Morgunblaðið - 17.04.2002, Page 13

HÖFUÐBORGARSVÆÐIÐ
MORGUNBLAÐIÐ MIÐVIKUDAGUR 17. APRÍL 2002 13
HÚSNÆÐISMÁL Mennta-
skólans í Reykjavík voru í
brennidepli á fjölmennum
fundi sem Skólafélag MR,
Framtíðin og Foreldrafélag
MR stóðu fyrir í Ráðhúsinu í
fyrrakvöld að viðstöddum
menntamálaráðherra, borg-
arstjóra og oddvitum fram-
boðslista Sjálfstæðisflokks og
Frjálslyndra vegna borg-
arstjórnarkosninga. Meðal
þess sem þar bar á góma var
svokölluð einkaframkvæmd-
arleið við fjármögnun á ný-
byggingum gömlu framhalds-
skólanna og nauðsyn þess að
taka heildarafstöðu til við-
halds og nýbygginga áður en
af frekari framkvæmdum við
MR getur orðið.
Einnig kom fram að rekstr-
ar- og viðhaldskostnaður við
framhaldsskólana er alfarið á
hendi ríkisins.
Steingrímur Ari Arason,
fulltrúi foreldra, sagði að
deilurum aðkomu Reykjavík-
urborgar að framkvæmdum
við gömlu framhaldsskólana í
borginni hefðu bitnað á ný-
sköpun, stefnumótun og upp-
byggingu skólastarfs í
Reykjavík. Hann sagði ýmis
teikn á lofti um að menn
hefðu slíðrað sverðin og benti
í því sambandi á að mennta-
málaráðuneytið hefði í sinni
áætlanagerð lagt áherslu á
nauðsyn framkvæmda við
gömlu framhaldsskólana í
Reykjavík og stefnt væri að
því að veita um milljarð
króna á næstu fjórum árum
til uppbyggingar skólanna.
Þá hefði borgarráð samþykkt
í febrúar síðastliðnum að
styrkja uppbyggingu MR.
Hann nefndi í þessu sambandi
að gerð hefði verið áætlun
um allt að 2.500 fermetra ný-
byggingar á reit Mennta-
skólans í Reykjavík.
Steingrímur Ari sagði
brýnt að menn settust niður
og ræddu í alvöru hvort borg-
aryfirvöld, líkt og önnur
sveitarfélög, væru reiðubúin
að leggja sitt af mörkum til
allra nýframkvæmda, hvort
heldur við gömlu eða nýju
framhaldsskólana. Á móti
mundi ríkið viðurkenna eign-
arhlut borgarinnar og
tryggja eðlilegt endurgjald
fyrir húsnæðið. Hann benti á
að eins og málum væri háttað
í MR í dag lægju menningar-
söguleg verðmæti undir
skemmdum auk þess sem
skólinn væri stærsti vinnu-
staður miðborgarinnar.
Stór hluti framkvæmda
viðhaldsverkefni
Bolli Thoroddsen, in-
spector scholae, reifaði í
stuttu máli hvernig að-
stöðuleysið blasir við nem-
endum skólans. Hann sagði
leikfimiaðstöðu nemenda í
gamla leikfimihúsinu óvið-
unandi, bæði væri of þröngt
um nemendur og lofthæð
undir því sem eðlilegt gæti
talist. Hann sagði aðstöðu
nemenda í Casa nova mjög
bágborna og að viðhald á hús-
inu væri fjármagnað með
sjóðum nemenda. Að auki
væri mikill skortur á bíla-
stæðum við skólann sem
gerði nemendum erfitt fyrir á
morgnana og fjárhagur
þeirra leyfði ekki að lagt væri
í gjaldskyld bílastæði.
Tómas Ingi Olrich mennta-
málaráðherra sagði að ekki
væri unnt að standa að ný-
framkvæmdum við fram-
haldsskólana í Reykjavík með
öðrum hætti en gert væri
annars staðar á landinu og að
borgin yrði að koma að fram-
kvæmdunum til móts við ríkið
með 40% framlagi. Hins veg-
ar virtist sér í fljótu bragði
sem stór hluti þeirra fram-
kvæmda sem stæðu fyrir dyr-
um, m.a. við MR, væru við-
haldsverkefni en þau væru
alfarið á hendi ríkisins og
hlutur borgarinnar því ekki
jafnstór og ætla mætti.
Ingibjörg Sólrún Gísladótt-
ir borgarstjóri sagðist líta svo
á að borginni bæri ekki að
fjármagna fjörutíu prósent af
framkvæmdum við gömlu
framhaldskólanna, MR, MH
og MS, sem væru 100% í eigu
ríkisins. Skyldur gagnvart
þessum skólum væru því lög-
um samkvæmt fyrst og
fremst á herðum ríkisins.
