Morgunblaðið - 04.10.2001, Síða 6

FRÉTTIR
6 FIMMTUDAGUR 4. OKTÓBER 2001 MORGUNBLAÐIÐ
SKÝRING er fengin á því hvers
vegna varaaflstöð Landspítala í
Fossvogi fór ekki í gang í fyrradag
þegar háspennustrengur að spítal-
anum var grafinn sundur og raf-
magnslaust varð á spítalanum í um
20 mínútur. Rafgeymar vélarinnar
gátu ekki ræst hana og segir Ing-
ólfur Þórisson, framkvæmdastjóri
tækni- og eignasviðs spítalans, að
það hafi verið vegna þess að þeir
hafi verið of gamlir. Mælt sé með að
skipta þeim út eftir þrjú ár en
geymarnir hafi verið fjögurra og
hálfs árs gamlir. Segir Ingólfur að
eftirlit starfsmanna spítalans hafi
brugðist í þessu efni. Verði þetta
mál kannað sérstaklega.
Rafmagn hefur þrisvar farið af
Landspítala í Fossvogi frá í maí og
segir Ingólfur Þórisson brýnt að
tryggja ótruflaða raforku til spít-
alans. Kanna þurfi aukið öryggi á
orkuafhendingu Orkuveitu Reykja-
víkur, tryggja aukið öryggi með
nýrri varaaflstöð og bæta við búnaði
og rafhlöðum, sem séð geti skurð-
og gjörgæsludeildum fyrir afli í að
minnsta kosti klukkustund.
Nils Christian Nilsen, aðstoðar-
lækningaforstjóri Landspítala – há-
skólasjúkrahúss, segir það alltaf al-
varlegt þegar rafmagn fer af spítala
og það hafi einkum tvenns konar af-
leiðingar. Annars vegar vegna
þeirra sjúklinga sem tengdir eru
öndunarvélum og hins vegar þegar
sjúklingar eru í aðgerðum þar sem
margs konar tækjabúnaður sé not-
aður sem knúinn er rafmagni.
Mörg tæki á skurðstofum
knúin rafmagni
Nils nefnir sem dæmi svæfing-
arvélar en með þeim er fylgst með
öndun, blóðþrýstingi, efnaskiptum
og ýmsu ástandi sjúklings meðan á
aðgerð stendur. Þessar vélar má
knýja með rafhlöðum sem Nils segir
að geti enst í hálfa til heila klukku-
stund. Þá segir hann að ýmsar að-
gerðir fari fram með tölvutengdum
holsjár- eða smásjárbúnaði og slíkur
búnaður detti út í um það bil 20 sek-
úndur sem ræsing varaaflstöðvar
tekur. Í framhaldi af því þurfi síðan
að ræsa tölvur á ný og því verði
nokkru meiri töf á aðgerð við slíkar
aðstæður. Þegar sjúklingur er í
öndunarvél, t.d. á gjörgæsludeild
eftir aðgerð, segir Nils hvern og
einn sjúkling vaktaðan og því hægt
að knýja öndunarvélarnar með
handafli þar til rafmagn komist á
aftur.
Einnig nefnir Nils að vitanlega
skapist margs konar óþægindi þeg-
ar rafmagnið fari, góð lýsing sé
grundvallaratriði við allar aðgerðir
og því erfitt að halda þeim áfram við
vasaljós jafnvel þótt vélar gangi
áfram fyrir rafhlöðum. Hann segir
ekki hægt að búa við að svona at-
burður geti komið upp aftur og því
sé ljóst að koma verði upp annarri
varaaflstöð í Fossvogi ið fyrsta. Þau
mál verði skoðuð vandlega á næst-
unni. Tvær stöðvar eru í Landspít-
ala við Hringbraut og var viðbót-
arstöð komið þar fyrir fyrir fáum
misserum.
Kostnaður við nýja varastöð
70–80 milljónir króna
Kostnaður við nýja varastöð í
Fossvogi, þ.e. með nýrri aðaltöflu
og spennistöð, er 70 til 80 milljónir
króna að sögn Ingólfs Þórissonar.
