Morgunblaðið - 28.03.2002, Síða 11

dregin inn og haldið að Hvammi, en
þangað var um tuttugu mínútna sigl-
ing. Þegar þangað kom var lagt all-
langt frá landi sökum grynninga, en
lágsjávað var. Jafnframt var hafist
handa við að ferma léttbátinn síldar-
mjölssekkjum sem Einar og Jóhann-
es reru að landi til losunar. Þetta var
bæði erfið og seinleg vinna. Þannig
fóru þeir þrjár ferðir.
Á meðan á þessu stóð hafði vindur
aukist og frostið hert. Eftir að hafa
losað sig við síðasta farminn héldu
þeir frá landi og fram að Konráði, þar
sem Jóhann skipstjóri beið þeirra.
Einar og Jóhannes höfðu skammt
farið þegar þeim varð litið upp og inn
með landi. Þá sjá þeir gríðarlegan
stormsveip koma æðandi að þeim og
skipti það engum togum að hann
skall á léttbátnum sem lagðist á hlið-
ina og fyllti á augabragði, stafna á
milli. Einar og Jóhannes náðu að
hanga á bátnum, en að láta við svo bú-
ið standa hefði orðið beggja bani.
Enginn bátur var í landi sem nota
mátti til björgunar, hvass vindur stóð
af landi, frostið herti og frá Konráði
varð ekki séð hvað gerst hafði.
„Syntu, syntu í land, drengur“
Haustið 1946 var haldið þriggja
mánaða vélstjóranámskeið í Stykkis-
hólmi. Það sóttu tuttugu ungir og
vaskir menn af svæðinu frá Patreks-
firði og allt til Reykjavíkur, þar á
meðal var Einar, vélstjóri á Konráði.
Á þessu námskeiði var gerð sú krafa
til nemenda, að þeir væru vel að sér í
sundi. Var því allur hópurinn sendur
að Reykholti í Borgarfirði, þar sem
hans beið strangt sundnám um
tveggja vikna skeið.
– – –
Þar sem þeir Einar og Jóhannes
héldu sér dauðahaldi í hálfsokkinn
bátinn hljómaði skyndilega rödd í
huga Einars sem sagði skýrt og
ákveðið: „Syntu. Syntu í land, dreng-
ur.“ Við syndum í land hrópaði hann í
eyra Jóhannesar og sem einn maður
slepptu þeir tökum sínum og hófu
sund til lands, upp á líf og dauða.
Þeim fannst sem hvert mínútubrot
væri heil eilífð, þar sem þeir börðust
gegn vindbárunni í helköldum sjón-
um, klæddir óþjálum vinnufötum og
stígvélum. Með því að beita til hins
ýtrasta öllum sínum kröftum meðvit-
uðum og ómeðvituðum náðu þeir loks
landi, aðframkomnir. En þá tók lítið
betra við.
Þá bar að landi við snarbrattan
klett, þrotnir kröftum. Einar náði
handfestu með annarri hendi en með
hinni hélt hann í öxl Jóhannesar, sem
hæglega gat orðið útsoginu að bráð.
Þeir sem í landi voru sáu hvað gerst
hafði og flýttu sér til hjálpar eins og
þeir frekast máttu, en á leið sinni
fram að skipbrotsmönnunum urðu
menn að vaða sjó upp undir hendur.
Þar fór Karl bóndi í Hvammi fremst-
ur. Björgun Einars og Jóhannesar
gekk vel og beið þeirra aðhlynning og
þurr föt heima í Hvammi, en léttbát-
urinn Samma, hvarf í sortann og
sjávarlöðrið og hefur aldrei sést síð-
an.
