Morgunblaðið - 31.03.2002, Page 27

LISTIR
MORGUNBLAÐIÐ SUNNUDAGUR 31. MARS 2002 27
Til sölu fjórar "penthouse" íbúðir á frábærum stað við Mánatún 4 og 6, í hjarta Reykjavíkur.
Hellulögð verönd umlykur "penthouse" íbúðirnar við Mánatún www.iav.is
Hafðu samband við söludeild ÍAV í síma 530 4200
Tvær 3ja herb. 104 fm. suð-austur "penthouse" með um 100
fm. svölum til suðurs, austurs og norðurs.
Tvær 3ja herb. 120 fm suð-vestur "penthouse" með um 100
fm. svölum til suðurs, vestur og norðurs.
Álklædd lyftuhús sem þarfnast lágmarks viðhalds.
Sér ílögn er í gólfum til aukinnar hljóðeinangrunar.
Íbúðirnar eru mjög bjartar og með góðri lofthæð. Fallegar
innréttingar og útsýni frábært.
Íbúðirnar skilast tilbúnar án gólfefna með sér bílastæði í
bílageymsluhúsi. Verð frá 22 millj.
Íslenskir aðalverktakar hf. Suðurlandsbraut 24, 108 Reykjavík, sími 530 4200, fax 530 4205
Herbergi
Svefnherb.
Svefnherb.
Herbergi
Anddyri
Anddyri
WC WC
Stofa/borðstofa
Stofa/borðstofa
Lyfta
Þv. Þv.
Eldhús Eldhús
Glæsileg "penthouse" til sölu hjá ÍAV!
Í GALLERÍ Skugga eru mörg
sýningarrými og ólík. Í því smæsta
hefur Hulda Ágústsdóttir hreiðrað
um sig með textaverk. Rýmið, sem
rétt rúmar einn mann, er grámálað og
inni í því er stóll fyrir gesti að tylla sér
á á meðan þeir skoða verkið. Að því
loknu geta þeir gefið sér tíma til að
fylgja þeim fyrirmælum sem lögð eru
fyrir í textanum sem er eftirfarandi:
„Lokaðu augunum og ímyndaðu þér
að þú sért stödd/staddur á öðrum stað
á öðrum tíma.
Skilaboðin eru skýr, maður á að
klára listaverkið sjálfur í huganum,
láta hann um að kalla fram nýtt um-
hverfi, nýja reynslu. Þannig opnar
Hulda fyrir óendanlega marga mögu-
leika á myndrænum tengingum.
Þetta er nokkuð sniðugt hjá Huldu og
ber sterkan keim af texta/skipunar-
verkum Yoko Ono frá því rétt eftir
miðja síðustu öld, en sem dæmi þá
gerði Ono verkið Body piece sumarið
1961: Stattu í kvöldbirtunni þangað til
þú verður gegnsæ/sær eða þangað til
þú sofnar, og Hand Piece sama sum-
ar:
Réttu upp höndina í kvöldbirtunni
og horfðu á hana þangað til hún verð-
ur gegnsæ og þú getur séð himininn
og trén í gegnum hana.
Munurinn á verkum Ono og þessu
verki Huldu er það helst að verk
Huldu fer eingöngu fram í huganum
en verk Ono krefjast oftast einhverra
aðgerða, þó að huglægi parturinn sé í
flestum tilfellum stór.
Verkið í Skugga er í góðu samræmi
við eldri verk Huldu, t.d. verk sem var
á samsýningu á Kjarvalsstöðum fyrir
nokkrum árum. Þá stillti hún sjón-
varpsskjá upp inni í sýningarrýminu
og í honum var bein útsending frá
miðporti Kjarvalsstaða. Það sem
þessi verk eiga sameiginlegt er inni/
úti sambandið og vangaveltur um
staðsetningu; að vera hér en á sama
tíma annars staðar.
Það er ekki óalgengt að fólk vilji
vera annars staðar en það er og því
ættu þeir hinir sömu að fá eitthvað
fyrir sinn snúð í litla klefanum í
Skugga.
