrirtæk-
isins átti þátt í þessari skoðun.
Ákvörðun um alla þá þætti sem
fjárfestar gagnrýndu: verð, tíma-
setningu, og sölufyrirkomulag, var
í höndum ráðherra. Með ummælum
sínum er ráðherra því að víkja sér
undan ábyrgð.“
Athugasemd frá
Búnaðarbanka Íslands
MEÐAL þeirra sem sóttu norrænu ráðstefnuna
Sprogpolitisk strategikonference um stefnumörk-
un í norrænni málvernd voru þeir Niels Davidsen-
Nielsen, prófessor í ensku við Viðskiptaháskólann í
Kaupmannahöfn og varaforseti dönsku málnefnd-
arinnar, og Pehr Löv, formaður Norðurlandaráðs
og þingmaður frá Finnlandi. Ráðstefnunni lauk á
laugardag.
Inntir eftir því hvort innrás enskunnar á norræn
tungumál væri mikil sögðu þeir svo vera og bættu
við að mikilvægt væri að finna leiðir til að sporna
gegn henni. Einn megintilgang ráðstefnunnar
sögðu þeir einmitt vera hvernig Norðurlöndin
gætu stillt betur saman strengi sína í þessu sam-
hengi.
„Mál málanna í dag er alþjóðavæðingin þar sem
enska er að sönnu alheimstungumálið,“ segir Dav-
idsen- Nielsen og bætir við að þetta sé viss áskorun
til alls heimsins, sérstaklega Norðurlandanna. „Á
Íslandi er landsmönnum umhugað um að tryggja
tilvist íslenskunnar. Í Danmörku hefur viðhorfið,
þangað til nýlega, verið að raunverulega væri eng-
inn vandi á ferðum. Danskan væri ekki í neinni sér-
stakri hættu,“ segir Davidsen-Nielsen og bætir við
að staða dönskunnar gagnvart enskunni hafi verið
að breytast mikið. Hann segir Dani ekki geta tjáð
sig á dönsku á ákveðnum sviðum danska þjóðlífs-
ins, enskan sé búin að ná yfirhöndinni. Þetta á t.d.
við um olíuiðnaðinn. Þá bendir hann þessu til stað-
festingar á nýlega danska könnun þar sem fram
kemur að eftir tíu ár muni einn þriðji allra fyr-
irtækja þar í landi hafa ensku sem samskiptamál.
Hann segir mikilvægt að sporna gegn þessu.
„Innrás enskunnar er áhyggjuefni í Danmörku.
Þetta er hitamál og mikið fjallað um þetta í fjöl-
miðlum,“ segir hann og bætir við að í fyrra hafi
danski menningarmálaráðherrann haldið sérstaka
ráðstefnu þar sem ljóst var að stjórnvöld yrðu að
bregðast við. Nú sé því verið að reyna að móta póli-
tíska stefnu til verndar dönskunni. Hvernig sú
vinna er á vegi stödd kveðst hann ekki vita en beðið
sé með mikilli eftirvæntingu eftir niðurstöðu henn-
ar sem von er á fljótlega.
„Mín skoðun er sú að það sé ósanngjarnt að
sporna gegn alþjóðavæðingunni, við verðum að
vera raunsæ. Alheimsmálið er enska og þess vegna
þurfum við að vera góð í ensku, betri en í dag. En
um leið, ef við viljum ekki glata móðurmáli okkar,
þarf að að sýna meiri viðleitni. Það þarf að vera
hægt að sameina þetta tvennt,“ segir hann.
Markmið að finna fleiri lausnir til
verndar norrænum tungumálum
Pehr Löv talaði aðallega um pólitísk markmið
Norðurlandaráðs í málfarsefnum í ræðu sinni enda
voru aðgerðir og samræming til verndar norræn-
um tungumálum á pólitískum grundvelli aðalum-
ræðuefni ráðstefnunnar.
Löv segir það markmið ráðsins að norrænu
tungumálin verði ennþá lifandi tungumál eftir
hundruð ára. Hann segir tungumál í heiminum í
dag vera í kringum 6.000 talsins og töluverð hætta
sé á að þeim muni fækka gríðarlega. Hann segir
litlar þjóðir vera í ákveðinni hættu og reyna verði
með öllum mögulegum leiðum að finna lausn til að
hægt verði að hafa samskipti á norrænum tungu-
málum.
