Morgunblaðið - 25.09.2001, Blaðsíða 14
AKUREYRI
14 ÞRIÐJUDAGUR 25. SEPTEMBER 2001 MORGUNBLAÐIÐ
KÓPAVOGUR - HAFNARFJÖRÐUR - GARÐABÆR
Þingmenn Samfylkingarinnar á ferðinni
Þingmenn Samfylkingarinnar í hinu nýja Suðvestur-
kjördæmi, Rannveig Guðmundsdóttir, Guðmundur
Árni Stefánsson og Þórunn Sveinbjarnardóttir verða á
ferðinni næstu daga. Þeir munu ásamt bæjarfulltrúum
og forystufólki í viðkomandi byggðarlögum heimsækja
vinnustaði í Kópavogi, Garðabæ og Hafnarfirði í
þessari lotu.
KÓPAVOGUR - miðvikudaginn 26. september frá kl. 9 til 16.
Opið hús í húsnæði Samfylkingarinnar í Hamraborg, Kópavogi.
HAFNARFJÖRÐUR - fimmtudaginn 27. september frá kl. 9-16.
Opið hús í Alþýðuhúsinu við Strandgötu.
GARÐABÆR - föstudaginn 28. september frá kl. 9-16.
JÖFN TÆKIFÆRI FYRIR ALLA
VERTU MEÐ Í FÖR TIL NÝRRAR SÓKNAR
Guðmundur Árni
Stefánsson
Rannveig
Guðmundsdóttir
Þórunn
Sveinbjarnardóttir
VEÐRIÐ hefur leikið við Akureyr-
inga undanfarna daga og hitastigið
verið nálægt því sem best gerðist í
sumar, t.d. nú um helgina. Því voru
margir á ferli og nutu þess að vera
útivið, þar á meðal nokkrir krakkar
sem voru að leik við tjaldsvæðið að
Hömrum. Þar hefur Skátafélagið
Klakkur byggt upp stórskemmti-
lega aðstöðu og þá ekki síst fyrir
yngra fólkið. Á svæðinu er vatn,
sem hefur mikið aðdráttarafl, enda
ýmislegt hægt að gera í og við vatn-
ið. Krakkarnir voru léttklædd í
blíðunni og nutu þess að geta kælt
sig niður í frekar köldu vatninu
þegar leikar stóðu sem hæst.
Morgunblaðið/Kristján
Félagarnir Arnar og Örn taka léttan sprett yfir vatnið á vörubrettum.
Léttklædd
í blíðunni
TÆPLEGA þrítugur karlmaður á
Akureyri hefur í Héraðsdómi Norð-
urlands eystra verið dæmdur til að
greiða 140 þúsund króna sekt í rík-
issjóð fyrir fíkniefnabrot en 26 daga
fangelsi kemur í stað sektarinnar
verði hún ekki greidd innan fjögurra
vikna. Þá voru tæp 26 grömm af
hassi og 2,36 grömm af kókaíni sem
lögregla lagði hald á og fundust í fór-
um mannsins gerð upptæk.
Maðurinn var með fíkniefnin í
sinni vörslu er hann var handtekinn
á Akureyrarflugvelli, en efnin hafði
hann flutt með sér frá Reykjavík í
flugi.
Maðurinn játaði brot sitt við yf-
irheyrslur hjá lögreglu, en mætti
ekki fyrir Héraðsdóm Norðurlands
eystra. Hann hefur ekki áður sætt
refsingu.
140 þúsund
króna sekt
vegna fíkni-
efnabrots
Héraðsdómur
Norðurlands eystra
♦ ♦ ♦
„ÞETTA slapp fyrir horn en almennt var sumarið
ekkert allt of gott,“ sagði Gunnar M. Guðmundsson,
framkvæmdastjóri Sérleyfisbíla Akureyrar, að-
spurður um rútubílareksturinn í sumar. Gunnar
sagði að farþegum hefði fjölgað á áætlunarleiðum
fyrirtækisins en hins vegar hefði orðið fækkun á
milli ára í hefðbundnum hóp- og hringferðum.
„Þetta byrjaði nokkuð vel strax í maí í vor en svo
kom gat í júní og langferðir og hringferðir fóru ekki
af stað fyrr en undir mánaðamótin júní/júlí. Það var
mikið að gera í slíkum ferðum í júlí og ágúst en það
náði ekkert fram í september og þessi mánuður hef-
ur verið frekar lélegur og lélegri en í fyrra.“
Gunnar sagði að menn hefðu átt von á mikilli
fjölgun ferðamanna í sumar en að sú fjölgun hefði
ekki skilað sér af einhverju ástæðum.
Sérleyfisbílar Akureyrar eru með áætlunarferðir
á fjölmörgum leiðum, m.a. milli Akureyrar og
Reykjavíkur, Akureyrar og Húsavíkur og áfram
austur með ströndinni til Þórshafnar og á milli Ak-
ureyrar og Mývatnssveitar.
Gunnar sagði að farþegum hefði fjölgað nokkuð í
áætlunarferðum félagsins á þessum leiðum og það
væri vissulega jákvætt. Hann sagði fólk farið að
ferðast öðruvísi og að töluverð aukning hefði orðið
hjá bílaleigunum en að fyrirtæki hans hefði einnig
notið góðs af því á áætlunarleiðunum.
