Morgunblaðið - 17.11.2001, Qupperneq 1

264. TBL. 89. ÁRG. LAUGARDAGUR 17. NÓVEMBER 2001 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 17. NÓVEMBER 2001
DONALD Rumsfeld, varnarmála-
ráðherra Bandaríkjanna, sagði í gær
að hundruð bandarískra sérsveitar-
manna tækju þátt í landhernaði í
Afganistan og hefðu fellt fjölda talib-
ana og liðsmanna hryðjuverkasam-
takanna al-Qaeda.
Misvísandi fregnir bárust af því í
gær hvort talibanar hefðu samþykkt
að hörfa frá borginni Kandahar, sem
verið hefur höfuðvígi þeirra.
Fréttastofan Afgan Islamic Press,
sem hefur bækistöðvar í Pakistan,
skýrði frá því síðdegis að leiðtogi tal-
ibana, múllinn Mohammed Omar,
hefði samþykkt að yfirgefa Kandah-
ar innan sólarhrings og fela leiðtog-
um tveggja Pastúna-ættbálka völdin
í borginni til að forða íbúum hennar
frá blóðsúthellingum.
Talsmaður bandaríska varnar-
málaráðuneytisins, John Stuffle-
beem, kvaðst ekki leggja trúnað á
þessar fregnir.
Donald Rumsfeld sagði á frétta-
mannafundi í þjálfunarbúðum
bandaríska flotans í Great Lakes í
Illinois í gær að hernaðaraðgerðir
bandamanna hefðu þrengt mjög að
starfsemi al-Qaeda og að liðsmönn-
um samtakanna væri sífellt meiri
hætta búin. Varnarmálaráðherrann
vildi ekki gefa upp hve margir
bandarískir hermenn tækju þátt í
landhernaði í Afganistan, en sagði að
þeir skiptu „hundruðum“. Sagði
hann að enn sem komið væri hefðu
engir Bandaríkjamenn fallið í að-
gerðunum.
Hernaðaraðgerðum bandamanna í
Afganistan var fram haldið í gær, á
fyrsta degi föstumánaðar múslima,
þrátt fyrir ákall ýmissa múslimaleið-
toga um að hlé yrði gert á árásum
meðan á ramadan stæði.
Atef sagður fallinn
Bandarískir embættismenn kváð-
ust í gær hafa „trúverðugar heim-
ildir“ fyrir því að Mohammed Atef,
næstráðandi Osama bin Ladens í al-
Qaeda-hreyfingunni, hefði fallið í
loftárás Bandaríkjahers suður af
Kabúl. Rumsfeld sagðist ekki geta
staðfest þessar fregnir, þótt sterkar
vísbendingar lægju fyrir.
Mohammed Atef er egpyskur að
uppruna og er talinn hafa kynnst
Osama bin Laden er þeir tóku þátt í
stríðinu gegn hersetu Sovétmanna í
Afganistan á níunda áratugnum.
Samkvæmt upplýsingum banda-
rísku leyniþjónustunnar hafði Atef
verið í innsta hring al-Qaeda frá
árinu 1996 og í janúar sl. giftist dótt-
ir hans einum sona bin Ladens.
Atef er meðal annars talinn hafa
tekið þátt í skipulagningu sprengju-
tilræðanna við sendiráð Bandaríkj-
anna í Tansaníu og Kenýa árið 1998,
auk hryðjuverkanna 11. september.
Hann er á lista yfir þá menn sem
bandaríska alríkislögreglan vill helst
koma höndum yfir og FBI hafði sett
5 milljónir dollara (rúmlega 500
milljónir króna) til höfuðs honum.
Donald Rumsfeld segir hundruð bandarískra hermanna berjast í Afganistan
Sérsveitir fella talibana
og liðsmenn al-Qaeda
Reuters
Bandarískur sérsveitarmaður gengur um meðal íbúa í Khoja Bahawuddin í Afganistan í gær.
Líklegt talið
að næstráðandi
bin Ladens hafi
fallið í loftárás
Kabúl, London, Washington. AP.
Bandarískt efnahagslíf
Mesti samdrátt-
ur frá árinu 1932
Washington. AP.
IÐNFRAMLEIÐSLA í Bandaríkj-
unum dróst saman í október, 13. mán-
uðinn í röð. Er það lengsta, óslitna
samdráttarskeiðið í þessari grein frá
því í kreppunni miklu. Margir spá
nýrri vaxtalækkun á næstu vikum.
Seðlabanki Bandaríkjanna til-
kynnti í gær, að framleiðslan hefði
minnkað um 1,1% í október en sam-
drátturinn var 1% í september. Hefur
ástandið ekki verið verra síðan 15
mánaða löngu samdráttarskeiði lauk í
júlí 1932.
Umsvifin í bandarísku efnahagslífi
hafa verið að minnka á öllu árinu og
við það bættust síðan alvarlegar af-
leiðingar hryðjuverkanna 11. septem-
ber. Hafa fyrirtæki brugðist við með
því að draga úr framleiðslu, stytta
vinnutímann og segja upp fólki. Ýms-
ir hagfræðingar spá því, að samdrátt-
urinn haldi áfram enn um hríð.
Smásöluverð lækkaði þó um 0,3% í
október, aðallega vegna lægra verðs á
jarðgasi og olíu. Með hliðsjón af því er
talið líklegt, að seðlabankinn muni
lækka vexti á fundi sínum 11. desem-
ber og það yrði þá í 11. sinn á árinu.
Traustsyfirlýsing við
þýsku ríkisstjórnina
Græningj-
ar héldu
tryggð við
Schröder
Berlín. AP.
TRAUSTSYFIRLÝSING við stjórn
Gerhards Schröders, kanslara
Þýskalands, var samþykkt með
naumum meirihluta í neðri deild
þýska þingsins í gær.
336 þingmenn af 666 samþykktu
traustsyfirlýsinguna, 326 voru henni
andvígir og fjórir sátu hjá.
Traustsyfirlýs-
ingin fól einnig í
sér stuðning við
þátttöku 3.900
þýskra hermanna
í herförinni gegn
hryðjuverka-
starfsemi, en
Schröder boðaði
til atkvæða-
greiðslunnar eftir
að nokkrir stjórn-
arþingmenn úr röðum græningja
höfðu hótað að leggjast gegn því.
Schröder hefði raunar getað treyst á
stuðning Kristilegra demókrata við
þátttökuna í hernaðaraðgerðunum,
en var reiðubúinn að standa og falla
með því að stuðningur reyndist
nægilegur innan stjórnarinnar
sjálfrar.
Þegar til kom voru það aðeins fjór-
ir þingmenn græningja sem sátu hjá
og stjórnin hélt því velli. Einn þing-
maður úr Jafnaðarmannaflokki
Schröders greiddi atkvæði gegn
traustsyfirlýsingunni, en sam-
steypustjórn jafnaðarmanna og
græningja hefur 16 manna meiri-
hluta á þinginu.
Schröder lýsti að vonum ánægju
með niðurstöðu atkvæðagreiðslunn-
ar. „Þetta var mikilvægt fyrir mig,
vegna þess að nú er ljóst að stjórn-
arsamstarfið heldur þótt í harð-
bakka slái,“ sagði kanslarinn við
fréttamenn í gær.
Þýsku hermennirnir 3.900 munu
einungis aðstoða við að skipuleggja
og veita neyðaraðstoð til afgönsku
þjóðarinnar og koma ekki til með að
taka þátt í átökum.
Gerhard
Schröder
TIL átaka kom milli Palestínu-
manna og ísraelskra hermanna í
Ramallah á Vesturbakkanum í gær,
við upphaf föstumánaðar múslima,
ramadan.
Palestínumenn stóðu fyrir mót-
mælum í nokkrum borgum í gær,
en þau fóru yfirleitt friðsamlega
fram. Í Ramallah tóku mótmæl-
endur þó að kasta steinum að ísr-
aelskum hermönnum, sem svöruðu
með táragasi.
Reuters
Starfsmenn Rauða hálfmánans flytja palestínskan mótmælanda, sem
slasaðist í átökum við ísraelska hermenn í Ramallah, brott af vettvangi.
Átök við upp-
haf ramadan
Jerúsalem. AP.