Það er af Jóhanni skipstjóra að
segja að þegar skipsmenn hans skil-
uðu sér ekki varð honum ljóst að eitt-
hvað hafði farið úrskeiðis. Ákvað
hann að halda til baka út að Haga, ef
ske kynni að hann kæmist þar í sam-
band við fólk sem vissi hvað gerst
hefði. Eftir nokkra dvöl í Hvammi
ákváðu Einar og Jóhannes að fara
fótgangandi að Haga, í von um að Jó-
hann biði þeirra þar, sem og var. En í
Haga var enginn bátur tiltækur svo
komast mætti fram í Konráð. Myrkur
var að skella á og komið vonsku veð-
ur. Ákvað skipstjórinn við svo búið að
halda til Flateyjar og bíða næsta
dags. Um hádegi daginn eftir var
Konráð BA aftur kominn að Haga að
sækja vélstjórann og hásetann,
heimta úr helju.
Að áliðnum sama degi var Konráð
lagstur að bryggju í Flatey, þar sem
hann tók olíu og lestaði vöru sem fara
átti „uppá nes“ daginn eftir.
Það var komin stilla og himinhvolf-
ið skartaði þúsundum stjarna. Eld-
rautt hákarlatungl lyfti sér yfir
Skálanesið og lagði rauðan slóða sinn
fram spegilsléttan Breiðafjörðinn.
Vélstjórinn á Konráði lét hráolíuna
renna úr digrum stáltunnum í iður
Konráðs um leið og hann þakkaði í
huga sínum forsjóninni fyrir sund-
námið í Reykholti.
Höfundur er fyrrverandi aðalgjaldkeri.
MORGUNBLAÐIÐ FIMMTUDAGUR 28. MARS 2002 D 11
SÍMINN-BREIÐBAND hefur gert
samstarfssamning við bandaríska
hátæknifyrirtækið Narad Net-
works um tilraunaverkefni sem fel-
ur í sér byltingarkennda lausn í
gagnaflutningum á Breiðbandinu,
að því er fram kemur í frétt frá Sím-
anum.
Narad Networks er hátæknifyr-
irtæki sem stofnað var fyrir tveim-
ur árum og þróar og vinnur að
lausnum sem auka flutningsgetu á
kapalkerfum með nýrri tækni og
þjónustu. Heiðrún Jónsdóttir, for-
stöðumaður upplýsingasviðs Sím-
ans, segir að sem dæmi megi nefna
að flutningsgetan á breiðbandi við
þessa tækni aukist úr 10 megabitum
í 100 megabita sem margfaldi
möguleika Breiðbandsins en um
helmingur heimila á höfuðborg-
arsvæðinu hafi nú aðgang að breið-
bandinu. Hún segir að hægt sé að
auka notkun á hefðbundnum sjón-
varpsstrengjum og með þeirri
tækni sem Narad bjóði hafi komið í
ljós að breiðbandskerfi Símans sé
kjörið.
„Með því að nýta okkur tæknina
frá Narad þurfum við ekki að leggja
ljósleiðara úr götuskáp og inn í hús-
in heldur eru nýttar lagnir frá götu-
skáp, sem eru til staðar, auk þeirra
lagna sem eru á heimilum. Gild-
istími samningsins er tveir mánuðir
en tilraunin hefst í júní en að henni
lokinni verður metið hvort hægt
verði að bjóða þessa þjónustu.“
Heiðrún segir að í fyrstu verði
gerðar tilraunir með 100 megabita
á sekúndu, tengingar í báðar áttir,
en í framtíðinni verður búist við
tengingum með 1000 megabitum á
sekúndu en það sé stóraukinn hraði
miðað við það sem nú þekkist á
markaðnum. „Til viðmiðunar má
nefna að langalgengasti hraði í
ADSL fyrir heimili er 0,25 megabit-
ar á sekúndu, og mesta flutnings-
geta ADSL er 8 megabitar á sek-
úndu. Með þeirri aðferð sem Narad
býður má búast við því að mögu-
leikar breiðbandsins til að mæta öll-
um fyrirsjánlegum þörfum heimila
á fjarskipta- og afþreyingarþjón-
ustu verði tryggðir til framtíðar.“
Tilraun með stór-
aukna flutningsgetu
um breiðbandið
Morgunblaðið/Golli
Heiðrún Jónsdóttir, Þór Jes Þórisson, framkvæmdastjóri breiðbands-
sviðs, og Johan Bergström, yfirmaður markaðsmála Narad Networks.
INNLENT