Morgunblaðið - 26.10.2001, Side 4

FRÉTTIR
4 FÖSTUDAGUR 26. OKTÓBER 2001 MORGUNBLAÐIÐ
MEÐALATVINNUTEKJUR á
árinu 2000 svöruðu til 164 þúsund
króna til jafnaðar á mánuði. Atvinnu-
tekjur á mann hækkuðu um 9% frá
1999 til 2000 og kaupmáttur jókst um
3,8%. Frá árinu 1993 hefur kaupmátt-
ur fram
talinna atvinnutekna á mann vaxið
stöðugt, alls um 40,4%, sem er 5% til
jafnaðar á ári.
Þetta er meðal þess sem kemur
fram í nýju yfirliti frá Þjóðhagsstofn-
un um tekjur, eignir og dreifingu
þeirra árin 1999 og 2000. Þar kemur
einnig fram að atvinnutekjur kvenna
hækkuðu meira en atvinnutekjur
karla milli 1999 og 2000 eins og all-
mörg undanfarin ár eða um 10,3% á
móti 8,2%. Frá 1993 til 2000 hafa at-
vinnutekjur kvenna hækkað um 75%
og karla um 62%. Meðalatvinnutekjur
kvenna voru 55,3% af tekjum karla,
samanborið við 49,6% árið 1991.
Á árinu 2000 voru meðalráðstöfun-
artekjur hjóna/sambýlisfólks 295 þús-
und krónur á mánuði. Hækkun frá
fyrra ári nemur 7,7%. Skattbyrði
þeirra þyngdist nokkuð, fór úr 22% af
heildartekjum í 22,4%. Ráðstöfunar-
tekjur einstæðra foreldra námu að
meðaltali 137 þúsund krónum á mán-
uði. Árið áður voru þessar tekjur 125
þúsund krónur á mánuði og nemur
hækkun milli áranna 9,1%.
Atvinnutekjur á hvern íbúa 25-65
ára á höfuðborgarsvæðinu hækkuðu
um 9,6% milli áranna 1999 og 2000
samanborið við 5% utan þess. Frá
1995 hafa tekjur á höfuðborgarsvæð-
inu hækkað 11% meira en annars
staðar á landinu. Hæstar voru at-
vinnutekjur árið 2000 í sveitarfélög-
um á höfuðborgarsvæðinu sem eru í
Reykjaneskjördæmi, rúmum 7% yfir
landsmeðaltali. Hins vegar voru
tekjur Sunnlendinga lægstar, nær
10% undir landsmeðaltali.,
Greiðendur tekjuskatta að frá-
dregnum vaxta- og barnabótum voru
73,1% framteljenda 2000 en 71,5% ár-
ið 1999. Framteljendur með erlent
ríkisfang voru 7.057 á síðasta ári. Er-
lendum ríkisborgurum með atvinnu-
tekjur fjölgaði um 17,8% milli ára.
Meðalatvinnutekjur erlendra ríkis-
borgara voru um 70% af landsmeð-
altali.
Samantekt Þjóðhagsstofnunar á tekjum og eignum
Kaupmáttur atvinnutekna
jókst um 40,4% frá 1993
BORGARSTJÓRINN í Reykjavík,
Ingibjörg Sólrún Gísladóttir,
mun í dag kl. 17 afhenda Sam-
bandi íslenskra myndlistarmanna
(SÍM), uppgert hús við Hafn-
arstræti 16. Húsið er að stofni til
frá 1824 og er ætlunin að þar
verði miðstöð myndlistar á Ís-
landi. Afhendingin fer fram við
lok Myndlistarþings sem haldið
er í Listasafni Reykjavíkur þar
sem erindi verða haldin í
tengslum við yfirskrift þingsins,
myndlist í upplýsingasamfélagi.
