Morgunblaðið - 21.05.2002, Síða 48

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 21. MAÍ 2002 VERÐ Í LAUSASÖLU 190 KR. MEÐ VSK.
TVEIR karlmenn létust í umferðar-
slysum um hvítasunnuhelgina og
a.m.k. 15 manns voru fluttir á slysa-
deild Landspítala – háskólasjúkra-
húss eftir árekstra og bílveltur. Það
sem af er þessu ári hafa 11 manns lát-
ist í bílslysum.
Um þrjúleytið á laugardag beið
karlmaður á sextugsaldri bana þegar
bifreið sem hann ók lenti á ljósastaur
við Reykjanesbraut. Maðurinn var
einn í bílnum og var látinn þegar að
var komið. Sólarhring síðar lést rúm-
lega fimmtugur maður eftir að jeppi,
sem hann var farþegi í, valt í Eld-
hrauni, vestan við Kirkjubæjar-
klaustur. Þyrla Landhelgisgæslunnar
var send eftir honum en hann lést áð-
ur en komið var á sjúkrahús.
Sex manns voru fluttir á slysadeild
Landspítala – háskólasjúkrahúss í
Fossvogi á sunnudag eftir harðan
árekstur við Rauðhóla. Að sögn lög-
reglunnar í Reykjavík var bifreið ekið
á mikilli ferð aftan á bíl sem hafði
hægt á sér til að beygja til vinstri af
Suðurlandsvegi og upp afleggjarann
að Fjárborgum. Við áreksturinn kast-
aðist fremri bíllinn áfram um 20
metra. Fjórir voru í bílnum og voru
þeir allir taldir tognaðir á hálsi og
baki. Þeir voru fluttir á slysadeild auk
þeirra tveggja sem voru í hinum bíln-
um. Verulegar umferðartafir urðu á
Suðurlandsvegi vegna slyssins.
Hvítasunnuhelgin er jafnan mikil
ferðahelgi en lögreglumenn, sem
Morgunblaðið ræddi við, sögðu að
umferð hafi ekki verið tiltakanlega
þung framan af. Á sunnudag og í gær
jókst umferðin til muna og var þung-
ur straumur í átt að höfuðborgar-
svæðinu fram undir kvöld í gær.
Óli H. Þórðarson, framkvæmda-
stjóri Umferðarráðs, segir fórnina,
sem færð er í umferðinni, vera alltof
mikla. Sum slys verði vissulega vegna
utanaðkomandi aðstæðna, sem lítið sé
hægt að ráða við. Í vel flestum til-
fellum sé það hins vegar á valdi öku-
manna að koma í veg fyrir þau. Hann
kvaðst ekki þekkja ástæður slysanna
um helgina en í flestum tilfellum megi
kenna of miklum hraða um.
Ellefu látn-
ir í umferð-
arslysum
ÁRSFUNDUR Alþjóðahvalveiði-
ráðsins, sem haldinn er í Japan, hafn-
aði aðild Íslands að hvalveiðiráðinu.
Tillaga formanns ráðsins um að ekki
bæri að líta á aðildarskjal Íslendinga,
sem Ísland lagði fram í síðustu viku,
sem nýtt aðildarskjal var samþykkt
með 25 atkvæðum gegn 20. Stefán
Ásmundsson, formaður íslensku
sendinefndarinnar á ársfundinum,
segir að á fundinum hafi verið brotið
gróflega gegn þjóðréttarlegum
reglum, stofnsáttmála og fundarsköp-
um ráðsins þegar samþykkt var að
hafna aðild Íslendinga að ráðinu.
Ísland hugðist gerast aðili að hval-
veiðiráðinu í fyrra með þeim fyrirvara
að mótmæla banni á hvalveiðum í at-
vinnuskyni sem samþykkt var 1986.
Hvalveiðiráðið tók sér hins vegar það
vald að hafna fyrirvörunum og þar
með aðild Íslands. Í síðustu viku lagði
Ísland fram nýtt aðildarskjal þar sem
Íslendingar lýstu því yfir að þeir
skuldbyndu sig til að hefja ekki at-
vinnuveiðar fyrr en lokið væri vinnu
við svokallaðar endurskoðaðar veiði-
reglur sem unnið hefur verið að um
árabil. Formaður ráðsins taldi hins
vegar að ekki bæri að líta á þetta skjal
sem nýtt aðildarskjal og var það sam-
þykkt. Ekki var því tekin efnisleg af-
staða til þeirrar spurningar hvort
hvalveiðiráðið hefði vald til að úr-
skurða um lögmæti fyrirvara Íslands,
en Stefán segir að meirihluti þeirra
þjóða sem sitji í hvalveiðiráðinu hafi
stutt afstöðu Íslands í því máli þó að
sum þeirra fylgi ekki sjónarmiðum Ís-
lands um nýtingu hvalastofna.
Árni Mathiesen sagði að með þessu
móti hefði með valdi verið komið í veg
fyrir að hvalveiðiráðið greiddi at-
kvæði um hvort það væri til þess bært
að taka afstöðu til aðildarskjals Ís-
lendinga, og þær þjóðir, sem vænt-
anlega hefðu greitt atkvæði í slíkri at-
kvæðagreiðslu í samræmi við sjónar-
mið Íslendinga, þótt þær væru and-
vígar hvalveiðum, hefðu hlaupið í
skjól með því að greiða tillögu for-
manns hvalveiðiráðsins atkvæði.
Hann sagði ekki ljóst hvaða skref Ís-
land myndi taka næst í þessu máli, en
því færi fjarri að öll sund væru lokuð.
Ársfundur Alþjóðahvalveiðiráðsins í Japan
Nýju aðildarskjali
Íslands var hafnað

