Morgunblaðið - 01.05.2002, Qupperneq 12

FRÉTTIR
12 MIÐVIKUDAGUR 1. MAÍ 2002 MORGUNBLAÐIÐ
SR. KRISTÍN Þórunn Tómasdóttir
telur að kirkjan eigi að tala afdrátt-
arlausar og taka afstöðu með sam-
kynhneigðum og hlusta á reynslu
þeirra. Þetta sagði hún í ræðu sem
hún hélt á fræðslufundi foreldra og
aðstandenda samkynhneigðra um af-
stöðu kirkjunnar til samkynhneigðar
og samkynhneigðra í Grensáskirkju
á laugardag sem bar yfirskriftina
„Um samkynhneigð – trú og sið-
fræði“ en um 70 manns sóttu fund-
inn. Kristín sagði kirkjuna eiga að
hafna hvers konar mismunun og láta
af því að horfa í gegnum fingur sér á
slíkt athæfi, alveg eins og kirkjan
hefur viljað eyða kynþátta- og kynja-
fordómum úr sínum röðum. „Við höf-
um ekki mikið umburðarlyndi gagn-
vart kynþáttahöturum og hví ættum
við að umbera fordóma út í kyn-
hneigð fólks?“ spurði Kristín.
Erindi hennar fjallaði um afstöðu
trúaðra til samkynhneigðar og sam-
kynhneigðra og sagði Kristín að al-
mennt væri erfitt að segja eitthvað
um trúaða sem hóp, annað en að þeir
séu trúaðir. Hún vitnaði í félags-
fræðilega könnun Björns Björnsson-
ar og Péturs Péturssonar á trúarlífi
Íslendinga frá árinu 1990. Kristín
sagði Íslendinga hafa mælst miklir
afstæðishyggjumenn og frjálslyndir
í málefnum siðferðis og einkalífs. Því
ættu þeir að vera í stakk búnir að
beita frjálslyndi sínu og afstæðis-
hugsun í afstöðu sinni til samkyn-
hneigðar og opna leið fyrir aukinn
skilning og umburðarlyndi í garð
þeirra.
Kristín sagði þó að fordæmandi af-
staða til samkynhneigðar virðist eiga
sér talsmenn í hópi trúaðra og þar
komi fyrst í hugann sértrúarsöfnuð-
ir. „Þar virðist hómófóbían ríða mjög
húsum og hinum guðlega vilja óspart
beitt fyrir vagninn. Sú er að mínu
mati síður raunin í þjóðkirkjunni þar
sem töluvert er lagt upp úr upplýstri
guðfræðilegri og siðfræðilegri um-
ræðu og sjónarmið byggð á þeirri
umræðu ættu að eiga auðveldara
uppdráttar. Þó finnst mér að þar á
bæ sé ekki gengið nógu vasklega
fram að afneita skilyrðislaust öllum
fordæmandi sjónarmiðum gagnvart
samkynhneigðum,“ sagði Kristín.
Hún nefndi að í hirðisbréfi til ís-
lensku kirkjunnar sem nýlega kom
út leggi Karl Sigurbjörnsson biskup
áherslu á að trúaðir verði að vera
sammála um að vera ósammála um
málefni samkynhneigðra. Hann vilji
ekki þvertaka fyrir að þeir sem for-
dæma samkynhneigð og vilja hafna
henni geti haft til þess gild guðfræði-
leg og biblíuleg rök. Ástæða þessar-
ar hvatningar er, að mati Kristínar,
líklega sú að mikilvægara er talið að
rjúfa ekki samstöðu hinna trúuðu en
að taka afstöðu í málinu og hafna for-
dæmingu samkynhneigðar.
