Morgunblaðið - 25.09.2001, Blaðsíða 43

BRÉF TIL BLAÐSINS
MORGUNBLAÐIÐ ÞRIÐJUDAGUR 25. SEPTEMBER 2001 43
Rafvörur:

Tenglar

Rofar

Kaplar

Snúrur

Spennur

Rafmagnsarnar

Handklæðaofnar

ISDN símar

ISDN símstöðvar

Símar

Borvélar

Ljós

Öryggiskerfi
Vinnustaðabúnaður:

Hillukerfi - FAMI

Fataskápar

Vinnuborð

Bílainnréttingar

Loftkefli

Rafmagnskefli

Plastkistur - RAACO

Rafmagnsbrautir

Loftbrautir

Skrúfur og tappar

Verkfæri
Hamarshöfða 1 - Sími 511 1122
verslun
Í MORGUNBLAÐINU 21. sept.
2001 er birt fyrsta erindi „Þing-
vallasöngs“ og nafn Steingríms
Thorsteinssonar skálds er þar
prentað undir því. (sbr. bls. 49).
Undirritaður les yfirleitt Ljóðabrot
sér til ánægju, en svo var ekki nú.
Ástæðan er einföld: Viðkvæðið, –
þ.e. fimm síðustu línurnar, Fram,
fram o.s.frv., – er ekki eftir Stein-
grím, heldur Helga Helgason, kaup-
mann og tónskáld. Á þetta hefur
bent Hannes Pétursson, skáld og
fræðimaður, í bók sinni, Steingrím-
ur Thorsteinsson, Bókaútg. Menn-
ingarsj., Rvík 1964, bls. 236–237.
Steingrímur skrifaði sjálfur eft-
irfarandi við eiginhandarrit sitt af
ljóðinu: „Viðkvæðið, sem haft var
við kvæði þetta og prentað með því,
þegar það var notað á þjóðfundinum
[þ.e. Þingvallafundi 27. júní 1885 –
innskot Ó.O.] ... er ekki eftir mig og
heyrir því ekki til. Helgi Helgason
kaupmaður bjó það til, er hann
samdi lag við kvæðið, og leyfði ég
þá, að það fylgdi kvæðinu að því
sinni [feitletranir settar til áherslu
af Ó.O.], en það heyrir því ekki til
að öðru leyti.“ Hannes Pétursson
hefur og bent á, að viðkvæðið sé
„hávaðasamari kveðskapur“ en
dæmi séu um í verkum Steingríms,
og það er vissulega með allt öðrum
blæ.
Af því, sem hér hefur verið rakið,
má ljóst vera, að ekki er við hæfi að
setja nafn Steingríms Thorsteins-
sonar undir viðkvæðið eins og gert
er í Morgunblaðinu í dag. Hafi
menn áhuga á ljóðinu eins og Stein-
grímur sjálfur gekk frá því geta
menn flett upp í fyrrnefndri bók
Hannesar Péturssonar (sama tilv.),
en hún er um margt býsna fróðleg.
ÓLAFUR ODDSSON,
kennari, Hjallalandi 1,
Reykjavík.
Athugasemd við Ljóðabrot
Frá Ólafi Oddssyni:
VIÐ LIFUM á skrýtnum tímum.
Einu sinni voru áróðursvélar nasista
fordæmdar en núna hefur CNN tekið
að sér þetta hlutverk fyrir Banda-
ríkjastjórn og enginn segir neitt.
Bush Bandaríkjaforseti ætlar í stríð
gegn öllum þeim sem falla ekki í duft-
ið fyrir honum og refsivendi Banda-
ríkjanna. Enginn segir neitt. Lífa
saklausra fórnarlamba skal hefnt og
það með lífum fleiri saklausra borg-
ara. Á dögunum spurði ég varafor-
mann utanríkisnefndar hvort hann
myndi beita sér fyrir því að fordæma
Bandaríkjamenn ef þeir myndi drepa
saklausa borgara í hefndaraðgerðum,
hann svaraði því neitandi. Allstaðar
fær maður fregnir af því að Osama
bin Laden sé sökudólgur sem skal
koma í járn og það strax. En gleym-
um ekki að samkvæmt okkar skil-
greiningu er Laden saklaus maður,
og hann verður saklaus þar til sekt
hans hefur verið sönnuð, ef hann er
þá sá seki. Klerkaveldið í Afganistan,
sem ég mun aldrei verja á nokkurn
hátt, hefur sagt að það vilji sannanir
fyrir því að bin Laden hafi staðið fyrir
tilræðinu áður en þeir láta til skarar
skríða. Er þetta ósanngjarnt? Er
þetta eitthvað sem við ættum að refsa
fyrir með hernaðaraðgerðum? Hver
er að vernda réttlætið og hverjir eru
vondu kallarnir? Línurnar eru óskýr-
ar. Fyrir mér eru öll líf saklausra
fórnarlamba jafn mikils virði hvernig
sem staðan á bankareikningum
þeirra er. Hafa allir gleymt napalm
árásinni sem Bandaríkjamenn stóðu
fyrir í Kambódíu og drap hálfa milljón
manna?
Bandaríkjamenn hallast helst að
því að öfund sé drifkraftur þessara
kóna sem stóðu að WTC/Pentagon-
hryðjuverkunum. Sjaldan hefur mað-
ur heyrt jafn yfirborðskennda ástæðu
fyrir hryðjuverkum. Að fólk sé tilbúið
að deyja til þess að refsa þjóð, bara
vegna þess að hún er ríkari er farsa-
kenndur og lélegur brandari. Bush
ætlar sér að drepa einhvern og það
virðist vera nokk sama hver það er,
svo lengi sem hausar fá að fjúka.
Hefndarþorstinn og hatrið hefur, því
miður, tekið völdin. Ef ég hata ein-
hvern vegna þess að hann hatar mig,
er ég þar með orðinn jafn slæmur og
sá sem mig hatar.
Enginn hélt heimssöfnun fyrir sak-
laus fórnarlömb Bandaríkjamanna í
Kambódíu. Saklaus börn dóu í eldhafi
við hlið foreldra sinna og foreldra
þeirra. Hundrað líf á hvert fórnar-
lamb í WTC. Ég bið fyrir fórnarlömb-
um 11. sept. en gleymum ekki að
þetta er dropi í haf þess mannfalls
sem Bandaríkjamenn hafa sjálfir átt
sök á. Gleymum því ekki þegar
sprengjunum byrjar að rigna á sak-
lausa borgara, og vonum að einhver
segi eitthvað áður en það er um sein-
an.
GÚSTAF HANNIBAL
ÓLAFSSON,
blaðamaður og nemi.
Endanlegt
óréttlæti
Frá Gústafi Hannibal Ólafssyni: