Morgunblaðið - 17.11.2001, Page 61

FRÉTTIR
MORGUNBLAÐIÐ LAUGARDAGUR 17. NÓVEMBER 2001 61
Handverksmarkaðurinn
í dag laugardag kl. 11-16 • Gjafirnar eru hjá okkur !
Baráttufundur
tónlistarskóla-
kennara
TÓNLISTARSKÓLAKENNARAR
í Félagi tónlistarskólakennara og
Félagi íslenskra hljómlistarmanna
standa fyrir baráttufundi í aðalsal
Háskólabíós sunnudaginn 18. nóv-
ember kl. 14.
Fjölmörg tónlistaratriði verða á
dagskránni. Sinfóníuhljómsveit Ís-
lands, Karlakór Reykjavíkur, Karla-
kórinn Fóstbræður, einsöngvarinn
Ólafur Kjartan Sigurðarson, Stór-
sveit Reykjavíkur og KK.
Ávörp á fundinum: Eiríkur Jóns-
son, Sigrún Grendal Jóhannesdóttir
og Björn Th. Árnason.
Heiðursgestir verða Rögnvaldur
Sigurjónsson, Guðmundur Jónsson,
Ágúst Einarsson og Þórólfur Þór-
lindsson. Kynnir verður Helga
Braga Jónsdóttir leikkona.
LEIÐRÉTT
Rangt föðurnafn
Í minningargrein um Sæmund
Guðmundsson 16. nóvember sl. var
faðir hans sagður Þórarinsson. Hið
rétta er að hann hét Guðmundur
Þórarinn og var Tómasson. Beðist
er velvirðingar á þessum mistök-
um.
Phenergan flokkað
sem ofnæmislyf
Í blaðinu í gær, föstudag, var
sagt frá dómi Hæstaréttar þar sem
staðfestur var gæsluvarðhaldsúr-
skurður Héraðsdóms Norðurlands
eystra yfir síbrotamanni. Meðal
mála á hendur manninum er inn-
brot í Sæþór EA-101 þar sem lyf-
inu phenergan var stolið. Lyfið er
kallað deyfilyf í dómi Hæstaréttar
og verkjalyf í úrskurði héraðsdóms.
Var síðara heitið notað í frétt
blaðsins. Í kjölfar ábendingar les-
anda var lyfinu slegið upp á net-
doktor.is, þar sem það er flokkað
sem ofnæmislyf. Segir á vefnum að
lyfið sé notað gegn spennu og kvíða
og minniháttar taugaveiklun og
einnig gegn áfengissýki, svefntrufl-
unum og óróa. Einnig sem róandi
lyf fyrir smávægilega uppskurði og
fl. Leiðréttist þetta hér með.
Athugasemd frá Tálkna ehf.
MORGUNBLAÐINU hefur borizt
eftirfarandi athugasemd frá Hlyni
Ársælssyni fyrir hönd Tálkna hf., út-
gerðar Bjarma BA frá Tálknafirði.
Athugasemdin er vegna skrifa inn-
herja í Viðskiptablaði Morgunblaðs-
ins síðastliðinn fimmtudag:
„Ég var að lesa frétt þína varðandi
ráðstöfun útgerðar Bjarma BA 326 á
kvóta skipsins. Ég hefði viljað benda
þér á að rangar ályktanir eru dregn-
ar af þeim tölum sem þú hefur skoð-
að á vefnum. Það er algjörlega and-
stætt markmiðum útgerðar Bjarma
BA að leigja frá sér aflaheimildir.
Ástæður fyrir færslum af bátnum
undanfarið eru góðar og gildar og
aðeins tímabundnar, en ekki fram-
kvæmdar í ágóðaskyni.
Á síðasta ári voru leigðar inn á
Bjarma BA 326 aflaheimildir fyrir
sem svarar til tæpra 36 milljóna og
inn á önnur skip vegna kvótaskuldar
um 5 milljónir króna. Gert er ráð fyr-
ir að leigðar verði inn heimildir fyrir
mun hærri upphæð í ár eða fyrir allt
að 120 milljónir króna.
Ástæður þess að aflaheimildir
hafa verið færðar af bátnum frá 1.
september eru eftirfarandi: Annars
vegar var verið að færa til baka yfir á
annað skip aflaheimildir sem til-
heyra byggðakvóta Vesturbyggðar,
en útgerðin er ekki lengur aðili að
þeim samningi, ekki var því um að
ræða greiðslu fyrir þann kvóta.
Þessar eftirstöðvar námu sem svar-
ar 63 tonnum í þorskígildum. Hins
vegar varð útgerðin að leigja frá sér
tímabundið, ég endurtek, tímabund-
ið nokkra tugi tonna af þorski til að
standa skil á afborgunum lána. 35
tonn af þorski voru leigð inn á skipið
í gær þannig að staðan í þorski er þá
tæp 40 tonn í mínus í þorski, og inn-
an fárra vikna mun meira hafa verið
leigt inn á skipið heldur en út af því.
Hluta af kvóta í steinbít, ufsa og
karfa hefur verið skipt upp í þorsk.
Ekki er því um að ræða að útgerð
skipsins sé að braska með kvóta. Ég
vil því vinsamlegast biðja þig um að
leiðrétta þessa frétt þar sem hún er
mjög skaðleg okkar málstað.“
Sýning á
skipulagstillögum
TILLÖGUR og niðurstöður ramma-
skipulags fyrir Halla, Hamrahlíðar-
lönd og suðurhlíðar Úlfarsfells,
verða til sýnis á 2. hæð Kringlunnar
næstu daga. Sýningin verður opnuð
í dag og stendur til 30. nóvember.
Þar gefst borgarbúum tækifæri
til að kynna sér tillögur þeirra sex
hópa sem tóku þátt í gerð saman-
burðartillagna fyrir svæðið ásamt
umsögn og niðurstöðu rýnihóps á
vegum Borgarskipulags Reykjavík-
ur. Tillaga Björns Ólafs og V.A.
arkitekta var valin best af rýnihópn-
um.
Námstefna um
jafnvægi starfs
og einkalífs
TÆPLEGA 400 konur úr starfsliði
Íslandsbanka hvaðanæva af landinu
hafa skráð sig á námstefnu fyrir kon-
ur í starfsliði bankans í dag, laugar-
daginn 17. nóvember, kl. 10–16 á
Grand hóteli í Reykjavík.
Námstefnan er liður í stefnu Ís-
landsbanka í jafnræðismálum, en
meðal markmiða hennar er að ná há-
marksnýtingu mannauðs fyrirtækis-
ins og huga að jafnvægi á milli starfs
og einkalífs. Sambærileg námstefna
var haldin fyrir ári undir sömu yfir-
skrift: Virkjum það afl sem í okkur
býr! Tilgangur námstefnunnar er að
hvetja konur í starfsliði bankans til að
efla og skapa sjálfum sér þær aðstæð-
ur og eiginleika sem skipta mestu
máli við að mæta áskorunum í starfs-
umhverfi nútímans.
Á námstefnunni verður m.a. fjallað
um mikilvægi aukins sveigjanleika í
starfi, tengsl árangurs og tilfinninga-
greindar, hvernig tilfinningagreind
nýtist í starfi og hvort hægt sé að
rækta hana með sér. Efnið tengist
niðurstöðum stefnumótunar Íslands-
banka sem nú er í framkvæmd.
Einnig munu fara fram umræður
um jafnvægi starfs og einkalífs, fram-
sögu hafa Halldóra Ólafsdóttir geð-
læknir, Hulda Dóra Styrmisdóttir,
framkvæmdastjóri markaðs- og kynn-
ingarmála Íslandsbanka, og Ása
Magnúsdóttir, lánasérfræðingur úti-
bús Íslandsbanka við Lækjargötu. El-
ín Hirst fréttamaður mun stýra um-
ræðunum. Af 850 starfsmönnum
Íslandsbanka eru 580 konur og verða
því um 70% kvenna í starfsliði bankans
samankomnar á þessari námstefnu.
JÓLAHLAÐBORÐ, smáréttahlað-
borð og kaffihlaðborð er meðal
þess sem gleðja mun augu og
bragðlauka gesta á 25 ára afmæl-
ishátíð Gaflsins í Hafnarfirði
sunnudaginn 18. nóvember nk.
Fyrir veislunni stendur Jón
Pálsson veitingamaður, sem
stofnaði Gaflinn árið 1975 og hef-
ur rekið veitingastaðinn sam-
fleytt sl. aldarfjórðung. Á löngum
rekstrarferli hefur Gaflinn
hrundið af stað ýmsum nýjungum
í veitingarekstri, segir í frétta-
tilkynningu.
Afmælishátíðin stendur frá
klukkan 15 til 17 á sunnudag, en
auk veitinga munu tónlistarmenn-
irnir Guðmundur Steingrímsson
og Karl Möller leika af fingrum
fram. Gestum verður boðið að
þiggja kræsingar af hlaðborðum
klukkan 15:30. Allir eru velkomn-
ir á meðan húsrúm leyfir.
Afmælishátíð Gaflsins
í Hafnarfirði
JÓLAKORT Íþróttasambands fatl-
aðra er komið út. Að þessu sinni
hannaði Kristín Rós Hákonardóttir
kortið, sem gefið er út til styrktar
íþróttastarfsemi fatlaðra á Íslandi.
Aðildarfélög ÍF hafa hafið sölu á
kortunum.
Jólakort ÍF
komin út
EYSTRASALTSKEPPNIN í stærð-
fræði, sú 12. í röðinni, var haldin í
Hamborg dagana 2.-6. nóvember
síðastliðinn. Að þessu sinni tóku 11
þjóðir þátt í keppninni. Auk Eystra-
saltsríkjanna þriggja og Norð-
urlandaþjóðanna kepptu Pólverjar
og Þjóðverjar. Auk þess var liði frá
Ísrael boðið að taka þátt í keppninni
að þessu sinni. Keppendur eru allir
í menntaskólum.
Keppnin er að því leyti óvenjuleg
að keppendur, fimm frá hverri þjóð,
mega hafa samvinnu sín á milli um
lausn dæma. Íslenska liðið skipuðu
þau Sigurður Örn Stefánsson úr
Menntaskólanum á Akureyri og
Ragnheiður Helga Haraldsdóttir,
Eyvindur Ari Pálsson, Þorbjörn
Guðmundsson og Höskuldur Pétur
Halldórsson öll úr Menntaskólanum
í Reykjavík. Þessi hópur raðaði sér í
efstu sætin í forkeppni í stærð-
fræðikeppni framhaldsskóla sem
haldin var um miðjan október.
Gestirnir frá Ísrael sigruðu með
fullt hús stiga og hefur það aldrei
gerst áður. Í öðru sæti voru Eist-
lendingar og Lettar og Norðmenn
jafnir í 3.-4. sæti. Eins og svo oft áð-
ur lentu Íslendingar aftast, en þó
munaði litlu á þeim og Svíum, sem
fengu einu stigi meira (af 100) og
Finnum sem voru litlu ofar. Danir
voru svo þar á undan.
Íslenska liðið leysti dæmi úr öll-
um hlutum keppninnar. Hún skipt-
ist í talnafræði, rúmfræði, talning-
arfræði og algebru og leystu
Íslendingar tvö dæmi af hverju
sviði. Í rúmfræðinni stóðu þeir sig
einna best Norðurlandabúa.
Næsta ár verður keppnin haldin í
Tartu í Eistlandi. Til gamans kemur
hér eitt dæmi úr keppninni:
Átta dæmi voru samin fyrir próf.
Sérhver nemandi fékk þrjú þeirra.
Engir tveir nemendur fengu meira
en eitt sameiginlegt dæmi. Hver er
stærsti mögulegi fjöldi nemenda?
Stærðfræðikeppni
í Hamborg lokið
Ganga og fundir á
vegum Útivistar
GENGIÐ verður á vegum Útivistar
sunnudaginn 18. nóvember frá Kald-
árseli, yfir Helgafell og meðfram
Valabóli og komið niður að Kaldár-
seli aftur. Fararstjóri Gunnar Hólm
Hjálmarsson. Brottför frá BSÍ kl. 13.
Mánudaginn 19. nóvember verður
kynningarfundur fyrir unglinga á
Hallveigarstíg 1 kl. 20. Stefnt er að
ferðum eingöngu ætluðum ungling-
um auk þess sem sérfararstjóri yrði í
sumum ferðum. Einnig kynnir Helga
Harðardóttir félagsstarf.
Gönguferð á
Reykjanesi
FERÐAFÉLAG Íslands efnir til
gönguferðar á Reykjanesi sunnu-
daginn 18. nóvember kl. 10.30.
Gangan hefst við Hrútagjár-
dyngju, gengið sem leið liggur að
Fjallinu eina. Fararstjóri verður
Hjalti Kristgeirsson. Þetta er um 3 –
4 klst. ganga. Lagt verður af stað frá
BSÍ kl 10.30 með viðkomu í Mörkinni
6 og austan við kirkjugarðinn í Hafn-
arfirði.
Safna gleraugum
til að senda
til Indlands
VINIR Indlands verða með söfnun á
notuðum gleraugum í Kolaportinu
dagana 17. og 18. nóvember. Gleraug-
un á að senda til Indlands, en þar er
unnið að því m.a. að setja upp sjón-
miðstöðvar. Augnlæknar og hjúkrun-
arfólk ferðast á milli fátækra þorpa,
kanna augu og sjón fólks, gera minni-
háttar aðgerðir og útdeila gleraugum
til þeirra sem þurfa. Tekið verður við
gleraugum nálægt austurinngangi
(sömu megin og lögreglustöðin er),
segir í fréttatilkynningu.
ÍF gefur út
geisladisk
ÍÞRÓTTASAMBAND fatlaðra hef-
ur gefið út geisladiskinn „Jólin eru
að koma“ til eflingar íþróttastarfi
fatlaðra.
Á diskinum eru gömul og sígild
jólalög, en auk þess eru tvö ný frum-
samin jólalög frá hljómsveitunum
Buttercup og Í svörtum fötum.
Hljómsveitirnar gáfu lögin og vinnu
sína. Diskurinn verður seldur í sím-
sölu, auk þess sem hann verður seld-
ur í verslunum Skífunnar og Rúmfa-
talagersins. Vefsíða félagsins er
isisport.is/if.
Íþróttasamband fatlaðra er útgef-
andi geisladisksins og allur ágóði
rennur til starfsemi sem fram fer á
vegum ÍF, segir í fréttatilkynningu.
Stofnun Samtaka
tónlistarskólastjóra
SAMTÖK tónlistarskólastjóra á
landsbyggðinni, STÁL, verða stofn-
uð sunnudaginn 18. nóvember í sal
Tónlistarskóla Seltjarnarness.
Þessi samtök munu fyrst og fremst
standa vörð um hagsmuni og sér-
áherslur tónlistarskóla á landsbyggð-
inni og annarra tónlistarskóla sem
reknir eru af sveitarfélögum. Einnig
munu samtökin vinna að þróun
kennsluhátta og hverju því sem lýtur
að eflingu tónlistarskólanna í skóla-
samfélaginu og menntun þjóðarinnar.
Samtökin munu leitast við að starfa
náið með Samtökum tónlistarskóla-
stjóra, STS, og styðja þau samtök í
þeim málaflokkum sem við á hverju
sinni. Á stofnfundinum verður farið
yfir þessi máefni sveitarfélagsrekinna
tónlistarskóla, kosin fyrsta stjórn
STÁL og samþykkt ályktun stofn-
fundar. Síðan er fyrirhugað að af-
henda þá ályktun á baráttufundi tón-
listarskólakennara sem fram fer í
Háskólabíói kl. 14 sama dag.
Kökubasar
Kvenfélags
Hallgrímskirkju
KVENFÉLAG Hallgrímskirkju
stendur fyrir kökubasar í Garðheim-
um í Mjódd sunnudaginn 18. nóvem-
ber kl. 13-17. Kvenfélagið afhenti
sóknarnefnd Hallgrímskirkju nýjan
skírnarfont að gjöf fyrr í þessum
mánuði og verður hann vígður á
fyrsta sunnudegi í aðventu í messu
klukkan 11.
Skírnarfonturinn er gerður af
Leifi Breiðfjörð listamanni og gefinn
af kvenfélagi kirkjunnar og er köku-
basarinn liður í fjáröflun fyrir þess-
ari gjöf. Kaffi og rjómavöfflur, segir í
fréttatilkynningu.