Aðild Íslands/4
SVIFFLUG er eitt af þeim áhuga-
málum sem menn geta illa sinnt á
veturna en þegar vorar hleypur
svifflugmönnum kapp í kinn og
vilja þeir drífa sig á loft til að
leita að almennilegu uppstreymi.
Svifflugurnar eru í flestu líkar
venjulegum flugvélum nema að
engin er vélin og lengd vængj-
anna er hlutfallslega talsvert
meiri.
Svifflugmenn læra fljótt að lesa
í veðrið enda háðari aðstæðum í
háloftunum en þeir sem fljúga
fyrir vélarafli. Við góðar að-
stæður komast bestu svifflug-
urnar upp í um 280 km hraða á
klukkustund og geta haldist á
lofti klukkutímum saman.
Sandskeið hefur lengi verið
höfuðvígi svifflugmanna en þar
hefur Svifflugfélag Íslands haft
aðstöðu frá 1936. Hér sést þegar
kennslusviffluga félagsins er í
þann mund að tylla sér á völlinn.
Morgunblaðið/Árni Sæberg
Vængjum
þöndum

Ævidella/6
„AGNDOFA og orðlaus var eina
rétta lýsingin á hugarástandi und-
irritaðs eftir magnaða tónleika
bandarísku sópransöngkonunnar
June Anderson fyrir troðfullu Há-
skólabíói í gær. Hún kom, söng og
sigraði,“ segir tónlistargagnrýn-
andi Morgunblaðsins um einsöngs-
tónleika Anderson og undirleikara
hennar, Jeff Cohen, í gær. Söng-
konan vann hug og hjörtu áheyr-
enda og var klöppuð upp marg-
sinnis í lokin með dynjandi lófa-
klappi.
„Tjáningarkraftur, yfirburða
stílkennd og lýtalaus fjölhliða radd-
beitingartækni,“ segir ennfremur í
umsögn um tónleikana og vafalaust
hafa viðstaddir verið sammála
þeirri niðurstöðu að aukalögin tvö,
„Vals Juliettes (Gounod) og Can’t
Help Lovin’ dat Man úr Showboat
Kerns, urðu aðeins til að renna
frekari stoðum undir það sem þeg-
ar var lýðum ljóst. June Anderson
hafði komið, sungið og sigrað“.
Morgunblaðið/Ómar
Tjáningarkraft-
ur og yfirburðir

Komin til að syngja/18
Lömpum
stolið úr
gróðurhúsi
BROTIST var inn í gróðurhús í
Landbúnaðarháskólanum á Hvann-
eyri aðfaranótt sl. laugardags og
lömpum, sem notaðir eru til lýsingar
við ræktunina, stolið. Samkvæmt
upplýsingum sem fengust hjá lög-
reglunni í Borgarnesi í gær hefur
ekki tekist að upplýsa hver eða
hverjir voru að verki en málið er í
rannsókn.
Haft er eftir Magnúsi B. Jónssyni,
rektor landbúnaðarháskólans, í vef-
útgáfu Skessuhorns um helgina að
um sé að ræða mjög sérstakan bún-
að, sem óvíða sé notaður. Magnús
segir að innbrotsþjófarnir hafi geng-
ið mjög snyrtilega um og þar hafi
greinilega verið á ferð fólk sem hafi
vit á gróðri og beri virðingu fyrir
honum. Er hann var spurður hvort
líklegt væri að þjófarnir hygðu á ein-
hverskonar ólöglega ræktun sagði
hann, að ljóst væri að þeir ætluðu sér
ekki í gúrkurækt.