Morgunblaðið - 21.05.2002, Blaðsíða 1

Morgunblaðið/Þorkell Þorkelsson
Í BORGINNI Jenín á Vesturbakkanum er það al-
geng sjón þessa dagana að sjá unga palestínska
drengi eins og þennan, sem sést á myndinni, leita
í rústum heimila sinna, í von um að finna eitt-
hvað af eigum sínum. Stundum leitar fólk einnig
ættingja, sem nú eru horfnir. Eyðileggingin eftir
aðgerðir Ísraela í flóttamannabúðunum í Jenín í
mars sl. blasir alls staðar við og hafa ísraelsk
stjórnvöld fyrir vikið verið sökuð um stríðs-
glæpi.
Rótað í rústunum í Jenín

Í rústum/24
117. TBL. 90. ÁRG. ÞRIÐJUDAGUR 21. MAÍ 2002 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 21. MAÍ 2002
PALESTÍNSKUR öfgamaður
sprengdi sjálfan sig í loft upp í norð-
urhluta Ísraels í gærmorgun, en
tókst ekki að valda neinum
meiðslum á fólki að öðru leyti. Þessi
misheppnaða árás kemur degi eftir
að Palestínumaður myrti þrjá Ísr-
aela er hann sprengdi sjálfan sig í
loft upp í bænum Netanya, norður af
Tel Aviv. Gáfu árásirnar mönnum
tilefni til að óttast að ný alda sjálfs-
morðsárása væri um það bil að
skella á í Ísrael.
Ekki er ljóst hverjir báru ábyrgð
á árásunum tveimur, en bæði Ham-
as-samtökin og Samstaða um frelsun
Palestínu (PFLP) höfðu lýst ábyrgð
á hendur sér á ódæðinu í Netanya.
Er Ísraelsstjórn sögð íhuga að hraða
mjög áætlunum um byggingu „varn-
arveggja“ sem aðskilja myndu Vest-
urbakkann og Ísrael, og þannig
tryggja öryggi ísraelskra ríkisborg-
ara. Þá réðst ísraelski herinn
skyndilega inn í Tulkarem í gær-
kvöldi í leit að meintum öfgamönn-
um.
Í Líbanon lést Jihad Jibril, sonur
harðlínumannsins Ahmeds Jibrils,
eins af leiðtogum PFLP, þegar
sprengja sprakk í bifreið hans í Beir-
út. Kenndu liðsmenn PFLP ísr-
aelsku leyniþjónustunni, Mossad,
þegar um verkið og hétu hefndum.
„Mossad tókst í þetta skipti að
myrða son minn en þeir hafa áður
gert fjórar árangurslausar tilraunir
til þess,“ sagði Ahmad Jibril á
fréttamannafundi í Damaskus í Sýr-
landi, en þar eru höfuðstöðvar
PFLP. Talsmaður ísraelska utanrík-
isráðuneytisins sagði staðhæfingar
þess efnis, að Ísraelar bæru ábyrgð
á morðinu, „algert kjaftæði“.
Óttast fleiri árásir
Jerúsalem, Beirút, Damaskus. AFP.
Ísraelum kennt
um morð í Beirút
DICK Cheney, varaforseti Banda-
ríkjanna, segir að „næsta öruggt“ sé,
að önnur hryðjuverkaárás verði gerð
í Bandaríkjunum, og geti það orðið
„á morgun, eða í næstu viku eða á
næsta ári“. Cheney og Condoleezza
Rice, þjóðaröryggisráðgjafi Banda-
ríkjaforseta, sögðu í sjónvarpsviðtöl-
um í fyrradag að þau hefðu engar
upplýsingar um yfirvofandi árásir,
en stjórnvöldum bærust sífellt fleiri
skýrslur frá leyniþjónustufulltrúum,
er vektu áhyggjur.
Robert Mueller, forstjóri alríkis-
lögreglunnar (FBI), tók í sama
streng í gær er hann sagði „óhjá-
kvæmilegt“ að sjálfsmorðsárásum
eins og þeim, sem Palestínumenn
hafa stundað í Ísrael, yrði á endan-
um beitt í Bandaríkjunum.
Demókratar hafa dregið mjög úr
gagnrýni sinni á stjórn George W.
Bush forseta vegna viðbragða
stjórnarinnar við upplýsingum er
hún fékk mánuðina áður en hryðju-
verkin voru framin í Bandaríkjun-
um. Jókst demókrötum sáttfýsin eft-
ir að forsetaembættið brást harka-
lega við gagnrýni þeirra og sakaði þá
um pólitíska tækifærismennsku,
með því að höfða til tilfinninga þeirra
er misstu ættingja í hryðjuverkun-
um.
Samkvæmt
niðurstöðum
kannana, er birt-
ar voru í gær, er
meirihluti Banda-
ríkjamanna sátt-
ur við það hvern-
ig ríkisstjórnin
tók á málum fyrir
11. september, í
ljósi þeirra upp-
lýsinga er stjórnin hafi haft.
Íslömsk fréttastofa í Bretlandi,
Ansaar, birti á sunnudaginn mynd-
band er sýnir Osama bin Laden, og
segir fréttastofan myndina hafa ver-
ið tekna fyrir tveimur mánuðum. Sé
það rétt hefur bin Laden lifað af
árásir Bandaríkjamanna á hryðju-
verkasamtök hans, al-Qaeda, í Afg-
anistan. Arabíska fréttasjónvarpið
al-Jazeera kvaðst aftur á móti hafa
fengið sama myndband fyrir þrem
eða fjórum mánuðum, og telur það
hafa verið tekið í október sl.
„Næsta öruggt“
að fleiri hryðju-
verk verði unnin
Washington. Washington Post, AFP, AP.
Dick Cheney
Búa í búð-
arglugg-
anum
London. AFP.
BRESK fjögurra manna fjöl-
skylda fluttist í gær búferlum –
a.m.k. um stundarsakir – en
fólkið mun næstu vikuna búa í
búðarglugga í einni af Harrods-
verslununum í London. Munu
viðskiptavinir geta fylgst með
hverri hreyfingu fólksins en
markmiðið er að kynna nýjar
tölvu- og tæknivörur fyrirtæk-
isins LG Electronics.
Svokallað „raunveruleika-
sjónvarp“ hefur notið mikilla
vinsælda í Bretlandi undanfarin
misseri, t.d. bandarísku þætt-
irnir „Survivor“ og bresk út-
færsla á þeim, „Big Brother“.
Þykir auglýsingaherferð Harr-
ods sækja nokkuð á sömu mið en
hægt verður að fylgjast með
fjölskyldunni á Netinu.
Raunar er um „gervifjöl-
skyldu“ að ræða því fjórmenn-
ingarnir, karl og kona um fer-
tugt og tveir námsmenn, sautján
og átján ára piltar, höfðu aldrei
hist áður, er þeir fluttu í sínar
nýju vistarverur í gær.
Fólkið mun búa í búðarglugg-
anum á opnunartíma og á hverj-
um degi mun það íklæðast nýj-
um fatnaði frá Harrods. Þá fær
það til afnota ýmsar vörur, s.s.
ísskáp sem um leið veitir aðgang
að Netinu og virkar sem sjón-
varp; þvottavél sem tengst get-
ur Netinu, sem og örbylgjuofn
er hefur sömu eiginleika.
BANDARÍSKA leikkonan Cameron Diaz horfði
til ljósmyndara er hún kom til að vera viðstödd
sýningu á hluta myndar leikstjórans Martins
Scorseses, „Gangs of New York“, á kvikmynda-
hátíðinni í Cannes í gær.
Scorsese, sem stendur við hlið Diaz, er talinn
meðal merkustu kvikmyndaleikstjóra samtím-
ans og hefur nýrrar myndar frá honum verið
beðið með eftirvæntingu um nokkurt skeið. Auk
Diaz leika þeir Leonardo DiCaprio og Daniel
Day Lewis stór hlutverk í „Gangs of New York“
en fregnir herma að upptökur hafi alls ekki
gengið áfallalaust, og hefur frumsýningu mynd-
arinnar ítrekað verið frestað.
Brosmild
í Cannes
Reuters