Morgunblaðið - 31.03.2002, Side 18

18 SUNNUDAGUR 31. MARS 2002 MORGUNBLAÐIÐ
Þessa frábæru og vinsælu
EMMALJUNGA BARNAVAGNA
sem hægt er að breyta í kerru
eigum við í mörgum litum og gerðum.
Einnig eigum við EMMALJUNGA
BARNAKERRUR
í mörgum litum og gerðum.
VARÐAN EHF.
Grettisgötu 2, sími 551 9031
Netfang: vardan@vardan.is
Heimasíða: www.vardan.is
og vó 49 pund blóðgaður“, eins og þá
var sagt í blöðum. Hann er enn talinn
stærsti lax sem hér hefur veiðst.
Romm og portvín
„Í dag geta Reykvíkingar fengið
sér á pelann fyrir lítið,“ segir Tíminn
1. apríl 1960. Um var að ræða romm
og portvín sem tekið hafði verið af
smyglurum á bannárunum, um 1920,
en var orðið fyrir í geymslum Áfeng-
isverslunarinnar. Kaupendur áttu að
koma sjálfir með ílát og var áfengið
selt á mun lægra verði en þá þekktist.
Í lok fréttarinnar er fólk hvatt til að
bregðast skjótt við vegna þess „að
þetta kostaboð stendur aðeins í dag,
1. apríl“.
Næsta dag segir blaðið að margir
hafi arkað „með koppa og kyrnur nið-
ur í Nýborg til þess að ná sér í leka“
en afgreiðslumennirnir orðið hvumsa
við.
Kafbátur til gæslustarfa
„Fyrsti íslenski kafbáturinn hefur
verið keyptur til landsins, kb. Eld-
ing,“ segir Vísir 1. apríl 1963. Það er
Landhelgisgæslan sem er að fá þetta
skip sem á að koma landhelgisbrjót-
um á óvart, enda ganghraði neðan-
sjávar yfir 20 mílur „svo breskir tog-
arar eiga sér ekki undankomu auðið“.
Kafbáturinn lá við Ingólfsgarð og var
almenningi til sýnis síðar þennan dag.
Næsta dag sagði Vísir að margir
hefðu ætlað að skoða skipið en ekki
fundið annað en „gamlan færeyskan
dall sem var að taka beitu“.
Eldflaugarskot innanbæjar
Sumarið 1964 var von á frönskum
vísindamönnum sem ætluðu að skjóta
upp eldflaugum af Mýrdalssandi til
rannsókna á gufuhvolfinu. Vísir segir
frá því 1. apríl 1964 að Frakkarnir séu
komnir til landsins og muni skjóta
upp lítilli tilraunaeldflaug af Skóla-
vörðuholti síðdegis þennan dag. Með
vísindamönnunum í för var blaðamað-
urinn Bouffon frá vikuritinu Paris
Match, sem „stjórnaði hinum fræki-
lega leiðangri þegar Frakkarnir
gengu fyrstir á land í Surtsey“ í des-
ember árið áður. Leiðangursstjórinn
sagði blaðamanni Vísis að ef allt gengi
vel yrði áhorfendum boðið til kampa-
vínsfagnaðar um borð í frönsku skipi
sem þá var í höfn.
„Fjöldi fólks fór að horfa á eld-
flaugina,“ sagði Vísir daginn eftir.
„Kom það flatt upp á marga þegar
þeir sáu að allt var með kyrrum kjör-
um á grasfletinum við Leifsstyttu.“
Ísbjörninn á jakanum
Á hafísárunum, sennilega 1966 eða
1967, birtist fréttaauki í Ríkisútvarp-
inu 1. apríl þar sem fréttamaður fór út
á ísinn við Grímsey til að taka upp
öskur í hvítabjörnum. Í lokin söng
Egill Jónsson bóndi á Flæðiskeri Ís-
bjarnarsönginn og Karlakór Kol-
beinseyjar tók undir í viðlaginu „húl-
aba labba la“ eins og frægt varð.
Stefán Jónsson fréttamaður, sem
átti þátt í þessu gabbi ásamt Árna
Gunnarssyni og fleirum, segir frá því í
Morgunblaðinu 1. apríl 1990 að sumir
hafi ekki áttað sig á gríninu, þeirra á
meðal Þórbergur Þórðarson rithöf-
undur sem vildi ekki trúa því að
ábyrgur fréttamaður væri að ljúga að
fólki.
Geimskip yfir Ísafirði?
Eins og sést af þessari samantekt
hafði Þjóðviljinn eitt dagblaða ekki
tekið þátt í að gabba lesendur á fyrstu
árum slíks leiks í íslenskum fjölmiðl-
um. En 1. apríl 1967 birtist á forsíðu
blaðsins frétt sem ber öll merki apr-
ílgabbs, enda þótt blaðinu hafi ekki
þótt ástæða til að draga hana til baka.