Hún sagði að borgin hefði
ákveðið að styrkja að hluta
endurbætur á húsnæði MR
við Amtmannsstíg 2 en áætl-
að er að þær framkvæmdir
kosti um 40 milljónir króna.
Aðspurð sagði hún það fyrsta
áfanga í stuðningi borg-
arinnar við uppbyggingu
skólans. Ingibjörg lagði til að
í þeim tilvikum þar sem ríkið
treysti sér ekki til að koma
með framlög til framhalds-
skólanna á fjárlögum yrði
farin leið einkafram-
kvæmdar.
Mannvirkin yrðu þá greidd
til baka á tilteknu árabili með
eðlilegu endurgjaldi til að
standa undir stofnkostnaði og
sem að lokum yrðu í eigu rík-
isins.
Heildarafstaða tekin til
viðhalds og nýbygginga
Björn Bjarnason, borg-
arstjóraefni Sjálfstæð-
isflokksins, sagðist líta svo á
að ríki og borg ættu að vinna
sameiginlega að fram-
kvæmdum við framhalds-
skólana. Hann sagði mögu-
legt að velta fyrir sér nánar
leið einkaframkvæmdar líkt
og gert hefði verið við bygg-
ingu Iðnskólans í Hafnarfirði
en að hann myndi beita sér
fyrir því að Reykjavíkurborg
axlaði sömu ábyrgð og önnur
sveitarfélög gerðu í sambæri-
legum málum. Ekki væru efn-
isleg rök fyrir afstöðu
Reykjavíkurborgar í málinu.
Ólafur F. Magnússon frá
Frjálslynda flokknum sagði
mögulegt að nýta sér kosti
einkaframkvæmdarleið-
arinnar við byggingu skóla-
húsnæðis og tryggja þannig
að fjármunum við fram-
kvæmdir yrði betur varið.
Fjölmargar fyrirspurnir
bárust úr sal og m.a. var
spurt hvort ekki væri eðlilegt
að ríki veitti meira fé til hús-
næðismála framhaldsskóla á
höfuðborgarsvæðinu í ljósi
þess að 52% framhaldsskóla-
nemenda væru þar við nám.
Menntamálaráðherra sagði
að menn gerðu sér grein fyrir
að um uppsafnaðan vanda
væri að ræða í höfuðborginni
og að á þeim vanda yrði að
taka.
Spurt var hvort mennta-
málaráðuneytið myndi beita
sér fyrir því að farið yrði í
viðhaldsverkefni á húsum MR
og gamla skólahúsið m.a.
endurnýjað, í ljósi þess að
ráðherra hefði sagt að við-
haldið væri á ábyrgð ráðu-
neytisins. Í svari mennta-
málaráðherra kom fram að
mikilvægt væri að forgangs-
raða í viðhaldsverkefnum því
ljóst væri að gera þyrfti end-
urbætur á fjölmörgum bygg-
ingum í eigu ríkisins. Björn
Bjarnason bætti við að í dæmi
MR blandaðist saman ný-
byggingar- og viðhaldsverk-
efni sem líta þyrfti á sem eina
heild.
Ágúst Jónsson, sem sæti á í
byggingarnefnd MR, vakti
máls á því að framkvæmdum
við MR yrði ekki haldið áfram
fyrr en tekin yrði heildar-
afstaða til viðhalds og ný-
bygginga við skólann. Þá var
Björn Bjarnason spurður
hvort hann myndi beita sér
fyrir því að borgin greiddi
40% af stofnkostnaði við ný-
byggingar yrði hann kosinn
borgarstjóri. Sagði Björn að
það mál væri á sinni stefnu-
skrá og að hann væri tals-
maður þess að svo yrði.
Leið einkaframkvæmdar rædd á fjölmennum fundi um húsnæðismál Menntaskólans í Reykjavík
Viðhaldskostnaður al-
farið á hendi ríkisins
Morgunblaðið/Þorkell
Bolli Thoroddsen, inspector scholae, Steingrímur Ari Arason, fulltrúi foreldra, Ólafur F.
Magnússon, oddviti Frjálslynda flokksins til borgarstjórnarkosninga, Björn Bjarnason,
oddviti Sjálfstæðisflokksins til borgarstjórnarkosninga, Ingibjörg Sólrún Gísladóttir borg-
arstjóri, Tómas Ingi Olrich menntamálaráðherra og Jens Þórðarson fundarstjóri.
Miðborgin
FUNDARGESTIR á opnum
fundi hverfasamtaka Vatns-
endahverfis „Sveit í borg“ og
frambjóðendum þeirra fjög-
urra stjórnmálaflokka sem
bjóða fram í komandi sveita-
stjórnarkosningum í Kópa-
vogi á mánudagskvöld, voru
ekki alls kostar ánægðir með
svör fulltrúa meirihluta bæj-
arstjórnar við fyrirspurnum
varðandi Vatnsendasvæðið.