Kirkjan tekur þátt í að brjóta
samkynhneigð ungmenni niður
Helga Sigurðardóttir, móðir 19
ára samkynhneigðs pilts, sagði þá
reynslu að eiga samkynhneigt barn
hafa breytt afstöðu hennar til kirkj-
unnar þó afstaða hennar til kristinn-
ar trúar sé enn sú sama. Hún sagði í
erindi sínu foreldra skíra börn sín í
þeirri trú að það sé það besta sem
þeir geti gert fyrir börnin sín og Guð
muni vel fyrir sjá. Hún sagði kirkj-
una, eða þá sem marka stefnu henn-
ar, hins vegar sá efakornum í huga
barns hennar og gera því ófært að
líða vel í kirkjunni sinni. Kirkjan
komi þannig í veg fyrir að barnið
hennar treysti Guði.
Helga sagði samkynhneigð ung-
menni verða fyrir erfiðri og sárs-
aukafullri reynslu í flestum tilfellum
þegar þau horfast í augu við samkyn-
hneigð sína. „Í stað þess að hugga,
elska og styrkja þau á einhverjum
erfiðasta tímapunkti í lífi þeirra tek-
ur kirkjan þátt í að brjóta þau niður,“
sagði Helga. „Kirkjan styður með af-
stöðu sinni og þögn sinni, þá sem
brjóta niður barnið mitt og telja því
trú um að ef það sé trútt tilfinningum
sínum og eðli sínu, þá sé það synd-
samlegt og muni lifa í ævarandi
skömm. Að ástartilfinningar þess
séu ekki fallegar og hreinar heldur
saurugar og því muni samband þess
við ástvin sinn aldrei hljóta vígslu og
blessun kirkjunnar,“ sagði í erindi
Helgu. Dr. Sólveig Anna Bóasdóttir
siðfræðingur fjallaði um samkyn-
hneigð og kristna siðfræði. Hún
sagði mikilvægt að hafa í huga að
skilningur kristinnar siðfræði á
ákveðnu málefni, eins og t.d. sam-
kynhneigð, þurfi ekki nauðsynlega
að fara saman við það viðhorf sem
kirkjan stendur fyrir á sama tíma.
Hún sagði marga samtíma siðfræð-
inga hafa fært rök fyrir samkyn-
hneigð sem hluta Guðs góðu sköp-
unar og að sjálf sé hún ein þeirra.
Foreldrar mikilvægustu
verndarar unglingsins
Sigrún Sveinbjörnsdóttir sálfræð-
ingur hélt framsögu sem bar yfir-
skriftina: Er barnið þitt samkyn-
hneigt eða hefur þú grun um að svo
sé? Hún sagði foreldra mikilvægustu
verndara unglingsins og því verði
þeir að gera sitt besta til að standa
sig gruni þeir að barn þeirra sé sam-
kyn- eða tvíkynhneigt.
Sigrún sagði gruninn eða vitneskj-
una trúlega koma flestum foreldrum
í opna skjöldu og þeir þurfi því að
endurmeta hugsun sína. Þeir verði
að afla sér þekkingar til að eyða eigin
fordómum og efla sinn persónulega
styrk. Vilji foreldrar að sonur þeirra
eða dóttir verði sterkur og heilbrigð-
ur hommi eða lesbía verði þeir sjálfir
að vera sterkir. Foreldrar geti fengið
stórfjölskylduna til samstarfs um að
standa vörð um velferð unglingsins.
Einnig geti þeir fundið aðra foreldra
í sömu sporum, leitað ráða hjá þeim
og fundið samhug. Þá sé mikilvægt
að reyna að fræða þá sem ekki
þekkja til samkynhneigðar og leggja
sitt af mörkum til að auka þekking-
arstig þjóðarinnar með því að vera
sýnileg og sjálfsögð.
Að loknum framsöguerindum gátu
fundargestir valið sér umræðuhóp
þar sem málefni samkynhneigðra,
kirkjunnar og foreldra og aðstand-
enda samkynhneigðra voru rædd.
