Morgunblaðið - 01.05.2002, Síða 37

UMRÆÐAN
MORGUNBLAÐIÐ MIÐVIKUDAGUR 1. MAÍ 2002 37
Á LANDSFUNDI
Samfylkingarinnar í
haust var samþykkt að
því yrði vísað til al-
mennra félaga að taka
afstöðu til aðildarum-
sóknar að Evrópusam-
bandinu.
Mikil umræða hefur
verið að undanförnu um
það hvort það komi til
greina að Íslendingar
gerist aðilar að banda-
laginu. Um það sýnist
sitt hverjum sem eðli-
legt er. Ýmsir forystu-
menn flokksins hafa lát-
ið að sér kveða í þessari
umræðu að undanförnu.
Í máli þeirra hefur komið fram
mjög eindreginn áhugi á að málið
verði skoðað með jákvæðum hætti og
jafnvel að látið verði reyna á umsókn.
Ég hef verið spurður hvort það væri
þegar ákveðið að flokkurinn ætli að
leggja til að sótt verði um inngöngu í
Evrópusambandið. En það er ekki
svo. Nú stendur yfir kynningarferli á
málinu og það er stefnt að því að
flokkurinn taki afstöðu með atkvæða-
greiðslu sem allt samfylkingarfólk
getur tekið þátt í á haustdögum.
Ég sat á Alþingi þegar samning-
urinn um hið evrópska efnahagssvæði
var samþykktur.
Ég greiddi atkvæði gegn honum
vegna þess mikla valdaafsals sem í
honum fólst. Reynslan
hefur sannað að við sem
héldum því fram að
valdaafsalið væri afar
mikið höfðum rétt fyrir
okkur. Það hefur hins
vegar reynst auðveld-
ara að lifa við valdaaf-
salið en við héldum.
Samt eru landsmenn og
sérstaklega alþingis-
menn öðru hvoru
minntir harkalega á að
fari Íslendingar ekki að
leikreglum Evrópusam-
bandsins sé samningur-
inn fyrir bí. En með
honum göngumst við
undir 80% af regluverkinu frá Bruss-
el. Samt berst enginn flokkur gegn
þessum samningi í dag en aftur á móti
vilja ýmsir ganga lengra með aðild-
arumsókn. Ég tel það fyllilega um-
ræðuvert hvort að í því skrefi að
ganga í bandalagið sé fólgið verjan-
legt valdaafsal og ætla ekki fyrr en
lengra líður á umræðuna um þetta
mál í flokknum að kveða upp úr með
mína afstöðu til þess. Eitt vil ég þó
taka fram. Ég tel að aðild geti alls
ekki komið til greina að óbreyttri fisk-
veiðistefnu hér á landi. En í henni er
er fólgin gífurleg efnahagsleg áhætta
gangi Ísland í Evrópusambandið. Þá
verður að fallast á það fyrr eða síðar
að erlend fyrirtæki geti fjárfest í sjáv-
arútvegi hér. Eftir það getur einka-
eignarhald veiðiréttarins færst á
stuttum tíma til einhverrar af stærstu
matvælakeðjunum á sambandssvæð-
inu. Arðurinn af nýtingu auðlindar-
innar streymir til þess aðila sem hefur
eignarhald á veiðiréttinum. Það hefur
einkaeignarhaldsfyrirkomulagið, sem
hér gildir, sannað svo ekki verður um
villst. Það nægir að benda á að fyr-
irtæki á Norðurlandi hafa í vetur „út-
vegað“ útgerðum netabáta á Suður-
nesjum kvóta og keypt af þeim fisk.
Fyrir þennan fisk hefðu fengist milli
tvö og þrjú hundruð krónur á mark-
aði. Útgerðin sem ber allan kostnað af
því að veiða þennan fisk hefur hins
vegar fengið fimmtíu krónur í sinn
hlut.
Væri „kvótaeigandinn“, t.d. mat-
vælakeðja á meginlandi Evrópu,
rynni arðurinn þangað en ekki inn í ís-
lenskt efnahagslíf. Þessi vandi verður
ekki leystur með „veiðgjaldsleið“ rík-
isstjórnarinnar. Það er hins vegar
hægt að leysa hann með því að fara þá
leið sem Samfylkingin hefur mótað en
með henni færist eignarhaldið í raun
aftur til þjóðarinnar og jafnræði
þeirra sem gera út kemst á að nýju.