Hér eða þar
MYNDLIST
Textaverk
Gallerí Skuggi.
Opið frá kl. 13–17 alla daga nema mánu-
daga. Til 31. mars.
Hulda Ágústsdóttir
Morgunblaðið/Kristinn
Þóroddur Bjarnason
Til að njóta verks Huldu Ágústsdóttur þarf að loka augunum.
Um nokkra hríð hefur staðið til að
skagfirski Akureyringurinn og stór-
tenórinn Óskar Pétursson væri í að-
alhlutverki á gala-konsert enda er
hann bæjarlistamaður í höfuðstað
Norðurlands. Tónleikarnir urðu svo
heldur betur að veruleika á skírdag
þar sem boðið var til meiriháttar
tónlistarveislu í Íþróttahöllinni á
Akureyri.
Það var að frumkvæði nýs fé-
lagsskapar í bænum sem nefnir sig
Líf og list að tónleikarnir komust á
koppinn. Ekki liggja á lausu miklar
upplýsingar um þennan hóp listvina
en þakkarvert að duglegir tónleika-
haldarar láti verkin tala og megi þau
tala sem oftast í framtíðinni.
Efnisskráin samanstóð mest af
frægum og tilkomumiklum söng-
verkum sem eftir hlé voru einkum
úr Verdi-óperum. Fyrst gat að
heyra Söng fuglanna eftir Atla
Heimi við texta Davíðs Stefánsson-
ar. Þetta var eina verkið sem Barna-
kórinn söng svo hann varð að skila
sínu án þess að fá mikið ráðrúm til
að syngja sig í stuð. Lagið var vel
sungið og náði að hljóma eins og in-
dælt kvak í saklausri barnssál að
vori. En kórinn var ívið of veikur
miðað við hljómsveitina og almennt
má segja að hljómburður hafi verið
dálítið einkennilegur á þessum tón-
leikum. Loftklæðning Íþróttahallar-
innar er hönnuð með það í huga að
dempa hljóð og til þess að yfirvinna
þá dempun sungu listamennirnirog
léku í hljóðkerfi. Þannig voru t.a.m.
strengjaleikararnir með snúru-
tengda hljóðnema á hljóðfærunum.
Hljóðkerfið lagar hljómburðinn mik-
ið en eðlilegt endurkast eða „reverb“
vantar og gerviendurkast úr tölvum
og hljóðkerfi kemur aldrei í staðinn
fyrir það. Hér komum við að máli
málanna í tónlistarlífi Akureyringa.
Enginn frambærilegur salur er til
fyrir tónlistarflutning í bænum og
skora ég á kandídata til nýrrar bæj-
arstjórnar og bæjarbúa í heild að
leggjast nú á eitt og róa að því öllum
árum að slíkur salur komist í gagnið
fyrir lok næsta kjörtímabils. Nógu
er búið að eyða í íþróttaaðstöðu að
undanförnu og röðin komin að
hljómgóðum tónleikasal.
En jafnvel þótt við hefðum góðan
tónleikasal skulum við ekki horfa
framhjá tækniframförum við tónlist-
arflutning og mér segir svo hugur að
hljóðnemar og hljóðkerfi verði þar
notuð í vaxandi mæli. Ef allir tónlist-
armennirnir eru tengdir við hljóð-
nema og músíkin blönduð á staðnum
í mixer ber að geta þess sem sér um
hljóðblöndunina því hann hefur afar
mikið um það að segja hvernig mús-
íkin hljómar fyrir áheyrandann.
Hljóðmeistarinn hefur í rauninni
tekið yfir hluta af stjórnun styrks
frá stjórnandanum og á þessum tón-
leikum vantaði að gefa upp hver sá
mæti takkagúrú væri. Það er jafnvel
hugsanlegt í ljósi aukins áhuga á
tækni við alla skapaða hluti að gefa
upp hvers konar hljóðkerfi sé notað,
fjölda rása og hátalara og staðsetn-
ingu þeirra.