Fræðslufundur foreldra og aðstandenda samkynhneigðra í Grensáskirkju
Kirkjan taki afstöðu
með samkynhneigðum
Morgunblaðið/Jim Smart
Sr. Kristín Þórunn Tómasdóttir, sem hér situr fyrir miðju, segir að
kirkjan eigi að hafna hvers konar mismunun. Trúaðir eigi að elska
náungann, þann samkynhneigða sem hinn gagnkynhneigða.
ÞORRI nemenda í Fjölbrautaskól-
anum í Garðabæ neituðu í gær að
mæta í kennslustund vegna
óánægju með uppsögn dönskukenn-
ara við skólann. Þorsteinn Þor-
steinsson skólameistari sagði að
umræddum kennara hafi ekki verið
sagt upp heldur væri ráðning-
arsamningur hans aðeins tíma-
bundinn til eins árs og myndi renna
út 31. júlí nk.
Þorsteinn segir mótmælin byggð
á misskilningi. „Okkur er uppálagt
að auglýsa stöðu eins og þessa þar
sem um tímabundna ráðningu er að
ræða. Það verður að fara eftir lög-
um og reglugerðum. Ég mun út-
skýra þetta fyrir nemendum. Málið
verður síðan afgreitt á skólanefnd-
arfundi. Þeir sem telja sig eiga
hagsmuna að gæta geta komið fram
skoðunum sínum á skólanefndar-
fundinum,“ sagði Þorsteinn.
Hann sagði að menn innan skól-
ans væru ekki ánægðir með allt í
starfi viðkomandi kennara. Tveir
aðrir kennarar hafi hætt störfum
vegna samstarfsörðugleika við
dönskukennarann. „Það er upp-
hlaup í skólanum út af þessu máli
sem við þurfum að leysa,“ sagði
Þorsteinn.
Staða dönskukennara við skól-
ann var auglýst um helgina.
Mótmæltu uppsögn
dönskukennara BORGARRÁÐ samþykkti í gærað heimila Ólafi F. Magnússyniborgarfulltrúa seturétt í borgar-
ráði sem áheyrnarfulltrúi. Er
það samkvæmt tilmælum
stjórnkerfisnefndar. Eftir eru
þrír fundir hjá borgarráði fram
að kosningum 25. maí nk.
Lögð var fram umsögn skrif-
stofustjóra borgarstjórnar um
málið. Þar segir að þrátt fyrir að
borgarfulltrúinn eigi ekki sjálf-
krafa rétt til setu sem áheyrn-
arfulltrúi í borgarráði verði að
líta svo á, með tilvísun til sveit-
arstjórnarlaga um sjálfstjórn
sveitarfélaga, að borgarráð geti
eigi að síður heimilað Ólafi setu í
borgarráði með málfrelsi og til-
lögurétt.
Fær áheyrn
í borgarráði
Ólafur F.
Magnússon
Ákærður
fyrir að
kaupa smygl-
að áfengi
LÖGREGLUSTJÓRINN í
Reykjavík hefur ákært mann
fyrir að kaupa rúmlega 240
lítra af áfengi sem hann hafi
mátt vita að var flutt inn með
ólöglegum hætti. Maðurinn
hefur neitað sök.
Samkvæmt ákæru voru 238
lítrar af ólöglega innfluttu
áfengi í bifreið hans þegar lög-
regla hafði afskipti af honum í
maí árið 2000. Tveimur dögum
áður hafi hann afhent öðrum
manni hluta af áfenginu til
geymslu en veitt hluta af því
viðtöku á ný þegar lögregla
stöðvaði hann.
Þá er hann ákærður fyrir að
eiga haglabyssu án þess að hafa
öðlast skotvopnaleyfi en byssan
fannst við húsleit lögreglu.
SAMÞYKKT var á ríkisstjórnar-
fundi í gær að tillögu Sólveigar
Pétursdóttur dómsmálaráðherra
að ríkisstjórnin veiti hálfa milljón
af ráðstöfunarfé sínu til Gamla
apóteksins á Ísafirði. Í Gamla apó-
tekinu er rekið forvarnarverkefni
gegn vímuefnanotkun ungs fólks.
