Morgunblaðið - 25.09.2001, Blaðsíða 17
VIÐSKIPTI/ATHAFNALÍF
MORGUNBLAÐIÐ ÞRIÐJUDAGUR 25. SEPTEMBER 2001 17
Á FUNDI norrænna uppfinninga-
kvenna, Quin, í Gerðubergi voru
mættir fulltrúar frá Finnlandi, Sví-
þjóð, Danmörku, Litháen auk Ís-
lands en grunnur var lagður að
þessu tengslaneti fyrir áratug síð-
an en markmiðið er að koma upp-
finningum og hugviti kvenna betur
á framfæri og gera vinnu þeirra
sýnilegri. Á fundinum voru kynnt-
ar vörur sem norrænar konur hafa
þróað og látið framleiða.
Í erindi Elinóru Ingu Sigurð-
ardóttur, formanns Lands-
sambands hugvitsmanna, kom
fram að Íslendingar hafi komið
fyrst að þessu samstarfi árið 1994.
Elinóra segir tilganginn vera þann
að gera hugvitskonur sýnilegri í
samfélaginu og gera þeim kleift að
þróa hugmyndir sínar og koma
þeim í framleiðslu. Samstarf af
þessu tagi væri mikilvægt enda
geti uppfinningakonur mikið lært
hver af annarri. Með sameiginlegri
ásýnd geti þær betur sýnt fram á
að konur geti líka, oft sé það þann-
ig að þær skorti trú á eigin upp-
finningar séu jafnmerkilegar og
uppfinningar karla.
„Það sem er einkennandi fyrir
kvennahugmyndir er að þær eru
minna tæknilegar en meira hag-
nýtar, oft tengdar lausnum fyrir
heimilið og þess vegna er mark-
aðurinn fyrir þær oft mjög stór.
Þesar hugmyndir verða hins vegar
oftast útundan og njóta ekki stuðn-
ings fjárfesta því tækniuppfinning
þykir merkilegri. Það þyrfti að
endurskilgreina hvað uppfinning
er, því gráa svæðið sem skarast
milli uppfinningar og hönnunar
verður sífellt stærra. Staðreyndin
er sú að konur skortir oft sjálfs-
traust og trú á að þær séu með
góða hugmynd. Það vantar fyr-
irmyndir í samfélaginu og því þarf
að gera þær konur sýnilegri sem
hafa náð því að koma nýjungum
sínum á markað.“
Maila Hakala frá Finnlandi, sem
lengi hefur starfað í forystu nor-
rænna uppfinningakvenna, segir
að konur tali sama tungumál og
því eigi uppfinningakonur auðveld-
ara með að tjá sig og skiptast á
skoðunum í eigin hópi en í blönd-
uðum hópi karla og kvenna. Sam-
starf norrænna uppfinningakvenna
sé því mikilvægur vettvangur til
þess að ryðja nýjar brautir; ekki
hafi enn skapast hefð fyrir því að
konur starfi við uppfinningar eða
markaðssetningu á nýjum afurð-
um. Reynslan sýni hins vegar að
uppfinningar og vöruþróun kvenna
séu ekki síðri en karla.
Það auðveldi einnig öll samskipti
að norrænar konur búi í mjög svip-
uðum samfélögum og hafi svipaðan
bakgrunn. Markaðurinn í hverju
Norðurlandanna sé líka tiltölulega
smár og nauðsynlegt sé að ná til
Norðurlandanna allra þegar kem-
ur að því að selja nýjar vörur og
hugmyndir.
Fundur norrænna uppfinningakvenna
Hafa gott auga
fyrir einföldum og
hagnýtum vörum
Morgunblaðið/Golli
EKKI verður gengið hart eftir
greiðslum frá þeim sem ekki
greiddu staðfestingargjald í fyrri
hluta hlutafjárútboðs Landssímans,
sem lauk síðastliðinn föstudag, að
sögn Guðmundar Ólasonar, starfs-
manns framkvæmdanefndar um
einkavæðingu. Hann segir að ekki
verði greitt til baka til þeirra sem
hafa greitt inn á hlutabréfin. Engar
forsendur útboðsins séu brostnar
og því sé ekki ástæða til að bjóða
upp á að fólk geti hætt við kaupin.
Hins vegar verði ekki gengið á eftir
greiðslum frá þeim sem ekki hafa
greitt inn á bréfin með staðfesting-
argjaldi.
