Morgunblaðið - 04.06.2002, Síða 42

MINNINGAR
42 ÞRIÐJUDAGUR 4. JÚNÍ 2002 MORGUNBLAÐIÐ
Langþráð var hvíld-
in, þegar hún mamma
sofnaði loks svefninum
langa. Hún hafði oft orð
á því við mig að vilja
ekki verða öðrum til
byrði.
Þetta var á þeim árum þegar hún
fór að finna fyrir vanmætti sínum og
gleymsku. Sannarlega velti ég þessu
oft fyrir mér hvort þetta eða hitt væri
eðlileg gleymska.
Hægt og sígandi versnaði ástandið
og átti hún erfitt með að þiggja að-
stoð. Erfitt og seinlegt reynist að
greina þessa sjúkdóma, en loksins
kom niðurstaðan, heilabilun af völd-
um tíðra blóðtappa.
Þvílík þrautaganga öll þessi ár.
Alla tíð hafði hún verið heilsugóð
og ég man satt að segja ekki eftir að
henni hafi orðið misdægurt. Sjálf-
stæð og dugleg að bjarga sér og gerði
það sem gera þurfti vandræðalaust.
Hinir gleymdu þolendur erum við,
aðstandendur heilabilaðra, gjarnan
nefndir og tel ég að aðstandendur
gangi jafnvel í gegnum sorgarferli.
Ómetanlegt starf er unnið af Fé-
lagi aðstandenda alsheimersjúk-
linga, bæði fyrir skjólstæðinga sína
og ekki síður fyrir aðstandendur.
Haldnir eru fræðslu- og stuðnings-
fundir og tækifæri gefst til að hitta
aðra í sömu aðstöðu.
Eftir á tel ég að betra sé að komast
í þessi kynni fyrr en seinna, helst á
meðan sjúklingur býr heima.
Þú hvarfst
þér sjálfum og okkur
hvarfst
inn í höfuð þitt
dyr eftir dyr luktust
og gátu ei opnast á ný
þú leiðst
hægt á brott
gegnum opnar bakdyr
bústaður sálarinnar
er hér enn
en stendur auður
sál þín er frjáls
líkaminn þinn hlekkjaður
við líf
sem ekki er hægt að lifa
þú horfir fram hjá mér
tómum augum
engin fortíð
engin framtíð
engin nútíð
við fengum aldrei að kveðjast.
(Þýð. Reynir Gunnlaugsson.)
Mamma var fædd og uppalin á Ísa-
firði og átti góða æsku með foreldr-
MARÍA
HELGADÓTTIR
✝ María Helgadótt-ir fæddist á Ísa-
firði 25. september
1914. Hún lést á
hjúkrunarheimilinu
Skógarbæ 22. mars
síðastliðinn og var
útför hennar gerð
frá Ísafjarðarkirkju
5. apríl.
um og tveimur yngri
systkinum.
Hún fór ung í hús-
mæðraskóla í Dan-
mörku og lærði síðan
saumaskap í Reykjavík
og bjó að þessu alla tíð.
Hún var mikill lista-
kokkur og saumakona
mjög flink.
Vandvirknin og ná-
kvæmnin við handverk-
ið er mér minnisstæð
og brýndi hún það
ávallt fyrir mér.
Hún giftist föður
mínum, Gunnari Þor-
steini Þorsteinssyni, klæðskera á
Ísafirði, en hann lést aðeins 41 árs úr
krabbameini. Aðstæður hennar gjör-
breyttust, hún fór að vinna úti og
vann lengst af hjá Landsíma Íslands
eða um 30 ár, fyrst á Ísafirði og síðan
í Reykjavík.
Foreldrar mínir spiluðu mikið, að-
allega brids og hafði hún alla tíð
mikla ánægju af því. Einnig lék hún á
píanó fyrst og fremst fyrir sjálfa sig.
Hún var dugleg að sækja tónleika og
ferðaðist einnig töluvert meðan heils-
an leyfði.
Mig langar til að þakka samstarfs-
konum hennar hjá Landsíma Íslands
fyrir ræktarsemina, að bjóða henni í
kaffi hjá eldri símafélögum og ferða-
lög, jafnvel þegar svo langt var liðið á
hennar sjúkdóm að hún þurfti mann-
inn með sér. Þetta veitti henni mikla
gleði þótt engar væru fréttirnar þeg-
ar heim var komið.
Eftir að mamma hætti að vinna fór
hún að stunda starf eldri borgara í
Gerðubergi undir stjórn Guðrúnar
Jónsdóttur og það reyndist okkur
mikil hjálp þegar minnistapið ágerð-
ist. Síðasta veturinn sem hún var
heima tóku þau hana að sér 3 daga í
viku þrátt fyrir að reka opið hús.
Einnig var hún í Múlabæ aðra daga.