Stækkun fyrirtækisins verið til góðs
Gunnar sagði ekki nóg að mikið væri að gera í júlí
og ágúst og að nauðsynlegt væri að lengja það tíma-
bil, þannig að hægt væri að nýta betur bæði bíla og
starfsfólk. Í sumar voru starfsmenn fyrirtækisins
um 70 talsins en Gunnar sagði að þeir yrðu 20–25 yf-
ir daufasta tímann í vetur.
Það hefur verið mikið að gerast í kringum Sér-
leyfisbíla Akureyrar á þessu ári. Rekstur Norður-
leiðar sameinaðist rekstri fyrirtækisins sl. vetur og
þá bættust 14 hópferðabílar í flotann. Sl. vor keypti
fyrirtækið svo rútubílarekstur BSH á Húsavík og
sameinaði hann restrinum. Með þeim kaupum eign-
uðust Sérleyfisbílar Akureyrar átta hópferðabíla til
viðbótar og gerir fyrirtækið nú út 43 hópferðabíla
með um 1.700 sætum. Gunnar sagði að sú stækkun
sem orðið hafi á fyrirtækinu á árinu sé til góðs og þá
ekki síst til lengri tíma litið. „Með öflugra fyrirtæki
er hægt að bjóða betri þjónustu og betri bíla og
einnig fær maður betri nýtingu á nýju bílana.“
Framkvæmdastjóri Sérleyfisbíla Akureyrar sæmilega sáttur eftir sumarið
Farþegum fjölgaði í áætlunar-
ferðum en fækkaði í hópferðum
HÚSFYLLIR var á tónleikum Sin-
fóníuhljómsveitar Norðurlands í
Glerárkirkju sl. sunnudag en með
tónleikunum hófst níunda starfs-
ár hljómsveitarinnar. Einsöngvari
á tónleikunum var Hulda Björk
Garðarsdóttir sópran og var góð-
ur rómur gerður að flutningi
hennar og Sinfóníuhljómsveit-
arinnar.
Á efnisskrá tónleikanna voru
hljómsveitarverk, sönglög í út-
setningum fyrir hljómsveit og
aríur úr óperum. Hulda Björk
Garðarsdóttir, sem er fædd á Ak-
ureyri, hefur á undanförnum ár-
um komið víða fram bæði hér
heima og erlendis og vakið verð-
skuldaða athygli. Stjórnandi Sin-
fóníuhljómsveitar Norðurlands er
sem fyrr Guðmundur Óli Gunn-
arsson.
Morgunblaðið/Kristján
Hulda Björk Garðarsdóttir
sópran var einsöngvari á tón-
leikum Sinfóníuhljómsveitar
Norðurlands í Glerárkirkju.
Húsfyllir á
fyrstu tónleik-
um Sinfóníu-
hljómsveitar
Norðurlands
EIRÍKUR S. Jóhannsson, kaup-
félagsstjóri Kaupfélags Eyfirðinga
og formaður stjórnar Norðurmjólk-
ur, segir að allra leiða sé nú leitað til
að hagræða í rekstri félagsins. „Við
skoðum alla möguleika, það er ekk-
ert undanskilið,“ sagði Eiríkur.
Helgi Jóhannesson, framkvæmda-
stjóri Norðurmjólkur, sagði að
fjallað hefði verið um fjölda hagræð-
ingaraðgerða sem til greina koma
innan stjórnar fyrirtækisins, þar á
meðal að fækka starfsstöðvum.
Norðurmjólk er með tvær starfs-
stöðvar, á Akureyri og Húsavík.
Helgi sagði að reksturinn væri
þokkalega þungur, en 5–6 milljóna
króna tap varð af honum á liðnu ári.
„Fjármálamarkaðurinn er um þess-
ar mundir að fara frekar illa með at-
vinnulífið,“ sagði Helgi.
Eiríkur sagði að engar ákvarðanir
um hagræðingu hefðu verið teknar.
„Það eru allir að skoða möguleika á
hagræðingu, sama hvernig fyrirtæk-
in standa,“ sagði hann. Vextir væru
mörgum fyrirtækjum þungir í skauti
og þó svo að til væru fyrirtæki sem
skulduðu lítið stæðu þau frammi fyr-
ir miklum kostnaðarhækkunum.
Allra leiða
leitað til að
hagræða hjá
Norðurmjólk
HÁDEGISSAMVERA verður í
Glerárkirkju á morgun, miðvikudag-
inn 26. september, og stendur hún
frá kl. 12 til 13. Þetta er fyrsta há-
degissamveran eftir sumarleyfi en
slíkar samverustundir í hádeginu á
miðvikudögum eru fastur liður í
vetrarstarfi Glerárkirkju. Á þessum
samverustundum er orgelleikur,
helgistund, fyrirbænir og altaris-
sakramenti. Þá gefst kirkjugestum
kostur á léttum hádegisverði gegn
vægu verði í safnaðarsal eftir stund-
ina.
Hádegissamvera
í Glerárkirkju