Inntur eftir dæmi um slíkar lausnir nefnir hann
skólabörn sem dæmi. Þau fái í dag tækifæri til að
heimsækja nemendur á öðrum Norðurlöndum.
Þannig skapist viss tengsl. Þá segir hann að á um-
ræddri norrænni ráðstefnu sé enskan bönnuð.
Þetta sé mikilvæg regla sem hafi reynst vel.
„Svona verður að halda áfram,“ segir hann, þ.e.
að finna lausnir til verndar norrænum málum, því
ljóst sé að enskan sæki á.
„Þegar Finnar fengu aðild að Evrópusamband-
inu varð enskan miklu vinsælli í skólum,“ segir Löv
og bætir við að mikilvægt sé að geta tjáð sig á
ensku líka. „En við megum bara ekki nota ensku á
meðal okkar Norðurlandaþjóðanna, það er eigin-
lega mikilvægast.“
Spurður um framtíðina í þessum efnum lítur
hann hana björtum augum en segir að mikilvægt
sé að sofna ekki á verðinum. Hann segir finnsk
stjórnvöld taka virkan þátt í baráttunni og henni
verði haldið áfram.
Ráðstefna um norræna málvernd haldin í Borgarnesi um helgina
Innrás enskunnar hitamál
LOKATÖLUR í Langá urðu 1.407
laxar sem skipar henni í efsta sæti
sjálfbærra laxveiðiáa landsins.
Hærri í tölum eru Rangárnar báðar,
en þar er um sleppingar gönguseiða í
hafbeit að ræða og því rétt að skilja á
milli. Langá var með rétt yfir 1.000
laxa í fyrra og er því um umtalsverða
aukningu að ræða.
Ingvi Hrafn Jónsson, leigutaki ár-
innar, sagðist „afar montinn“ með
sína á og taldi upp nokkur lykilatriði
að góðri vertíð í sumar. „Fyrir utan
að það var mikill lax í ánni, þá nýttist
okkur vatnsmiðlunin sem aldrei fyrr.
Á meðan aðrar ár í Borgarfirði sitr-
uðu vatnslitlar vikum saman vegna
þurrka var gullvatn í Langá. Nýtt
landnám laxins fyrir ofan Ármótin
var einnig að skila inn laxi í fyrsta
sinn. Þá hafa byltingarkenndar
seiðasleppingar sem byrjuðu fyrir
tveimur árum skilað fjórða til fimmta
hverjum laxi í sumar og auk þessa
var á fimmta hundrað veiddum löx-
um sleppt aftur. Fluguhollin mín
voru að fá þetta 110 til 150 laxa hvert
og maðkahollin voru ekki að svíða
neina jörð. Þær reglur gilda hjá okk-
ur í maðkahollunum að menn mega
veiða 30 laxa á þremur dögum, en
aldrei nema fimm á hverri vakt. Fyr-
ir vikið voru tvö fyrstu maðkahollin
að taka tæplega 200 laxa á sex dögum
í staðin fyrir upp undir 500 stykki
eins og gerst hefur,“ sagði Ingvi
Hrafn.
Lokaspretturinn var mjög góður,
tómabær rigning lyfti ánni og glæddi
veiðiskapinn, þannig að tíu síðustu
dagarnir gáfu hundrað laxa og þar
með efsta sætið.
Hörkukippur í Tungufljóti
Holl sem lauk veiðum í Tungufljóti
á hádegi í gær veiddi tuttugu sjóbirt-
inga, alla á seinni deginum, en áin var
illveiðanlega vegna vatnavaxta fyrri
daginn. Þetta var fyrsta alvöru skotið
í ánni í haust og vekur vonir um að
veiði geti verið góð út vertíðina. Búið
er að veita leyfi fyrir framlenginu til
20. október. Tveir birtingar voru 12
punda, tveir 11 punda og tveir 10
punda. Meðalvigtin var yfir 7 pund
þannig að hér var ekki um neina smá-
smíði að ræða. Hópurinn sem var á
undan fékk aðeins sex fiska, en þar af
var einn 15 punda. Flestir fiskanna í
síðasta holli veiddust á flugu í Vatna-
mótunum, en síðasta morguninn var
þó augsýnilega kominn fiskur víðar.
