Morgunblaðið - 31.03.2002, Blaðsíða 48

48 SUNNUDAGUR 31. MARS 2002 MORGUNBLAÐIÐ






 
 



 
   BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
ENN fara páskar í hönd. Og
föstudagurinn langi að baki.
Hugurinn leitar til baka í tíma
og sögu og minnist aftökunnar
á Golgata. Krossfestingar,
þjáningar, sektarfórnar. Og
myrkurs um miðjan dag. Óra-
fjarlægð dregur úr skörpum
línum. En andinn hrærir
hjörtu og nærvera við heilög
orð daganna yljar, vökvar og
blessar: ,,Ég bý á háum og
helgum stað, en einnig hjá
þeim sem hafa sundurkram-
inn og auðmjúkan anda, til
þess að lífga anda hinna lítil-
látu og til þess að lífga hjörtu
hinna sundurkrömdu.“
Sundurkramin hjörtu? Auð-
mýkt? Lítillæti? Hver temur
sér slíkt orðalag nú, á tímum
hraða, harðýðgi og græðgi?
Hver sest við fætur Krists
með smyrsl og vökvar þær
með tárum sínum og kossum?
Mundi það ekki þykja helv...
væmið, eins og útvarpsmaðurinn
komst að orði í þætti sínum á liðnu ári
um ýmsa trúarlega söngtexta?
Í hugann kemur heimsókn í
Louvre-safnið í París. Í einum löngu
salanna var nokkur fjöldi verðandi
listmálara með trönur sínar við eitt
verkanna. Þeir máluðu eftir því. Tók
hver þeirra lítinn hlut þess fyrir. Fyr-
irmynd þeirra var stórt og mikið mál-
verk af atburði í frásögu læknisins
Lúkasar. Þar segir frá málsverði sem
Jesús þáði hjá farísea nokkrum. Ber-
syndug kona í bænum varð þess vís,
að Jesús var þar. „Kom hún þá með
krukku með smyrslum, nam staðar
að baki honum til fóta hans grátandi,
tók að væta fætur hans með tárum
sínum, þerraði þá með höfuðhári sínu,
kyssti þá og smurði með smyrslun-
um.“ Málverkið var áhrifamikið og
grípandi. Það túlkaði vel þær sterku
tilfinningar sem frásagan greinir frá.
Tilfinningar mikillar elsku, einlægrar
trúar, þakklætis og ástríðufullrar
bænar. Allt í senn. Grátandi með tár-
um.
Ástríðufull bæn. Þegar horft er til
baka í sögunni, dagar dymbilviku í
ritningunni skoðaðir og gerð tilraun
til að meta hverjir úrslitaþættirnir
voru á þeim þýðingarmiklu dögum
mannkynssögunnar, þá beinast aug-
un fljótlega að bæn Krists í Grasa-
garðinum nóttina fyrir aftökuna. Að
honum setti ógn og angist. Þrisvar
sinnum vék hann frá lærisveinunum
og baðst fyrir. Þrisvar sinnum ákall-
aði hann föður sinn í himninum af öll-
um lífs og sálar kröftum. Þrisvar
sinnum bað hann um þrek til að taka
Guðs vilja fram yfir sinn eigin. Þrjár
ástríðufullar sárbeiðnir. Um nótt.
Bænin er úrslitamál í samlífi við
Guð. Þá er ekki átt við bænaþulur
sem fólk kann utanað og fer með án
þess að leggja nokkuð af sál sinni og
kröftum í, né heldur bænir annarra
sem lesnar eru upp af bókum. Vitur
maður hefur sagt: „Vertu varkár í
bæn. Varastu að hafa bæn þína hvers-
dagslega. Hafðu hana innilega sár-
beiðni til Guðs.“
Það fer ekki fram hjá neinum sem
íhugar frásögurnar af píslargöngu
Jesú Krists, að þar eru ekki gaman-
mál til umræðu. Atburðir allir eru
hinir átakanlegustu. Þeir eru yfir-
þyrmandi og mörgum lítt skiljanleg-
ir. Kannske var þeim aldrei ætlað að
verða skildir nema í neyð og angist
sundurkramins, auðmjúks hjarta. En
því meira er mikilvægi þeirra og
markmið Guðs stórkostlegra. Að
hugga, græða og hughreysta þar sem
menn og menntir þrýtur.
Krossins helga tré. Hauskúpuhæð.
Jesús Kristur. Þegar menn og
menntir þrýtur. Þegar óendanleg
elska Jesú Krists ein ber nægilega
öflugan góðilm til þess að vekja von í
hjörtum sem borist hafa af leið og
megna sig hvergi að hræra. Vekur
von. Fyrirgefur. Græðir. Það er boð-
skapur föstudagsins langa. Hann ætti
að hljóma í sérhverri kristinni kirkju
daginn þann. Frá morgni til kvölds.
Og ekkert annað.
Góða páska.
ÓLI ÁGÚSTSSON.
Háaleitisbraut 109, Reykjavík.
„Í gegnum móðu
og mistur“
Frá Óla Ágústssyni:
Hver temur sér auðmýkt og lítillæti á
tímum hraða, harðýðgi og græðgi?
Morgunblaðið/Kristinn
Málarar - Múrarar - Píparar - Smiðir
Dúkarar - Rafvirkjar - Ræstitæknar
Til þjónustu reiðubúnir!
Eitt númer - 511 1707
www.handlaginn.is
handlaginn@handlaginn.is