Haldið er uppi margskonar starf-
semi þar sem ungt fólk getur
komið saman og sinnt áhugamál-
um sínum án vímuefna.
Til viðbótar framlagi af ráðstöf-
unarfé ríkisstjórnarinnar verður
hálfri milljón varið til stuðnings
þessari starfsemi af ráðstofunarfé
ráðherra, að sögn Yngva Hrafns
Óskarssonar, aðstoðarmanns
dómsmálaráðherra.
Aðstöðunni í gamla apótekinu
var komið á fót árið 2000 af áhuga-
fólki um forvarnir á norðanverð-
um Vestfjörðum. Var húsnæði
gamla apóteksins tekið á leigu þar
sem starfsemin fer fram.
,,Þarna er um að ræða kaffi- og
menningarhús með ýmiskonar að-
stöðu til tómstundaiðkunar.
Markmiðið er að ungmenni geti
komið þar saman til að skemmta
sér við uppbyggilegt tómstunda-
starf, án vímuefna,“ segir Yngvi
Hrafn.
Hefur skilað árangri í að
bæta unglingamenningu
Gamla apótekið er rekið sem
sjálfseignarstofnun og fjármögn-
uð að mestu með styrkjum. Að
sögn Yngva Hrafns er það sam-
dóma álit heimamanna að þessi
starfsemi hafi skilað árangri í
bættri unglingamenningu.
,,Þarna er um það að ræða að
ríkisstjórnin ákveður að leggja
hálfa milljón af ráðstofunarfé sínu
og ráðherra mun leggja hálfa
milljón á móti af sínu ráðstöfun-
arfé til þess að styrkja þessa
starfsemi. Það hafa verið nokkrir
fjárhagsörðugleikar og er verið að
vinna að því að leggja varanlegan
grundvöll að fjárhagslegri framtíð
þessa framtaks. Er þetta gert til
að brúa bilið á meðan á því stend-
ur.“
Ríkisstjórnin
samþykkir
stuðning við
Gamla apótekið
VARAFORSETI neðri deildar
rússneska þingsins, Dúmunn-
ar, Pjotr Romanov, verður í
opinberri heimsókn á Íslandi
dagana 2.–6. maí, í boði Hall-
dórs Blöndals, forseta Alþing-
is. Í för með Pjotr Romanov
verða þingmennirnir Farida
Gajnullina, Nikolaj Kiselev,
Nikolaj Sorokin, Viktor Topil-
in og aðstoðarforstöðumaður
alþjóðasviðs skrifstofu rúss-
neska þingsins.
Rússneski varaforsetinn og
fylgdarlið heimsækja Alþing-
ishúsið föstudaginn 3. maí og
munu eiga fund með forseta
Alþingis.
Sendinefndin frá rússneska
þinginu ræðir við Davíð Odds-
son forsætisráðherra og ráðu-
neytisstjóra utanríkisráðu-
neytisins, Sverri Hauk Gunn-
laugsson. Þá heimsækir hún
Ólaf Ragnar Grímsson, forseta
Íslands, á Bessastöðum.
Varaforsetinn og þingmenn
Dúmunnar munu snæða há-
degisverð með formanni og
nefndarmönnum í utanríkis-
málanefnd Alþings. Enn frem-
ur eiga þeir fund með fulltrú-
um þingflokka Sjálfstæðis-
flokks, Samfylkingarinnar,
Framsóknarflokks og Vinstri
hreyfingarinnar – græns fram-
boðs.
Á dagskrá rússnesku gest-
anna er heimsókn í Marel og
Hitaveitu Suðurnesja, auk
þess sem þeir munu skoða
Þingvelli og aðra sögustaði.
Varaforseti
Dúmunnar
heimsækir
Ísland