Hann segir spítalann hugsanlega
munu fara þá leið en einnig sé til
umræðu að semja við Orkuveitu
Reykjavíkur um að tryggja 100%
öryggi í orkuafhendingu sem myndi
þýða að OR myndi í raun fara hlið-
stæða leið með einhverjum hætti.
Munu fulltrúar spítalans og OR
ræða málið á fundi á morgun.
Ingólfur segir einnig í undirbún-
ingi að koma fyrir rafhlöðum á
skurð- og gjörgæsludeildum.
Myndu þær þá sjá deildunum fyrir
nauðsynlegu rafmagni í allt að
klukkustund, þ.e. fyrir ljós og allan
tækjabúnað deildanna. Segir hann
þetta líklega 5 til 10 milljóna króna
fjárfestingu og reyna eigi að ráðast í
hana á næsta ári. Þetta mál sé afar
brýnt.
Leitað verður leiða til að auka öryggi raforku á Landspítala í Fossvogi
Rafgeymar
varaaflstöðvar
orðnir of gamlir
SEX dagar eru nú þar til versl-
unarmiðstöðin Smáralind verður
opnuð og miðar framkvæmdum
ennþá samkvæmt áætlun. Þar
vinna nú daglega um 1.200 til
1.300 manns við ýmiss konar frá-
gang á verslunum, göngum, opn-
um svæðum, veitingastöðum, bíó-
sölum og frágang utandyra. Þegar
blaðamaður og ljósmyndari Morg-
unblaðsins litu við í Smáralind í
gær var mikið líf og fjör í bygging-
unni og sýnu mest í austari hluta
hússins þar sem m.a. Vetrargarð-
urinn, veitingastaðir og Smárabíó
eru. Þegar gengið var inn eftir
göngum þar sem verslanirnar eru
staðsettar var rólegra yfirbragð,
en þar keppast þó iðnaðarmenn og
verslunareigendur við að setja upp
innréttingar og raða í hillur í
hverju rými fyrir sig.
Sveinn Jónsson, byggingarstjóri
Smáralindar, segir að þegar tæp
vika sé til opnunar séu fram-
kvæmdir á góðu róli og ekkert fyr-
irsjáanlegt sem ætti að hindra að
tímasetningin standist. „Það er
verið að vinna að flestum verkþátt-
um sem lúta að frágangi, hvort
heldur það er að setja perur í ljós
eða frágang við lóðina. Byggingin
er svo stór að hún er orðin klár í
annan endann og þar er varla
nokkur maður en mannskapurinn
er allur kominn í hinn endann. Þá
er farið að keyra loftræstitækin og
hreinsa loftið í byggingunni.“
Að sögn Sveins hefur allt miðað
samkvæmt áætlun þó svo að at-
gangurinn sé mikill þessa síðustu
daga. „Ég skal nú svo sem við-
urkenna að endaspretturinn er
snarpari heldur en við hefðum vilj-
að að hann yrði. Ístak er með um
450 manns af þeim mannafla sem
er hérna og það er heldur meira
en þeir höfðu ætlað. En það er
ekki svo að við höfum ekki fulla
stjórn á þessu.“
Um 7–800 manns að störfum
í leigurýmum
Sveinn segir að nú vinni leigu-
takar hver við sitt rými en auðvit-
að sé farið að verða þröngt víða
um starfsfólk og iðnaðarmenn.
„Það er auðvitað farið að þrengja
að en byggingin er gríðarlega
stór, 64.000 fermetrar, þannig að
þó að mörg svæði séu klár og
löngu afhent og búið að raða inn
vörum, er töluvert pláss fyrir
þennan mannafla.“
Um 700 til 800 manns eru að
störfum hjá leigutökunum í leigu-
rýmunum þar sem unnið er að öll-
um verkþáttum á öllum stigum en í
Smáralind verða um 70 verslanir
og þjónustuaðilar. Margir leigu-
takar hófu í sumar að innrétta og
eru nú að fá úttektir byggingaryf-
irvalda og eldvarnareftirlits og
sumir komnir með starfsleyfi.