Endurbygging
staðið yfir í rúmt ár
Endurbygging hússins hefur
staðið yfir í rúmt ár en við hana
var farið að langmestu leyti aft-
ur til þeirrar myndar sem húsið
fékk árið 1880 þegar þáverandi
eigandi hússins, M. Smith konsúll
og kaupmaður, eignaðist það og
rak þar Hótel Alexöndru. Á götu-
hæð var þó ákveðið að endurgera
innganginn á horni hússins frá
1904 með útskurði og tveimur
austustu verslunargluggunum og
freista þess að sýna þessi tvö
skeið í byggingarsögu hússins
saman. Eyjólfur Eiríksson eign-
aðist húsið árið 1908 og var það í
eigu hans og afkomenda hans til
ársins 1999 þegar Reykjavík-
urborg keypti húsið en þá hafði
það verið friðað í áratug.
Húsið er tvílyft timburhús með
risþaki, um 430 brúttófm að flat-
armáli, og er áætlaður kostnaður
við endurbygginguna 88 milljónir
króna. SÍM mun reka skrifstofu
sína og aðildarfélaga í húsinu og
skrifstofu Listskreytingasjóðs
ríkisins. Jafnframt verður salur
fyrir sýningar og fundi og þá
verður rekin þar gestavinnustofa
á vegum SÍM í samvinnu við
Listasafn Reykjavíkur. Einnig
verður í húsinu skrifstofa Mynd-
stefs, höfundaréttarsamtaka
myndhafa og Upplýsingamiðstöð
myndlistar (UMM) verður með
skrifstofu og gagnabanka um ís-
lenska myndlistarmenn og mynd-
list. Jafnframt er ráðgert að á
götuhæð verði opnað tölvuver og
safn með listaverkabókum fyrir
gesti og gangandi.
Meðal framkvæmda við húsið
má nefna að sökkulhleðsla undir
húsinu var endurgerð og styrkt.
Stærstur hluti burðarvirkis á
neðri hæð var endurnýjaður með
efni sömu stærðar og var áður,
auk þess sem notaðir voru tapp-
ar, trénaglar og sinklar að fyrri
tíðar tækni. Endurbæturnar mið-
uðust við að bæta húsið með til-
liti til eldvarna og aðgengis fatl-
aðra og var allt verkið unnið í
nánu samráði við Húsafrið-
unarnefnd ríkisins og Árbæj-
arsafn.
Sigfús Eymundsson/Þjóðminjasafn Íslands
Myndin er tekin um 1880 þegar Hótel Alexandra var rekið í húsinu og er
M. Smith fremst á myndinni. Fjær stendur veitingamaðurinn Jespersen.
Miðstöð
myndlistar í
aldagömlu húsi
Morgunblaðið/Árni Sæberg
Í endurgerðu húsinu í Hafnarstræti 16 er gert ráð fyrir að opnað verði
tölvuver og listaverkabókasafn fyrir gesti og gangandi.
FJÓRIR þingmenn stjórnarflokk-
anna, þau Hjálmar Árnason og Jón-
ína Bjartmarz, Framsóknarflokki,
og Pétur H. Blöndal og Þorgerður
K. Gunnarsdóttir, Sjálfstæðisflokki,
hafa lagt fram á Alþingi frumvarp
til laga um breytingar á lögum um
skyldutryggingu lífeyrisréttinda og
starfsemi lífeyrissjóða.
Með frumvarpinu er lagt til að
gerð verði sú breyting á lögum um
lífeyrissjóði að hverjum þeim sem
skylt er að eiga aðild að lífeyrissjóði
sé frjálst að velja sér sjóð til að
greiða í enda standist sjóðurinn all-
ar almennar kröfur og skilyrði um
rekstur lífeyrissjóða. Jafnframt er
gert ráð fyrir því að einstaklingar
geti flutt lífeyriseign sína á milli
sjóða en þó skuli líða að hámarki
fimm ár frá því að tilkynnt er um
flutninginn þar til hann getur átt
sér stað.
Segja skylduaðild starfs-
greina- og svæðisbundna
Í greinargerð með frumvarpinu
er áhersla lögð á að ekki sé gert
ráð fyrir því að hróflað verði við
skylduaðild að lífeyrissjóði. Hins
vegar sé gert ráð fyrir möguleikum
greiðenda til að velja sér lífeyr-
issjóð til að greiða í.