Gengið var hart eftir svör-
um um skipulag á frestuðum
skipulagsreit, svokölluðum F-
reit á Vatnsenda, sem Flosi
Eiríksson, bæjarfulltrúi Sam-
fylkingar, sagði að vitnaði um
að meirihlutinn hefði uppi
hugmyndir á reitnum „sem
menn halda að sé ekki gott að
kynna fyrir kosningar“.
„Þessi frestun er náttúr-
lega algjörlega óviðunandi
fyrir þá íbúa sem eru á þess-
um frestaða reit. Enn sem
komið er, er eina skipulags-
hugmyndin sem fram hefur
komið á svæðinu, að setja
blokk ofan á húsið þeirra,“
sagði Flosi.
Gunnar I. Birgisson Sjálf-
stæðisflokki sagði að þegar
skipulagi á reitnum hefði ver-
ið frestað á sínum tíma, hefðu
hann og Sigurður Geirdal lýst
því yfir að hæð húsa á reitnum
yrðu lægri en sú tillaga sem
hefði legið frammi og yrðu í
samræmi við skipulag á Norð-
ursvæði Vatnsendans. Gunn-
ar lýsti því yfir aðspurður að
hann væri ekki tilbúinn til að
taka upp kaupsamninga við
landeigendur á Vatnsenda,
enda hefðu þeir verið mjög
hagstæðir fyrir Kópavogsbæ.
Íbúar vilja 3 þúsund
manna vistvæna byggð
Á fundinum voru kynntar
helstu hugmyndir íbúa á
Vatnsenda um framtíðar-
skipulag svæðisins þar sem
fram kom í máli Rutar Krist-
insdóttur, formanns hverfa-
samtakanna „Sveit í borg“, að
samtökin legðu áherslu á að
Vatnsendinn allur yrði að
sveit í bæ og áhersla væri lögð
á vistvæna byggð. Íbúar vildu
3 þúsund manna byggð er félli
vel að umhverfinu og þess
væri gætt að náttúruverð-
mætum yrði ekki spillt.
Hún minnti á athugasemdir
hverfasamtakanna við deili-
skipulag Kópavogsbæjar fyr-
ir svæðið þar sem fram kom
m.a. að íbúum þætti skorta á
að bærinn gætti að réttarör-
yggi íbúa og sumarhúsaeig-
enda þótt þau mál hefðu færst
nokkuð til betri vegar. Rut
lagði til að tekið yrði upp virkt
samráð bæjaryfirvalda og
íbúa er fælist í því að að
skiptast á hugmyndum. Enn-
fremur að tekið yrði upp virk-
ara skipulag varðandi heild
hverfisins í stað hluta þess
„þannig að við fáum gott
sveitahverfi sem við erum sátt
við,“ sagði Rut.
„Ég held að Kópavogsbær
verði samt að marka sér sýni-
lega stefnu og að það hljóti að
vera hluti af góðum stjórn-
sýsluháttum að hafa bæjar-
búa upplýsta,“ sagði hún.
Ármann Kr. Ólafsson, bæj-
arfulltrúi Sjálfstæðisflokks og
formaður skipulagsnefndar
Kópavogs, sagði að gert væri
ráð fyrir 5 þúsund manna
byggð á Vatnsendasvæðinu
samkvæmt aðalskipulagi
2000–2012. Hefði bærinn við
gerð deiliskipulags á Norður-
svæði Vatnsendans þar sem
gert er ráð fyrir 1.500 manna
byggð, tekið tillit til athuga-
semda íbúa svæðisins. „Það
var gagnrýnt að við værum
með byggð of nálægt Elliða-
vatni. Við færðum helgunar-
svæði 50 metra frá vatninu og
nú eru engar nýjar íbúðalóðir
innan þessa svæðis,“ sagði
Ármann.
„Við vorum gagnrýndir fyr-
ir að upphafleg byggð væri of
háreist og við lækkuðum
hæstu byggingarnar þar og
fórum hæst í þrjár hæðir
fjærst vatninu.“ Þá sagði
hann veghelgunarsvæðið í
gegnum Norðursvæðið hafa
verið mjög mikið gagnrýnt
fyrir að þar kæmist 4 akreina
vegur fyrir í framtíðinni og
því var það þrengt úr 60 metr-
um í 40.
