Morgunblaðið - 10.05.2002, Qupperneq 31

MORGUNBLAÐIÐ FÖSTUDAGUR 10. MAÍ 2002 31
Verkfræðingafélag Íslandsog TæknifræðingafélagÍslands ræddu hugmynd-ir um mislæg gatnamót
Kringlumýrarbrautar og Miklu-
brautar á morgunverðarfundi í húsa-
kynnum félaganna á miðvikudag.
Fram kom að verkefnið væri enn í
mótun og að engin endanleg verk-
fræðileg lausn lægi fyrir á þessari
stundu þótt pólitískur vilji væri fyrir
því að fjölga mislægum gatnamót-
um, að því gefnu að þau verði byggð
niður í jörðina.
Stefán Hermannsson, borgar-
verkfræðingur og annar framsögu-
manna á fundinum, sagði að hug-
myndir um mislæg gatnamót væru
langt í frá nýjar af nálinni og að
skiptar skoðanir væru um byggingu
þeirra.
Stefán rifjaði upp að fyrstu hug-
myndir um mislæg gatnamót á þess-
um stað hefðu birst í Aðalskipulagi
Reykjavíkur frá árinu 1964. Þá hefði
Miklabrautin verið sýnd sem gegn-
umgangandi umferðaræð með öllum
gatnamótum mislægum og af sömu
gerð, þ.e. með svokölluðum tígul-
gatnamótum. Síðan þá hefðu nokkr-
um sinnum verið gerðar tilraunir
með að breyta gatnamótunum og at-
huganir og útfærslur unnar af ýms-
um aðilum.
Stefán benti á að á árunum 1995–6
hefði mikil vinna verið unnin í
tengslum við deili- og umferðar-
skipulag að Miklubraut. Skýrslan,
sem unnin var, hafi sýnt Miklubraut
út frá þremur valkostum en niður-
staðan varð sú að öllum hugmyndum
um mislæg gatnamót var hafnað.
Hann sagði að á síðustu misserum
hafi verið unnið að svæðisskipulagi
höfuðborgarsvæðisins þar sem betri
heildar- og framtíðarsýn um upp-
byggingu á höfuðborgarsvæðinu,
þéttingu byggðar og stefnmótun í
umferðarmálum hafi verið sett fram.
„Okkar sýn er í stórum dráttum
að gott þjónustustig sé á aðalstofn-
brautunum sem að mestu leyti séu
með mislægum gatnamótum. Þá
tryggjum við tiltölulega stutta ferða-
tíma og gott umferðaröryggi á þeim
leiðum,“ sagði hann.
Stefán bætti við að með þessu
móti yrði einnig bætt úr almennings-
samgöngum sem ættu greiðari leið
innan um almenna bílaumferð. Hug-
myndin væri að gefa strætisvögnum
forgang þegar ekið væri út af stofn-
brautunum, annaðhvort með sér-
stökum akreinum eða ljósum.
Hann sagði að rætt hafi verið um
að Kringlumýrarbrautin yrði með
þessum hætti niður að gatnamótum
við Sæbraut sem mundi stuðla að
góðri samfellu í stofnbrautakerfinu.
Stefán benti á að í Aðalskipulagi
Reykjavíkur 2001–2004, sem enn
ætti eftir að staðfesta, kæmi fram
pólitískur vilji um að fjölga mislæg-
um gatnamótum á þessum stöðum,
að því gefnu að mislæg gatnamót
verði byggð niður í jörðina. Þar kem-
ur fram að gegnumgangandi umferð
verði um Kringlumýrarbraut sem
fari ofan í jörðu. Umferð um Miklu-
braut verði þá stýrt að hluta með
ljósum.
Hann skýrði frá því að Vegagerðin
hefði á síðastliðnu hausti sett á lagg-
irnar vinnuhóp í samráði við Um-
hverfis- og tæknisvið Reykjavíkur-
borgar sem er að skoða möguleikana
á að auka umferðarafköst og bæta
lýti á gatnakerfinu með lítilsháttar
endurbótum á gatnamótum, þar með
talið ljósastýrðum gatnamótum.
Fram kom í máli Stefáns að hug-
myndir hefðu verið uppi um að setja
fjögurra fasa ljós í stað þriggja við
gatnamót Miklubrautar og Kringlu-
mýrarbrautar sem hefði í för með
sér að óvarðar vinstri beygjur á
gatnamótunum yrðu úr sögunni. Sú
lausn þýddi hins vegar að afköst
myndu minnka um 25% yrði ekkert
frekar að gert. Þá hafi einnig verið
uppi hugmyndir um að setja fjög-
urra fasa ljós á kvöldin og nóttunni
þegar flest slys verða á þessum stað.
Sagði Stefán að skoða þyrfti nánar
hvernig ökumenn myndu bregðast
við þeirri nýbreytni að ljós myndu
breytast eftir því hvenær dagsins
væri.
Fólksflutningabifreiðar
undir Miklubraut
Borgarverkfræðingur kom inn á
fleiri verkefni sem tengjast hugsan-
legum endurbótum á gatnamótun-
um, meðal annars hugmyndir um
nýja skiptistöð Strætó bs. undir
Miklubraut. Hugmyndin væri unnin
samhliða endurskoðun á leiðakerfi
Strætó þar sem ráðgert væri að
miðja almenningssamgöngukerfis-
ins verði sem næst miðju höfuðborg-
arsvæðisins. Þar yrði einnig enda-
stöð fyrir langferðabíla og tenging
við Flugrútuna en þær hugmyndir
yrði að skoða nánar í tengslum við
Samgöngumiðstöð sem samgöngu-
ráðuneyti hefur unnið að og hugsuð
hefur í grennd við Reykjavíkurflug-
völl.
Stefán kom einnig inn á stækkun
Kringlunnar, en Kringlan hefur sem
kunnugt er látið vinna tillögur að
stækkun verslanamiðstöðvarinnar í
nokkrum áföngum og er meðal ann-
ars gert ráð fyrir byggingu 17 þús-
und fermetra háhýsis á 20 hæðum
undir skrifstofuhúsnæði í fyrsta
áfanga. Stefán rifjaði upp áhyggjur
forsvarsmanna Kringlunnar af því
að umferð yrði beint framhjá Kringl-
unni með mislægum gatnamótum.
Sagði Stefán á móti að líkur á töfum í
umferðinni mundu aukast, yrði ekk-
ert að gert.
Gunnar Ingi Ragnarsson, verk-
fræðingur hjá verkfræðistofunni
Þverá, sagði að langflestar tillögur
um mislæg gatnamót við Kringlu-
mýrarbraut og Miklubraut miðuðu
að því að Miklabraut lægi undir
Kringlumýrarbraut. Sagði hann að
hugmyndir um að færa Kringlumýr-
arbraut undir Miklubraut væru ekki
fullnægjandi lausn þar sem ljós á
gatnamótum Listabrautar og á
gatnamótum Hálaeitisbrautar
mundu eftir sem áður stýra umferð-
inni að miklu leyti.
Gunnar Ingi ræddi einnig um mið-
stöð almenningssamgangna undir
Miklubraut sem sem ráðgert er að
verði 2 hektarar að flatarmáli eða 12
sinnum stærri en skiptistöðin á
Hlemmtorgi. Sagði hann hugsanlegt
að innangengt yrði í Kringlu úr stöð-
inni.
Kanna umferð á
framkvæmdatíma
Að lokinn framsögu var orðið laust
og bárust nokkrar fyrirspurnir.
Ragnar Atli Guðmundsson,
stjórnarformaður Kringlunnar,
sagðist áhugasamur um fjögurra
fasa lausnina við gatnamótin og
spurði hvernig stæði á að umferð
minnkaði þá um 25% á sama tíma og
úttekt sem Kringlan lét gera benti til
10% aukningar á afköstum umferð-
ar.