„Í dag má segja að skylduaðild
að lífeyrissjóðum sé starfsgreina-
og svæðisbundin. Einstaklingur er
þannig knúinn til að greiða í lífeyr-
issjóð sem tengdur er búsetu og
starfsgrein hans. Skiptir þar litlu
hvernig viðkomandi sjóður er rek-
inn eða ávaxtar eigur sínar. Mikill
munur er á hvernig einstökum sjóð-
um hefur lánast að ávaxta eigið fé
sitt. Samkvæmt yfirliti frá Fjár-
málaeftirlitinu spannar ávöxtun ein-
stakra lífeyrissjóða á árinu 1999 frá
því að vera neikvæð upp í 22%
ávöxtun. Þá er rekstrarkostnaður
einstakra sjóða afar mismunandi. Í
þessu má segja að felist nokkurt
óréttlæti gagnvart sjóðfélögum sem
í raun eru dæmdir til að bindast
einum tilteknum sjóði – óháð því
hvernig sá sjóður er í stakk búinn
til að tryggja hagsmuni lífeyris-
greiðandans,“ segir í greinargerð-
inni.
Einstakir sjóðir leggi
sig enn meira fram
Flutningsmenn segja hugsun
frumvarpsins þá að einstakir greið-
endur geti valið sjálfir hvaða lífeyr-
issjóði þeir treysti best fyrir lífeyr-
isréttindum sínum og framtíðar-
hagsmunum. Með því móti megi
ætla að einstakir sjóðir leggi sig
enn frekar fram um að gæta að-
halds í rekstri og freisti þess að ná
sem bestri ávöxtun á sjóði sína.
Hvort tveggja ætti að vera greið-
andanum í hag.
Þingmenn stjórnarflokka leggja til breytingar á lögum um lífeyrissjóði
Einstaklingar geti valið sjóði
LÖGREGLAN á Sauðárkróki
lagði í gærmorgun hald á loft-
skammbyssu sem fannst í
herbergi á heimavist Fjöl-
brautaskóla Norðurlands
vestra á Sauðárkróki.
Þetta var í þriðja skiptið á
þessu hausti sem lagt er hald
á vopn á lóð skólans. Áður
hafði verið lagt hald á loft-
skammbyssu og tvær hagla-
byssur.
Getur hæglega valdið
alvarlegum áverkum
Lögreglan lítur þetta mjög
alvarlegum augum. Loft-
byssur geti reynst hættuleg
vopn og geti hæglega valdið
alvarlegum áverkum og jafn-
vel fjörtjóni. Það sé mjög
ámælisvert ef foreldrar vita
af því að börn þeirra eru að
meðhöndla þessi vopn en láti
það afskiptalaust.
Loftskammbyssan sem
fannst í morgun var í her-
bergi 16 ára nemanda við
Fjölbrautaskólann. Foreldr-
um hans hefur verið gert við-
vart.
Fyrr í haust var lagt hald á
tvær haglabyssur sem tveir
ungir menn, 22 og 23 ára,
voru að handleika á lóð skól-
ans. Þá hafði lögregla fyrir
nokkru afskipti af 15 ára pilti
sem var með loftskammbyssu
á skólalóðinni.
Hald lagt
á loftbyssu
á Sauðár-
króki
Vettvangs-
rannsókn
að ljúka
VETTVANGSRANNSÓKN á
upptökum eldisins í húsi Lit-
bolta við Lund í Kópavogi er á
lokastigi samkvæmt upplýs-
ingum frá lögreglunni í Kópa-
vogi. Nokkuð er í að niður-
stöður liggi fyrir.
Húsið, sem er talið ónýtt,
brann á þriðjudagskvöld og
hófst rannsókn á eldsupptök-
um strax morguninn eftir. Í
gær voru þrír menn að störf-
um í brunarústunum, einn frá
lögreglunni í Kópavogi, annar
frá ríkislögreglustjóra og sá
þriðji frá Löggildingarstof-
unni.
Ekki er enn ljóst hve mikið
tjón varð í brunanum. Húsið
sjálft var þó talið frekar verð-
lítið en búnaður til að leika lit-
bolta er talsvert dýr.