Morgunblaðið - 26.10.2001, Page 19

AKUREYRI
MORGUNBLAÐIÐ FÖSTUDAGUR 26. OKTÓBER 2001 19
KÓR Félags eldri borgara á Ak-
ureyri syngur í Glerárkirkju á
morgun, laugardaginn 27. október,
kl. 17. Kórinn söng í Vest-
mannaeyjum í vor og nú í haust á
Dalvík og Ólafsfirði og hlaut hvar-
vetna góðar undirtektir. Söng-
skráin er fjölbreytt og skemmtileg,
kórsöngur, einsöngur og tvísöngur.
Stjórnandi kórsins er Guðjón Páls-
son. Aðgangseyrir er 1.000 krónur.
Tónleikar í
Glerárkirkju
FÉLAGAR í Samlaginu, list-
húsi, opna sýningu á nýjum
verkum m.a. leirlist, textíl og
málverkum, í Háskólabóka-
safninu á Akureyri, fyrsta vetr-
ardag 27. október kl. 15.00–
17.00. Sýningin stendur til 30.
nóvember og er opin alla virka
daga frá 08.00–18.00 og laug-
ardaga frá 12.00–15.00.
Það eru 10 norðlenskir lista-
menn sem reka í sameiningu
Samlagið listhús sem er í Lista-
gilinu á Akureyri.
Samlags-
menn í
háskólanum
GIFT (Greenland Iceland Finland
Together) nefndist norrænt sam-
starfsverkefni Myndlistarskólans á
Akureyri, Arts Academy Turku
Polytechnic í Finnlandi og Listaskól-
ans í Nuuk í Grænlandi. Markmiðið
með verkefninu er að stefna saman
listnemum þessara þriggja skóla til
að takast á við þverfagleg verkefni
sem tengjast menningu landanna.
Samstarfið hefur staðið yfir í þrjú á,
en í fyrra var GIFT l listasamvera í
Turku í Finnlandi.
Listnemarnir sem þátt taka í
verkefninu stunda dans, tónlist,
myndlist og hönnun. Að þessu sinni
var gerð viðamikil útfærsla á ragna-
rökum úti í íslenskri náttúru og verð-
ur afraksturinn sýndur í Ketilhúsinu
í kvöld, föstudagskvöldið 26. október
kl. 20.
Sýning
í Ketilhúsi
Norrænt verkefni
listnema
BANGSADAGUR verður á Amts-
bókasafninu á Akureyri á morgun,
laugardaginn 27. október, en um er
að ræða dag sem haldinn hefur verið
á norrænum bókasöfnum síðustu
fjögur ár. Bangsavinir völdu daginn
með tilliti til þess að hann er afmæl-
isdagur Theodore Roosevelt, fyrr-
verandi Bandaríkjaforseta.
Á Amtsbókasafninu verður sýning
á bangsabókum, almenningi gefst
kostur á að koma með bangsa sína til
sýningar, bangsasögustund verður
kl. 13 og þá verður boðið upp á
bangsanammi og bangsadagsget-
raun. Þá fá allir sem bera nöfn í lík-
ingu við björn (t.d. Björn, Birna,
Guðbjörn eða Bjarnfríður) felldar
niður sektir ef einhverjar eru sem og
ókeypis lán þennan dag.
Bangsadagur
á Amtsbóka-
safninu
LAUFÁSPRESTAKALL: Kirkju-
skóli í Svalbarðskirkju kl. 11 á morg-
un, laugardaginn 27. október.
Kirkjuskóli í Grenivíkurkirkju kl.
13.30 sama dag. Guðsþjónusta í
Grenilundi sunnudaginn 28. október
kl. 16. Kyrrðarstund í Svalbarðs-
kirkju kl. 21 á sunnudagskvöld.
Kirkjustarf
♦ ♦ ♦
♦ ♦ ♦