„Auðvitað má alltaf auka
samráð við íbúa og við teljum
okkur hafa haft mikil samráð
við þá.“
Þarf að gefa
sér góðan tíma
Tryggvi Felixsson, fram-
bjóðandi Samfylkingarinnar í
Kópavogi, lagði áherslu á það
í erindi sínu um framtíðarsýn
á Vatnsendasvæðið að menn
þyrftu að gefa sér góðan tíma
til að skipuleggja svæðið og
samráð við íbúa væru mikil-
væg. Hann gagnrýndi máls-
meðferð núverandi meirihluta
í skipulagsmálum á svæðinu,
m.a. vegna þess að horfið
hefði verið frá upprunalegum
hugmyndum í Hvörfum og
breytt landnotkun miðað við
deiliskipulag sem gert var.
„Við reyndum ítrekað að
koma í veg fyrir þetta en það
lá svo mikið á að úthluta lóð-
um að það var ekki hægt að
bíða. Það þurfti að breyta og
það tel ég að hafi verið afar
óheppilegt,“ sagði hann.
Hann taldi það hafa verið
mikil mistök af hálfu bæjaryf-
irvalda að ganga til samninga
um yfirtöku lands á svæðinu
þar sem inn í samningana hafi
verið fléttaðar ýmsar kvaðir í
byggingamálum milli Elliða-
vatns og -vegar.
„Sú framtíðarsýn sem við
höfum fyrir þetta svæði er að
skapa þar einstaka byggð í
jaðri höfuðborgar og vonandi
verður hún þannig að allir
þeir sem búa á þessu svæði í
dag geti hugsað sér að búa
þar áfram.“
Sigurður Geirdal bæjar-
stjóri, Framsóknarflokki,
sagði í erindi sínu að í skipu-
lagsmálum Kópavogs hefði
frá fyrstu tíð verið reynt að
samræma ólík sjónarmið.
„Vandamálið er alltaf að finna
viðunandi lausnir fyrir alla að-
ila,“ sagði hann. Hann taldi
skipulagið fyrir Vatnsenda-
svæðið bera vott um vönduð
vinnubrögð af hálfu bæjaryf-
irvalda og allra sem að því
unnu. „Við teljum að hér séu
um að ræða einkar glæsilegt
íbúðahverfi í einkar fallegu
umhverfi.“
Hann lagði áherslu á bland-
aða byggð með fjölbýlis- og
einbýlishúsum og sagðist ekki
vilja vera talsmaður þess að
eingöngu efnafólk byggði
svæðið heldur líka ungt fólk
með börn. „Svæðið í heild
verður einhver glæsilegasta
byggð höfuðborgarsvæðisins
þegar uppbygginu er lokið, en
ljóst er að það mun taka all-
mörg ár að byggja allt þetta
svæði.“
Vinstrihreyfingin – grænt
framboð býður í fyrsta skipti
fram í Kópavogi í komandi
kosningum. Frambjóðandi
Vinstri grænna, Ólafur Þór
Guðmundsson, lagði í erindi
sínu áherslu á samráð við íbúa
við skipulagningu byggðar á
Vatnsenda. Hugmyndir
Vinstri grænna ganga út á 3
þúsund manna lágreista
byggð og lofaði Ólafur hug-
myndir íbúa um að gera svæð-
ið að ferðaþjónustu- og úti-
vistarsvæði. „Það hafa komið
upp hugmyndir um að efla að-
stöðu til veiða, gera göngu-
stíga, skapa aðstöðu til skíða-
göngu, útreiðartúra o.s.frv.
Það á að markaðssetja svæðið
með þetta í huga,“ sagði hann.
„Við höfum líka horft til
þess svæðis sem er óráðstafað
hér. Ef það er mönnum svo
mikið kappsmál að hafa hér 5
þúsund manna byggð, þá á að
skipuleggja allt svæðið í einu
með tilliti til þess,“ sagði hann
og bætti við að lykilhugsunin
við skipulagningu svæðisins
fælist í að taka tillit við
íbúana, náttúruna og ná-
grannabyggðirnir.
Fram kom á fundinum að
hvorki Gunnar I. Birgisson,
formaður bæjarráðs, né Sig-
urður Geirdal bæjarstjóri
höfðu vitneskju um að 200 fer-
metrar af landi íbúa í Hvarfa-
hverfi höfðu verið teknir af
lóðinni án þess að lóðareig-
anda væri tilkynnt um það.
Gjörningurinn uppgötvaðist
þegar lóðin var mæld út
vegna trjáræktar lóðareig-
andans. Lýsti Gunnar þessu
sem mistökum og Sigurður
játaði að hann vissi ekkert um
málið.
Fjölmennur fundur kjósenda og frambjóðenda um framtíð Vatnsendasvæðisins
Áhersla lögð á
samráð við íbúa
Morgunblaðið/Þorkell
Íbúar Vatnsenda vilja 3 þúsund manna vistvæna byggð en
gert er ráð fyrir 5 þúsund manna byggð í deiliskipulagi.
Vatnsendi