Áskrift var bindandi
Áskriftir í hlutafjárútboði Lands-
símans eru bindandi tilboð. Þeir
áskrifendur sem skiluðu inn áskrift-
arblöðum skiluðu þeim inn með
undirskrift sinni. Þeir sem skráðu
sig hins vegar á Netinu greiddu
staðfestingargjald til að staðfesta
áskriftina. Þeir sem óskuðu eftir
greiðsludreifingu skiluðu annað-
hvort undirritaðri umsókn eða
skráðu sig á Netinu.
Ekki geng-
ið hart eftir
greiðslum
STÁLTAK hf. lagði í gær fram
beiðni um heimild til greiðslustöðv-
unar. Samkvæmt upplýsingum frá
Héraðsdómi Reykjavíkur er ekki bú-
ið að taka ákvörðun um hvort orðið
verði við beiðninni.
Stáltak var stofnað árið 1999 við
samruna Slippstöðvarinnar á Akur-
eyri og Stálsmiðjunnar í Reykjavík
og varð við það stærsta fyrirtæki
landsins í málmiðnaði.
Samkvæmt tilkynningu Stáltaks
til Verðbréfaþings Íslands hefur
rekstur félagsins ekki gengið sem
skyldi. Hjá fyrirtækinu starfa nú um
180 manns en þegar flest var störf-
uðu um 260 manns hjá félaginu.
„Á undanförnum mánuðum hefur
verið leitað leiða til þess að rétta við
rekstur félagsins og virðast þær að-
gerðir vera að skila árangri en
greiðslustaða Stáltaks er með þeim
hætti að fyrirtækinu er nauðsynlegt
að fá svigrúm til þess að endurskipu-
leggja fjárhag þess og því tók stjórn
félagsins þá ákvörðun að óska eftir
heimild til greiðslustöðvunar,“ að því
er fram kemur í tilkynningu til VÞÍ.
Tap Stáltaks fyrstu sex mánuði
ársins nam rúmum 167 milljónum
króna. Lítil viðskipti hafa verið með
bréf félagsins á vaxtarlista Verð-
bréfaþings Íslands og er félagið
skráð á athugunarlista. Síðustu við-
skipti voru á genginu 0,18 og er
markaðsvirði Stáltaks tæpar 60
milljónir króna en heildarhlutafé
þess tæpar 330 milljónir króna.
Stáltak óskar eftir
greiðslustöðvun
INGIMAR Jónsson, fram-
kvæmdastjóri Pennans, hefur
verið ráðinn framkvæmdastjóri
Kaupáss hf. Hann mun taka við
af Þorsteini Pálssyni, fráfarandi
framkvæmdastjóra, um miðjan
næsta mánuð, en tilkynnt var í
júní síðastliðnum að Þorsteinn
hefði sagt starfi sínu lausu.
Ásmundur Stefánsson,
stjórnarformaður Kaupáss,
sagði í samtali við Morgunblaðið
í gær að einhugur hafi verið í
stjórn Kaupáss um ráðningu
Ingimars. Stjórnin hafi ekki
flýtt sér að því að ráða nýjan
framkvæmdastjóra, mikilvæg-
ara hefði verið að finna réttan
mann til að sinna starfinu.
Ingimar Jónsson hefur verið
framkvæmdastjóri Pennans í
rúmt ár en var áður forstöðu-
maður smásölusviðs Pennans í
um fjögur ár. Hann sagðist ekki
vilja tjá sig um ráðninguna til
Kaupáss á þessu stigi að öðru
leyti en því að hann hlakkaði til
að takast á við þetta verkefni.
Þorsteinn Pálsson mun að-
stoða Ingimar við að taka við
starfi framkvæmdastjóra
Kaupáss en hann sagðist gera
ráð fyrir að hætta hjá félaginu
um svipað leyti og Ingimar
kæmi til starfa. Þorsteinn sagði
óráðið á þessu stigi hvað hann
muni taka sér fyrir hendur.
Nýr fram-
kvæmda-
stjóri
Kaupáss hf.
SAMTALS höfðu 14 aðilar
skilað inn yfirlýsingu um að
þeir hefðu áhuga á að gerast
kjölfestufjárfestir í Lands-
símanum um klukkan ellefu í
gærkvöldi, en frestur til þátt-
töku rann út á miðnætti.
Hreinn Loftsson, formaður fram-
kvæmdanefndar um einkavæðingu,
sagði í samtali við Morgunblaðið í
gærkvöldi að þetta væri glæsileg út-
koma. „Þá vekur þetta enn frekari
spurningar um það hvað lífeyrissjóð-
irnir voru að gera. Þegar stærstu og
öflugustu símafyrirtækin í heiminum
sjá tækifæri í Landssímanum en ekki
lífeyrissjóðirnir á Íslandi, þá vekur
það upp spurningar,“ sagði Hreinn.