Fyrirsögnin er: „Geimskip yfir Ísa-
firði?“ Með fylgir mynd sem sagt er
að hafi verið tekin 17. október árið áð-
ur en ekki komist í hendur ljósmynd-
arans fyrr en í lok mars. Ástæðan var
sú að þegar hann varð var við und-
arlega hluti yfir fjarðarbotninum og
smellti myndum af þeim sneri hann
sér til lögreglunnar á Ísafirði sem bað
hann að afhenda sér filmuna og hafa
hljótt um atburðinn. Síðar kom í ljós
að filman hafði verið send utanríkis-
ráðuneytinu sem „skilaði henni beint í
hendur yfirmanna hernámsliðsins á
Keflavíkurflugvelli“ eins og blaðið
segir. Þjóðviljinn hneykslast á þessu
ferðalagi filmunnar og þeirri leynd
sem var viðhöfð.
Nýlenda á Mallorca
Vísir segir frá því 1. apríl 1968 að ís-
lenska ríkið hafi fest kaup á þriðja
hluta hinnar vinsælu eyjar Mallorca í
Miðjarðarhafi „undir íslenska ferða-
mannanýlendu“ í þeim tilgangi að
bæta viðskiptajöfnuð landsins við
Spán. Sagt er að samgönguráðuneyt-
ið hafi í bígerð að banna ferðalög Ís-
lendinga til baðstranda í öðrum lönd-
um.
Sama dag segir Vísir frá því að
ungur Keflvíkingur hafi útbúið tæki
sem „vinnur starf línuvarða af það
mikilli nákvæmni að engu skeikar“ og
að hann vinni að gerð tækis sem geri
knattspyrnudómara óþarfa.
Síðar kom fram að báðar fréttirnar
voru birtar „í tilefni dagsins“.
Reykur í sjónvarpssal
Starfsmenn fréttastofu Sjónvarps-
ins brugðu á leik 1. apríl 1968 og svið-
settu bruna í leikmyndadeild stofnun-
arinnar. „Magnaðist reykurinn í
kringum Markús Örn Antonsson
fréttaþul jafnt og þétt þar til hann var
farinn að hósta og varð rétt grilltur
gegnum reykinn,“ segir í Vísi daginn
eftir. Þetta mun hafa verið fyrsta apr-
ílgabb Sjónvarpsins.
Þegar allir mættu í skólann
Alþýðublaðið segir frá því 1. apríl
1969 að aðalbygging Háskóla Íslands
hafi sprungið eða rifnað vegna þess að
nær allir skráðir stúdentar hafi mætt
í tíma samtímis. „Urðu þrengsli mikil
í anddyri skólans og ýttist mannfjöld-
inn stöðugt lengra og lengra út í hlið-
arálmurnar uns þunginn í endunum
varð of mikill og sigu álmurnar við
það niður.“ Skemmdir urðu mjög
miklar og segir blaðið að kostnaður
við viðgerðir verði greiddur af tekjum
Happdrættis Háskólans. Til þess að
fá fé til framkvæmdanna „hefur verið
ákveðið að fella niður stóra vinning-
inn í happdrættinu í desember“. Með-
an á viðgerð stendur verður kennsla
felld niður „þar sem hægt er að gera
það að skaðlausu“ segir blaðið en að
öðru leyti verður kennt í samkomu-
húsum.
Gervitennur í gæðing
„Sá atburður gerðist í fyrsta sinn á
Íslandi nú um helgina að settar voru
gervitennur upp í hross,“ segir Morg-
unblaðið 1. apríl 1969. Þetta var Páfi,
sex vetra gæðingur Þóru Friðriks-
dóttur leikkonu, en tennur hans höfðu
skemmst. Haukur Clausen tannlækn-
ir annaðist verkið í samvinnu við Pál
Agnar Pálsson yfirdýralækni en Guð-
jón Guðmundsson og Júníus Pálsson
smíðuðu tennurnar. Hesturinn átti að
vera til sýnis við félagsheimili Fáks
þennan dag kl. 17–19 og segir blaðið
áreiðanlegt að mörgum leiki forvitni á
að sjá hestinn með nýju tennurnar.
Morgunblaðið hefur það eftir Jóni
Sigurbjörnssyni, eiginmanni Þóru,
daginn eftir að „Páfi hefði hlegið mikl-
um hrossahlátri þegar hann hefði
sagt honum hve margir hefðu látið
gabbast“.
Huliðshjálmur
Síðasta frétt Sjónvarpsins 1. apríl
1969 hófst á þessum orðum: „Huliðs-
hjálmurinn er vel þekkt fyrirbrigði úr
þjóðsögum. Hefur margur maðurinn
sjálfsagt óskað þess einhverntíma að
geta brugðið yfir sig huliðshjálmi og
horfið, enda gæti það óneitanlega verið
þægilegt stundum.“ Þegar fréttaþulur-
inn hafði lesið þessi orð hvarf hann af
skjánum en hélt þó lestrinum áfram:
„Tæknimönnum sjónvarpsins hefur nú
tekist að leysa þetta mál, eins og þið
sjáið glöggt, og hefur verið sótt um
einkaleyfi á þessari aðferð í mörgum
löndum, þar sem álitið er að hún geti
orðið einkar vinsæl.“ Síðan birtist
fréttaþulurinn á ný og sagði: „Enn hef-
ur hins vegar ekki tekist að gera það
forna fyrirbrigði að veruleika er menn
gátu brugðið sér í allra kvikinda líki, en
að því mun þó vera unnið.“
Villa í tölvunni
„Allt bendir til þess að gengislækk-
anirnar 1967 og 1968 hafi verið óþarf-
ar,“ segir Alþýðublaðið 1. apríl 1970
og gefur þá skýringu að villa hafi
fundist í tölvu Seðlabankans.
Skömmu áður en gengið var fellt
hafði bilað „transistor“ og ekki verið
unnt að fá annað en rússneskan trans-
istor sem nú væri komið í ljós að hefði
verið „gerður fyrir kommúnistískt
hagkerfi“. Blaðið sagði ráðamenn
hafa haldið þessu leyndu og allt eins
væri von á gengishækkun. Það yrði
jafnvel tilkynnt klukkan 16 þennan
dag þegar aðalbankastjóri Seðla-
bankans ætlaði að flytja ræðu af svöl-
um Alþingishússins. Með fréttinni
birtist mynd af „starfsmanni IBM
fyrirtækisins“ þegar unnið var að lag-
færingu tölvunnar.
Næsta dag segir Alþýðublaðið að
þetta hafi verið aprílgabb og getur
þess að forstjóri IBM vilji að það
komi fram að myndin tengist ekki
IBM á nokkurn hátt.
John á Íslandi
Breski bítillinn John Lennon kom
til Íslands 1. apríl 1970, að sögn Vísis,
til þess að ræða við Gunnar Þórðar-
son tónlistarmann um hugsanlega
samvinnu þeirra um gerð söngleiks.
Æfingar áttu að fara fram í íþrótta-
húsinu á Hálogalandi og ætlaði John
að líta á aðstæður síðdegis þennan
dag. Blaðið náði tali af Lennon á Hót-
el Sögu, en þá var hann nýkominn úr
gönguferð. Hann sagði að borgin væri
falleg en honum fannst fyndið hvað öll
húsin voru lítil. Á þessum árum gekk
sú saga að Paul McCartney væri lát-
inn. Aðspurður sagði félagi hans: „Ja,
það skyldi þó aldrei vera. Ég hef ein-
mitt verið að furða mig á því hvað
hann hefur verið daufur í dálkinn upp
á síðkastið.“
Reyndar var það John sem lést tíu
árum eftir „heimsókn“ sína til Íslands
en Paul lifir góðu lífi og hefur komið
til Íslands, eins og Ringo félagi þeirra.
Gabbað í hálfa öld
Ekki hefur tekist að finna eldra
aprílgabb í íslenskum dagblöðum eða
útvarpi heldur en gabb Morgunblaðs-
ins frá 1953. Það verður því að teljast
marka upphafið, þar til annað kemur í
ljós.
Hvað sem öðru líður hafa íslenskir
fjölmiðlar lagt sig fram um að við-
halda þessum sið síðustu árin. Er
skemmst að minnast fréttar Morgun-
blaðsins um hauskúpu Egils Skalla-
grímssonar 1. apríl 1995 og mynd af
nýjum KR-búningi 1. apríl 2000. Ólík-
legt er að dagblöð og ljósvakamiðlar
láti af þessari iðju í bráð.
Höfundur hefur tekið saman efni í
Daga Íslands og fleiri bækur.
Sennilega er eitt eftirminnilegasta
aprílgabb Morgunblaðsins fréttin frá
1. apríl 1962 um að silfur Egils Skalla-
Grímssonar hefði fundist í Kýrgili í
Mosfellsdal. Þetta voru þrjátíu silf-
urpeningar með áletruninni Ólafur
konungur. „Engum blöðum er um
það að fletta að hér eru komin bróð-
urgjöld Egils Skalla-Grímssonar, silfr-
ið góða úr kistunum sem Aðalsteinn
Játvarðsson konungur Engla galt
Agli eftir orrustuna við Ólaf kvaran á
Vínheiði árið 937,“ segir Morgun-
blaðið.Haft er eftir Jóni Guðmunds-
syni á Reykjum að mikið hafi verið
leitað að silfrinu en menn verið „farn-
ir að sætta sig við að silfrið hans Eg-
ils væri annars konar, það væri heita
vatnið sem alls staðar streymir upp
úr jörðinni á þessu svæði“.
Fréttin 1. apríl var birt á forsíðu og
leiðrétting daginn eftir einnig. Segir
þar að sjá megi af viðbrögðum fólks
að fréttin hafi verið „lesin með sér-
stakri athygli og létu margir gabb-
ast“.
Silfur Egils
fundið
Morgunblaðið/Ólafur K. Magnússon
„Guðmundur Ásmundsson sýnir nafna sínum Jónssyni fjársjóðinn er þeir
hafa lagt á kassa sem lá þarna í gilinu,“ segir í texta með þessari mynd
sem birtist á forsíðu Morgunblaðsins 1. apríl 1962, þar sem sagt var frá því
að silfur Egils hefði fundist.