Karlakórinn Heimir söng með
þegar hljómsveitin flutti næst Fin-
landiu Síbelíusar. Bæði hljómsveit
og kór virtust í góðu formi þótt
hljómur kórsins væri dálítið fjar-
rænn í hljóðrýminu. Síðar á tónleik-
unum söng Heimir Brennið þið vit-
ar, Pílagrímakórinn eftir Wagner og
Steðjakórinn eftir Verdi. Í þessum
verkum kom hann betur í gegn og
stóð vel fyrir sínu; hreinn, þéttur og
karlmannlegur. Talandi um Steðja-
kórinn þá var steðjaslátturinn helstil
sterkur í slagverkinu en flutningur
hljómsveitarinnar annars mjög fínn.
Óskar Pétursson komst afar vel
frá sínu á þessum tónleikum.
„Áfram veginn“, þekkt meðal þjóð-
arinnar í flutningi Stefáns Íslandi,
söng hann af næmi og þýðleik í góðu
jafnvægi við hljómsveitina. Hann
blómstraði í Napólísöngnum fræga
eftir Cardillo, „Cor’ngrato“, með
frábæru sólói Sigrúnar konsert-
meistara Eðvaldsdóttur og hápunkt-
urinn í lokin var magnaður. Hið
sama má segja um aríurnar „Una
furtiva lagrima“ og „La donna é mo-
bile“ þótt stundum mætti greina ör-
litla hæsi í röddinni og upphaf síð-
astnefnda verksins hefði mátt vera
hnitmiðaðra. Hinn rómantíska
„Mansöng“ eftir Romberg söng
Óskar sérdeilis smekklega og upp-
skar bravóhróp frá áheyrendum á
eftir.
Hinir geðþekku Álftagerðisbræð-
ur voru með eitt lag á efnisskránni,
Hamraborgina. Þótt söngurinn hafi
verið bjartur og tær voru þeir of
veikir í styrk miðað við hljómsveit-
ina. Þar vantaði á að hljóðblöndunin
væri við hæfi.
Fyrsta lag Diddúar var hinn frægi
kossavals Il Bacio eftir Arditi, Lagið
var glæsilega sungið en tempóið
hefði mátt vera aðeins hraðara, eink-
um í upphafi. Hin lögin sem Diddú
söng ein með hljómsveitinni voru
Mein Herr Marqee úr Kátu ekkj-
unni, Caro nome úr Rigoletto og
Mattinata, sönglag eftir Leonca-
vallo. Er skemmst frá því að segja
að söngkonan fór hreinlega á kost-
um og tryllti áheyrendur af hrifn-
ingu. Ekki var hún síðri í dúettunum
tveimur Adio adio úr Rigoletto og
E’strana sempre libera úr La trav-
iata sem hún tók með Óskari. Hann
söng þá líka af mikilli prýði og hljóð-
meistarinn hefði að ósekju mátt
draga hann meira fram í blöndun-
inni.
Þetta voru sérlega skemmtilegir
og góðir tónleikar og hljómsveitin
hefur sjaldan verið betri. Áheyrend-
ur voru greinilega stórhrifnir og
klöppuðu fram tvo dúetta í viðbót úr
La traviata auk þess sem framreidd-
ur var tvítyngdur „Grobbsöngur úr
Skagafirði/O sole mio“ með Álfta-
gerðisbræðrum og Diddú í miklu
fjöri og sönggleði.
Skínandi skírdagskonsert
TÓNLIST
Sinfóníuhljómsveit Norðurlands
Óskar Pétursson Sigrún Hjálmtýsdóttir,
Karlakórinn Heimir í Skagafirði, Álfta-
gerðisbræður, Barna- og unglingakór Ak-
ureyrarkirkju og Sinfóníuhljómsveit Norð-
urlands. Stjórnandi Guðmundur Óli
Gunnarsson.
ÓPERUTÓNLEIKAR
Ívar Aðalsteinsson
Morgunblaðið/Kristján
Óskar Pétursson.