Tveir óskuðu nafnleyndar
Samkvæmt upplýsingum frá
Skarphéðni B. Steinarssyni, starfs-
manni framkvæmdanefndar um
einkavæðingu, óskuðu tveir af þeim
14 aðilum sem höfðu skilað inn yfir-
lýsingu í gærkvöldi eftir nafnleynd.
Hann sagði að afstaða til óska þeirra-
verði tekin á fundi fram-
kvæmdanefndarinnar í dag.
Þeir 12 aðilar sem lýst
hafa yfir áhuga á að gerast
kjölfestufjárfestir í Lands-
símanum, og óskuðu ekki
nafnleyndar, eru: Telenor í
Noregi, Detecon, sem er hluti af
Deutsche Telecom í Þýskalandi,
Malta Telecom á Möltu, JP Morgan
Partners, Providence Equity og
Spectrum Equity Partners, sem eru í
Bretlandi og Bandaríkjunum,
Schroders Ventures, Bretlandi,
Alacre, Bandaríkjunum, Fay Ritch-
white/Berkshire Partners, Sviss og
Bandaríkjunum, Telesonique Tele-
com and Technology Group, Sviss,
Opin Kerfi, Íslandi og Guðmundur
Franklín Jónsson, New York.
Samningum lokið fyrir áramót
Framkvæmdanefnd um einkavæð-
ingu mun koma saman í dag og til-
kynna í framhaldi af því um fjölda
þátttakenda í þessum öðrum áfanga í
einkavæðingu Landssímans, sem
snýr að sölu á 25% af hlutafé félagsins
til kjölfestufjárfestis.
Fram kemur í útboðs- og skráning-
arlýsingu Landssímans að þeim þátt-
takendum, sem uppfylla skilyrði selj-
anda til að gerast kjölfestufjárfestir,
gefist kostur á að fá að viku liðinni
senda upplýsingaskýrslu sem Price-
waterhouseCoopers útbjó í samvinnu
við Landssímann og framkvæmda-
nefnd um einkavæðingu.
Á grundvelli skýrslunnar skulu
áhugasamir síðan skila inn óbindandi
verðtilboði eigi síðar en 22. október
næstkomandi. Á grundvelli þess gefst
svo takmörkuðum fjölda áhugasamra
aðila kostur á að fá frekari upplýs-
ingar um Símann og starfsemi hans,
sem gerir þessum aðilum kleift að
setja fram bindandi lokatilboð.
Ráðgert er að skilafrestur fyrir
bindandi lokatilboð verði í lok nóvem-
ber 2001. Að lokinni ítarlegri skoðun
hvers tilboðs er áætlað að ganga til
samningaviðræðna við einn aðila og
stefnt að því að búið verði að ganga
frá samningum fyrir lok ársins 2001.
Kjölfestufjárfestir Landssíma Íslands hf.
14 aðilar skiluðu yf-
irlýsingu um áhuga
VIÐSKIPTASÉRLEYFI („franch-
ise“) eru framtíðin í verslunarrekstri,
að minnsta kosti þegar um tískuvar-
nig er að ræða, að sögn Hákonar Há-
konarsonar, framkvæmdastjóra Há-
ess ehf. Þetta kom fram í máli hans á
ráðstefnu um viðskiptasérleyfi sem
félag um viðskiptasérleyfi og Price-
waterhouseCoopers gengust fyrir í
gær. Hákon sagðist ráðleggja þeim
sem væru í verslunarrekstri að kanna
vel styrkleika þeirra vara sem ætlun-
in væri að velja til sölu í viðkomandi
verslunum. Erfitt væri að koma með
nýjar og óþekktar vörur á markað.
Háess ehf. rekur meðal annars
verslanirnar Boss, Herragarðinn og
Steinar Waage. Þá mun fyrirtækið
opna svonefnda Mango verslun í
verslanamiðstöðinni Smáralind í
Kópavogi.
Árni Vilhjálmsson, hæstaréttarlög-
maður hjá Logos lögmannsþjónustu,
greindi á fundinum frá þeim þáttum
sem helst þyrfti að huga að við gerð
samninga um viðskiptasérleyfi. Hann
sagði að yfirleitt væri lítið hægt að
hreyfa við slíkum samningum við er-
lend stórfyrirtæki. Þeir sem stæðu í
samningagerð af þessu tagi þyrftu því
að vanda það verk vel.
Viðskiptasérleyfi
eru framtíðin
Morgunblaðið/Ásdís
Nokkrir þátttakenda á ráðstefnu um viðskiptasérleyfi í gær.