Enn lokatölur
Gljúfurá í Borgarfirði gaf alls 99
laxa og hefur ekki verið jafn slök í
mörg ár. Síðustu dagarnir voru samt
sem áður nokkuð gjöfulir, átta fiskar
voru þá dregnir á stuttum tíma, en
stafaði líklega af því að áin var lítið
stunduð seinni hluta september.
Þá veiddust 430 laxar í Leirvogsá
sem er afar gott, en aðeins er veitt á
tvær stangir á dag í ánni.
Risi slapp í Stóru Laxá
Stórlax sem fjögur vitni töldu ekki
vera undir 110 sentímetrum, slapp
eftir harðan leik í Gunnbjarnarhyl í
Stóru Laxá um helgina. Viðmiðunin
var 102 sentímetra lax sem einn
veiðimannanna, Halldór Þórðarson-
,hafði nýlega landað og lá dauður á
bakkanum. Sá var líklega eitthvað
þunnur, því hann var „aðeins“ 18
pund þrátt fyrir lengdina sem hæfir
rúmlega 20 punda laxi. 110 sentí-
metra lax í góðum holdum er varla
undir 26 pundum.
Langá aflahæsta
sjálfbæra laxveiðiáin
Ljósmynd/Páll Ketilsson
Veiðimaður rennir í Strengjun-
um í Langá og hefur náð einum
9 punda laxi sem liggur í for-
grunninum.
ERU
ÞEIR AÐ
FÁ’ANN?
KENNSLA í skólum landsins er nú
komin á fullt skrið. Ljósmyndari
Morgunblaðsins rakst á þessa ungu
námsmenn á göngu nýverið. Ekki
fylgir sögunni hvort þeir eru á leið í
eða úr skóla en ljóst að annar
þeirra er djúpt hugsi en hinn fullur
tilhlökkunar.
Morgunblaðið/Kristinn Ingvarsson
Ungir náms-
menn á göngu
SLÖKKVILIÐ höfuðborgarsvæðis-
ins var kallað að blokk við Öldu-
granda seinni hluta dags í gær
vegna elds sem kviknaði í glugga-
tjöldum íbúðar. Íbúðin var mann-
laus þegar eldurinn kviknaði en ná-
grannar sem komu að sáu hvers
kyns var. Skemmdir af völdum elds
urðu litlar.
Eldur í
gluggatjöldum
EFNAHAGSBROTADEILD ríkis-
lögreglustjóra hefur ákært 67 ára
gamla konu fyrir fjársvik gagnvart
manni á áttæðisaldri og fyrir fjár-
svik og misneytingu gagnvart öðr-
um manni á níræðisaldri. Aðalmeð-
ferð í málinu hefst fyrir
Héraðsdómi Reykjavíkur á fimmtu-
dag og verður rekið samhliða öðru
ákærumáli svipuðu eðlis á hendur
ákærðu.
Ákærðu er gefið að sök að hafa
fengið annan mannanna tveggja, 76
ára að aldri, til að lána sér 1,5 millj-
ónir króna með blekkingum um að
hún hygðist endurgreiða honum af
söluverði íbúðar sinnar í Reykjavík
þrátt fyrir að henni hafi m.a. verið
ljóst að á íbúðinni hvíldi kyrrsetn-
ing ríkislögreglustjóra vegna refsi-
máls sem höfðað hafði verið á hend-
ur henni.
Þá er ákærðu og meðákærðum
manni gefið að sök að hafa nýtt sér
bágindi, einfeldni og fákunnáttu 88
ára gamals manns, þegar ákærða
fékk gamla manninn til að sam-
þykkja veðsetningu á íbúðarher-
bergi hans til tryggingar skulda-
bréfaláni meðákærða að fjárhæð
rúmar 1,2 milljónir króna.
Ákærð fyrir
fjársvik og
misneytingu
♦ ♦ ♦