Morgunblaðið - 27.04.2002, Blaðsíða 57

FÓLK Í FRÉTTUM
MORGUNBLAÐIÐ LAUGARDAGUR 27. APRÍL 2002 57
forsala hafin
heimsfrumsýnd 3. maí
Munið gömlu dansana
í Fóstbræðraheimilinu við
Langholtsveg í kvöld kl. 21.30
Félag
harmonikuunnenda
Hljómsveitir Ingvars Hólmgeirssonar og Þorsteins
Þorsteinssonar ásamt Villa Guðmunds leika fyrir
dansi. Mætum öll – tökum með okkur gesti.
Á DÖGUNUM varð stórviðburður í
skátastarfi á Íslandi þegar DS-
gangan fór fram á Hellisheiði. Um
er að ræða póstakeppni sem er að
forminu til eins og risastór ratleikur
með erfiðum verkefnum á hverjum
pósti og keppast liðin við að safna
stigum sem þau hljóta fyrir úrlausn
verkefna, samstarf, skátaanda,
ferðamennsku og fleira.
Póstunum var dreift um alla
Hellisheiði, allt frá Hveradölum yfir
í Reykjadal og að Kömbunum og var
því mikið verk fyrir metnaðarfulla
dróttskátana að gera ferðaáætlun
sem gerði þeim kleift að leysa sem
flesta pósta á þeim 30 klukkustund-
um sem þeir höfðu úr að moða. Sjö
lið mættu til keppni, DS Astmi frá
Hraunbúum í Hafnarfirði, Team
CCR úr ungliðum Björgunarsveitar
Hafnarfjarðar, Cinquecento úr
Landnemum í Reykjavík og Vífli í
Garðabæ, Beygla frá Kópum í Kópa-
vogi, Team SAAB frá Klakki á Ak-
ureyri og Þjarkur og Litla gula hæn-
an frá Hamri í Reykjavík.
Liðin mættu í skálann Dalakot á
föstudagskvöldinu og þar mætti
þeim fyrsta verkefnið, en það fól í
sér að staðsetja alla póstana og
semja ítarlega leiðarlýsingu sem þau
áttu að fylgja yfir helgina. Stóð það
verk fram á nótt og því voru fæstir
úthvíldir þegar hin eiginlega keppni
hófst kl. 6 á laugardagsmorgni.
Í rigningu eða slyddu, ákaflega
blautu færi og svartaþoku örkuðu
liðin milli póstanna frá dagrenningu
og fram yfir kvöldmatarleytið. Fyrir
flesta var það alveg ný reynsla að
ganga í óbyggðum með nokkurra
metra skyggni og ekkert haldbært
nema punkta á korti, áttavita og
hugsanlega GPS staðsetningartæki.
Fæstir höfðu heldur nokkurn tím-
ann gengið jafn langt á svo stuttum
tíma og ekki var færið heppilegt til
göngu, hvorki á skíðum né tveimur
jafnfljótum. Það voru því örþreyttir,
blautir og svangir skátar sem mættu
í skálana Þrymheim á Hengils-
svæðinu og í skála Orkuveitunnar í
Reykjadal um kvöldið. Stemmningin
var þó góð og menn í keppnisskapi
enda gangan ekki nema rúmlega
hálfnuð. Mestu keppnismennirnir
drifu sig á fætur fyrir allar aldir og
héldu keppninni áfram en aðrir
dekruðu við sig og slepptu nokkrum
póstum til að njóta lífsins eilítið leng-
ur í skálanum. Öllum var þó stefnt
aftur í Dalakot á hádegi og áttu allir
hópar að vera mættir þangað fyrir
kl. 2. Flestum hópum seinkaði miðað
við áætlaða tíma en allir skiluðu sér
þó að lokum í markið og var þá haf-
ist handa við að reikna út árangur
liðanna. Upp úr kafinu kom að liðið
Beygla hafði náð besta heildar-
árangrinum í keppninni og hlaut að
launum glæsilegar Cintamani Har-
aldur flíspeysur í boði Sportís ehf.
auk þess sem Íþrótta- og tóm-
stundaráð Reykjavíkur gaf sigurlið-
inu árskort í skíðalönd Reykvíkinga
næsta vetur. Bandalag íslenskra
skáta veitti sigurliðinu einnig að gjöf
hina veglegu bók Skátahandbókina.
Sérstök aukaverðlaun, útsýnisflug í
boði Flugskóla Íslands, hlaut Ak-
ureyrarliðið Team SAAB fyrir frá-
bæran árangur þrátt fyrir að þekkja
ekkert til staðhátta á Hellisheiði.
Einnig hlaut lið Cinquecento sérstök
aukaverðlaun, þriggja mánaða klif-
urkort frá Klifurhúsinu, fyrir besta
keppnisandann og ánægjuleg sam-
skipti við keppnisstjórn.
Aðstandendur keppninnar eru
þakklátir nokkrum aðilum sem
hjálpuðu til við að koma keppninni í
framkvæmd. Hjálparsveit skáta í
Reykjavík, Hjálparsveit skáta í
Kópavogi og Björgunarsveit Hafn-
arfjarðar lögðu til björgunarbif-
reiðar og aðstoðarfólk og Björg-
unarsveitin Suðurnes lagði til tvo
vélsleða auk mannskaps við keppn-
ina. Eiga þessar sveitir miklar þakk-
ir skildar fyrir liðlegheit og sam-
starfsvilja.
Göngugarparnir í Team
CCR létu sig ekki muna um
að stilla sér upp fyrir fram-
an snjólistaverkið sitt. Litla-
Skarðsmýrarfjall í baksýn.
Knár Akureyringur í Team
SAAB veður Hengladals-
ána upp á miðja kálfa.Skátar í erfiðum ratleik á Hellisheiði
Keppendur og hjálparsveitarfólk við Dalakot að keppni lokinni.