Borgarverkfræðingur sagði í svari
sínu að borgaryfirvöld myndu vinna
náið með forsvarsmönnum Kringl-
unnar þar sem farið yrði yfir þessi
mál, m.a. með aðstoð hermilíkans.
Hann ítrekaði jafnframt að 25%
lækkun á afköstum miðaðist við að
ekkert annað yrði gert til að greiða
fyrir umferð.
Spurt var hvert beina ætti um-
ferðinni á meðan á framkvæmdum
stæði við ný gatnamót og hugsan-
lega nýja miðstöð almenningssam-
gangna.
Gunnar Ingi sagði í svari sínu að
þetta væri eitt af stærstu vandamál-
unum sem menn stæðu frammi fyrir
og eftir væri að kanna nákvæmlega
hvaða lausnir myndu henta.
Ásgeir Eiríksson, framkvæmda-
stjóri Strætós bs., sagði í svari við
fyrispurn um hvort mönnum væri al-
vara með að setja skiptistöð undir
Miklubraut að verið væri að auka
þjónustu og staðsetningin væri best
til þess fallin að þjóna sveitarfélög-
unum sjö sem hún nær til. Nefndi
hann sem dæmi að algengustu um-
kvartanir farþega væru að þurfa að
bíða undir beru lofti í hvaða veðri
sem væri og stöðin myndi leysa þann
vanda að einhverju leyti.
Morgunblaðið/Golli
Góð aðsókn var að morgunverðarfundi verkfræðinga og tæknifræð-
inga í Verkfræðingahúsi þar sem ræddar voru hugmyndir um mislæg
gatnamót við Miklubraut og Kringlumýrarbraut.
Mislæg gatnamót
rædd í tæp 40 ár
Hugmyndir um gatnamót við Kringlumýrar- og
Miklubraut til umræðu í Verkfræðingahúsi
náttinni að undanförnu hafi karlarn-
ir lítið getað róið. „Þetta hefur verið
þokkalegt í vetur, en samt minna en
á sama tíma í fyrra,“ segir hann.
Góð steinbítsveiði er um þessar
mundir en framan af var það fyrst og
fremst þorskur og ýsa. 13 færabátar
og 10 litlir línubátar gera út frá Bol-
ungarvík auk þess sem nokkrir grá-
sleppukarlar eru á ferðinni. Gunnar
segir að búið sé að landa um 2.600
tonnum af bolfiski frá áramótum og
um 13.300 tonnum af loðnu en á
sama tíma í fyrra hafi verið landað
tæplega 3.000 tonnum af bolfiski og
um 20.000 tonnum af loðnu. „Þetta
hefur dregist svolítið saman,“ segir
hann og bætir við að stærri bátar
landi líka annað slagið í Bolungarvík.
„Allt fullt af þara og skít“
Mjög góð þorskveiði hefur verið
hjá Húsavíkurbátum frá áramótum,
að sögn Stefáns Stefánssonar, hafn-
arvarðar. „Það hefur verið mjög góð
veiði, hvort sem er í net eða á línu,“
segir hann, en að jafnaði hafi verið
10 til 12 minni bátar á netum, tveir á
dragnót og tveir stærri bátar á net-
um.
Grásleppuvertíðin hófst 20. mars
og segir Stefán að flestir séu nú í
henni. Veiði hafi gengið mjög vel en
um mánaðamótin hafi menn fengið
verkun á netin og hafi hann heyrt að
allt upp í 40 til 50 metrar hafi eyði-
lagst hjá mönnum. „Þetta var allt
fullt af þara og skít,“ segir hann og
bætir við að aflahæstu bátarnir séu
komnir með um 10 tunnur. Það sé
skárra en í fyrra en ekkert í sam-
anburði við það sem áður hafi
þekkst.
Þrír bátar frá Húsavík eru á út-
hafsrækjuveiðum en Stefán segir að
veiði hafi verið treg í heilan mánuð.
Tveir bátar hefðu t.d. landað á mið-
vikudag, annar með um 17 tonn og
hinn um 23 tonn. „Björg Jónsdóttir
var með um 23 tonn en þyrfti að vera
með um 30 tonn til að hafa upp í
kostnað,“ segir hann.
Alltaf líf á höfninni
„Það eru flestir bátarnir búnir að
draga upp netin og komnir á drag-
nót. Vertíðin sem slík hefur verið
ágæt en annars er ekkert að marka
þessar vertíðar miðað við það sem
áður var, flestir eru með stórriðin
net og eltast við stóra fiskinn,“ segir
Ragnar Lúðvíksson, hafnarvörður í
Ólafsvík. Hann segir dragnótarbát-
ana hafa fengið góðan afla, þannig
hafi Ólafur Bjarnason SH landað um
20 tonnum á miðvikudag, aðallega
ýsu. „Eins hafa trillurnar fengið
ágætan afla á færin, svona þegar
þær hafa komist á sjó en tíðin hefur
verið þeim óhagstæð í vor. En það er
að minnsta kosti alltaf líf á höfninni
og á meðan svo er höfum við ekki
áhyggjur,“ segir Ragnar.
rgun samkvæmt gömlum hefðum
iðafirði
nlands
Morgunblaðið/Hafþór
in að undanförnu, fallegan þorsk.
Morgunblaðið/Halldór Sveinbjörns
m hafa fengið góðan steinbítsafla að undan-
gar Gíslason, skipverji á Guðbjörgu ÍS, vænum
á línuna „utan hefðbundinna steinbítsmiða“.
n mánuð, með því
helgarfrí en síð-
ntanlega í slipp
eð hvað verður í
nar skipstjóri.
Morgunblaðið/Sverrir
myndinni er Vífill
vænan þorsk.
„TÍÐARFARIÐ hefur verið
leiðinlegt undanfarna 10
daga og á meðan hefur ver-
ið dálítil værð yfir fisk-
iríinu,“ sagði Þórður Magn-
ússon, skipstjóri á
frystitogaranum Þerney RE,
en skipið er nú á úthaf-
skarfaveiðum á Reykjanes-
hrygg. „Ég skal ekki segja
til um hvort veðrið hefur
beinlínis áhrif á fiskinn en
það er alltaf erfiðara að
eiga við veiðarnar í vondu
veðri. Skipin eru að fá í
kringum eitt tonn á togtím-
ann þessa stundina en okkur
finnst það ekki nóg.“
Íslensku togararnir á
Reykjaneshrygg eru að
veiðum um 30 sjómílur inn-
an landhelginnar en mikill
floti erlendra skipa stundar
veiðarnar við 200 mílna
landhelgislínuna. Þórður
segir að aflabrögð erlendu
skipanna séu síst betri en
þeirra íslensku. „Karfinn er
aðallega innan lögsögunar.
Hann virðist hinsvegar vera
nokkuð dreifðari en hann
hefur verið undanfarin ár.
Hann þjappar sér ekki eins
mikið saman og þá verður
hann mun erfiðari við að
eiga. Sennilega valda skil-
yrðin í hafinu þessu og við
vonum vitanlega að fisk-
urinn eigi eftir að þétta
sig.“
Þórður sagðist vera búinn
að draga um 700 tonn af
karfa upp úr sjó frá því að
veiðarnar hófust fyrr í vor
en stefnan væri að koma í
land með fullt skip, um
1.000 tonn. Hann segir að
afkoman af veiðunum sé
töluvert lakari en á und-
anförnum árum. „Við erum
að fá mun lægra verð fyrir
karfann í japönskum jenum
en undanfarin fimm ár og
þar að auki hefur gengi
krónunnar verið að styrkj-
ast. Afkoman er því ekki til
að hrópa húrra fyrir þessa
dagana,“ sagði Þórður.
Værð yfir
úthafskarfanum