Þangað til ákvörðun hefur verið tekin
um að fara slíka leið mun ég ekki taka
mér stöðu með fylgjendum aðildar og
mun þá litlu skipta þótt bent verði á
skynsamlegar leiðir til að leysa önnur
vandamál sem fylgja því að ganga í
Evrópusambandið.
Jóhann
Ársælsson
ESB
Ég tel að aðild geti alls
ekki komið til greina,
segir Jóhann Ársæls-
son, að óbreyttri fisk-
veiðistefnu hér á landi.
Höfundur er alþingismaður.
Innganga í
ESB kemur
ekki til greina
Í TÍMARITINU
,,Newsweek“ hinn 8.
apríl 2002 birtist grein,
sem ber nafnið
„Hydrogen Economy“
eða útlagt á íslensku
„vetnishagkerfi“. Í
þessari grein er farið
stórum orðum um þá
miklu möguleika, sem
vetnisvæðing ber í
skauti sér í framtíð-
inni, eins og stendur á
einum stað, „að vetnið
sé líklegast til að taka
við af olíunni, þegar
hún er þurrausin“. Þó
að nóg sé til af vetni,
eins og segir í grein-
inni, þá er það ekki til eitt og sér,
nema í litlu magni, heldur verður að
nota aðra orku til að vinna það.
Vetni er ekki orkugjafi heldur orku-
miðill. Þarna rekst allt á sama horn.
Nú á að nota Ísland sem tilraunadýr
í svokallaðri vetnisvæðingu, og fá
þau erlendu fyrirtæki, sem standa
að tilrauninni, styrk frá innlendum
stjórnvöldum, þ.e. skattfé okkar.
Þessu fé hefði mátt verja til að koma
upp kerfi strætisvagna, sem ganga
fyrir rafmagni án milligöngu vetnis,
sem verður mun dýrara. Það þarf
engar tilraunir til þess að taka raf-
knúna vagna í notkun, þar sem þeir
hafa verið í notkun í fjölda ára í
mörgum löndum. Það er til hreinnar
skammar, að rafknúin
farartæki, eins og
strætisvagnar, skuli
ekki hafa verið teknir í
notkun, í staðinn fyrir
að hreykja sér, út um
allan heim, af einhverj-
un órum, sem hugsan-
lega gætu komist í
gagnið eftir tugi ára.
Hvað er svo sérstakt
við Ísland, að hægt sé
að fullyrða, eins og
segir í greininni, „Ef
þetta gengur á Íslandi,
gengur það í öðrum
löndum. Þetta er hinn
fullkomni staður að
byrja á“?
Það stendur á einum stað í grein-
inni, að orkukostnaður á Íslandi sé
svo hár, að nauðsynlegt sé að finna
aðrar leiðir til að afla orku. Þetta er
nú náttúrlega vitleysa. Orkukostn-
aður myndi hækka verulega og
orkunýtnin minnka ef vetni væri
notað. Þannig að það er sóun á orku
að nota vetni.
Ég var að lesa það, að Daimler-
Chrysler væri nú að fara frá vetni
yfir í metanol „Necar 5“ með allt að
25% nýtni frá „tanki til vélar“ vegna
þess, að mjög erfitt er að byggja upp
dreifikerfi fyrir vetni. Manni dettur í
hug, hverju þeir taki næst upp á.
Vetni á Íslandi
Gísli
Júlíusson
Höfundur er rafmagns-
verkfræðingur.
Vetni
Vetni er ekki orkugjafi,
segir Gísli Júlíusson,
heldur orkumiðill.
Smáralind – opið alla virka daga kl. 11:00–19:00 og einnig er opið um helgar.
Skrifstofur VÍS í útibúum Landsbankans á Höfn í Hornafirði
og í Ólafsvík eru opnar frá kl. 9:15–16:00.
Sími 560 5000 í þjónustuveri Vís er opinn frá kl. 8:00–19:00 alla virka daga.
Skrifstofur VÍS eru opnar
frá kl. 8–16 alla virka daga í sumar.
Sumartíminn er kominn
M O N S O O N
M A K E U P
lifandi litir
Gjafavara – matar- og kaffistell .
All ir verðflokkar.
- Gæðavara
Heimsfrægir hönnuðir
m.a. Gianni Versace.
VERSLUNIN
Laugavegi 52, s. 562 4244.