„Þannig að þar er starfsfólk að
koma inn til að fylla í verslanirnar
en í öðrum rýmum eru menn öðru
hvorum megin við þessi mörk. Það
eru nánast allir, sem á annað borð
byrjuðu að innrétta rými, að ná að
ljúka því. En það eru tvö rými þar
sem legið hefur fyrir í töluverðan
tíma að myndu ekki ná því, m.a.
vegna þess að þeirra hönnun og
innréttingar koma frá útlöndum
sem gerir að verkum að þeir opna
seinna í október.“
Að sögn Sveins er verið að inn-
rétta um 85% af leigurýmum þessa
dagana en því ætti öllu að vera
lokið 10. október. Þá ætti einnig
öllu sem snýr að almenningi að
vera lokið en vænta má þess að
einhver frágangur verði eftir í
tæknirýmum bakatil.
Frágangi miðar hratt
dag frá degi
Í nýrri verslun Kodak í Smára-
lind er innréttingu nánast að verða
lokið og forsvarsmenn verslunar-
innar bjartsýnir á að verslunin
verði tilbúin nokkru fyrir opnun.
Elín Agnarsdóttir, rekstrarstjóri
Kodak-verslananna, sagði fram-
kvæmdir hafa byrjað 1. júlí þegar
rýmið var afhent og síðan þá hafi
verði unnið markvisst að innrétt-
ingu verslunarinnar. Um 10 manns
hafa að staðaldri unnið á degi
hverjum við framkvæmdir í versl-
uninni en ekki hefur þurft að grípa
til þess að vinna jafnt að nóttu sem
degi.
Elín segir að þessa síðustu daga
sjáist ótrúlegur munur inni í bygg-
ingunni og frágangi miði hratt dag
frá degi. Þórður Skúlason, sem
hefur haft umsjón með fram-
kvæmdum í Kodak-versluninni,
tekur undir það og segist ekki
verða var við mikið stress hjá
verslunareigendum og ekki annað
fyrirsjáanlegt en allt verði tilbúið
þegar Smáralind verður opnuð að
sex dögum liðnum.
Sex dagar eru þar til verslunarmiðstöðin í Smáralind í Kópavogi verður opnuð
Elín Agnarsdóttir, rekstrarstjóri Kodak-verslan-
anna, Karl Sigurðsson, framkvæmdastjóri Kodak,
og Þórður Skúlason byggingarstjóri.
Sveinn Jónsson, byggingarstjóri Smáralindar, við
um 3.000 teikningar sem Ístak hefur notast við.
Ótaldar eru teikningar verktaka.
Morgunblaðið/Þorkell
Í stórverslun Debenhams hafa iðnaðarmenn unnið nær sleitulaust við smíði og frágang innréttinga frá því í apríl.
Í Vetrargarðinum vinna bæði tæki og hendur að frágangi fyrir opnun.
Snarpur
lokasprettur
við frágang
JÓN Kristjánsson, heilbrigðis-
og tryggingamálaráðherra,
hyggst á næstunni kalla saman
fulltrúa ýmissa aðila sem hafa
forvarnastarf á sinni könnu til
að meta hvort samræma megi
betur slík verkefni. Nefnir hann
fulltrúa landlæknisembættisins,
heilsugæslunnar, áfengis- og
vímuvarnaráðs og frjálsra sam-
taka sem starfa að forvörnum.
Heilbrigðisráðherra segir
fjölmarga aðila starfa að marg-
víslegum forvörnum. Land-
læknir og heilsugæslan séu þar í
fararbroddi og ýmis félög og
hópar sinni einnig ákveðnum
þáttum í forvörnum. Fram hafi
komið hugmynd um að koma á
fót forvarnamiðstöð og vilji hann
leiða saman fulltrúa sem flestra
aðila til að kanna þá leið. Ráð-
herra segir þessa hugmynd ekki
mótaða að ráði ennþá og fyrsta
skrefið sé að fara yfir alla þætti
forvarna, leita samræmingar,
koma í veg fyrir tvíverknað.
Vill kanna
aukna sam-
ræmingu
forvarna