Mamma fékk pláss á sambýlinu
Foldabæ undir stjórn Guðrúnar Kr.
Þórsdóttur. Mér fannst það á við
happdrættisvinning, yndislegur
staður með frábæru starfsfólki, þar
sem áhersla er lögð á þátttöku í
heimilishaldi en það á vel við konur af
þessari kynslóð, sem flestar voru
fyrst og fremst húsmæður á sínu
heimili.
Þar kom að heilsan leyfði ekki
lengur veru á sambýlinu og fór hún á
Landakot í hálft ár við gott atlæti.
Þegar hjúkrunarheimilið Skógar-
bær var opnað fékk hún þar pláss og
hlaut frábæra umönnun og hlýju frá
Maríu Ríkharðsdóttur, Björgu
Helgadóttur og öllu starfsfólki í
Efstabæ.
Ég vil enn og aftur þakka öllu
þessu fólki, sem og öldrunarlæknun-
um Jóni Snædal og Jóni Eyjólfi Jóns-
syni fyrir alla þá hjálp, elskusemi og
stuðning sem við fjölskylda Maríu
höfum fengið.
Sigrún Gunnarsdóttir.
Hallgrímskirkja. Fyrirbænaguðsþjónusta í
dag kl. 10.30. Beðið fyrir sjúkum.
Fríkirkjan í Reykjavík. Kyrrðar- og bæna-
stund í dag þriðjudag kl. 12 í kapellu safn-
aðarins á 2. hæð í safnaðarheimili kirkj-
unnar, Laufásvegi 13. Allir velkomnir til
þátttöku.
Breiðholtskirkja. Bænaguðsþjónusta með
altarisgöngu kl. 18.30. Bænaefnum má
koma til sóknarprests í viðtalstímum hans.
Hjallakirkja. Bæna- og kyrrðarstund kl. 18.
Kópavogskirkja. Foreldramorgunn í dag í
safnaðarheimilinu Borgum kl. 10–12.
Seljakirkja. Mömmumorgunn. Opið hús
milli kl. 10–12. Kaffi og spjall.
Vídalínskirkja. Opið hús fyrir eldri borgara í
safnaðarheimilinu Kirkjuhvoli kl. 13–16.
Spilað og spjallað. Blöðin liggja frammi og
heitt á könnunni. Stutt ferð á vegum starfs-
ins einu sinni í mánuði í sumar. Allir vel-
komnir.
Víðistaðakirkja. Kyrrðar- og fyrirbæna-
stund með Taizé-söngvum í dag kl. 18.
Hægt er að koma fyrirbænaefnum til sókn-
arprests eða kirkjuvarðar.
Hafnarfjarðarkirkja. Opið hús fyrir 10–12
ára börn í safnaðarheimilinu Strandbergi,
Vonarhöfn, frá kl. 17–18.30.
Lágafellskirkja. Kirkjukrakkafundur í Lága-
fellsskóla frá kl. 13.15–14.30.
Grindavíkurkirkja. Foreldramorgnar alla
þriðjudaga kl. 10–12.
Hveragerðiskirkja. Foreldramorgnar
þriðjudagsmorgna kl. 10–11.30.
Borgarneskirkja. TTT tíu til tólf ára starf
alla þriðjudaga kl. 17–18. Helgistund í
kirkjunni sömu daga kl. 18.15– 19.
Þorlákskirkja. Fermingarfræðsla í dag kl.
13.40.
Hvammstangakirkja. Æskulýðsfundur í
Hrakhólum í kvöld kl. 20.
Krossinn. Almenn samkoma kl. 20.30 í
Hlíðasmára 5. Allir velkomnir.
Kefas. Bænastund og brauðsbrotning kl.
20.30. Allir velkomnir.
Akureyrarkirkja. Morgunsöngur kl. 9.
Glerárkirkja. Kyrrðarstund í dag kl. 18.10.
Safnaðarstarf
Hallgrímskirkja
EINS og undanfarin ár eru
sumarguðsþjónustur eldri
borgara í Reykjavíkurpró-
fastsdæmum. Þær eru sam-
starfsverkefni Ellimálaráðs
Reykjavíkurprófastsdæma og
safnaðanna sem taka á móti
okkur hverju sinni.
Að þessu sinni verður guðs-
þjónustan í Grensáskirkju mið-
vikudaginn 5. júní kl. 14. Sr.
Ólafur Jóhannsson predikar og
þjónar fyrir altari. Sönghópur
leiðir söng undir stjórn Árna Ar-
inbjarnarsonar organista.
Á eftir verða veitingar í boði
Grensássóknar. Allir eru vel-
komnir.
Sumarguðs-
þjónusta
eldri borgara
Morgunblaðið/Arnaldur
Grensáskirkja
✝ Ragnar Ólafssonfæddist á Birnu-
felli í Fellum 7. októ-
ber 1920. Hann and-
aðist á Fjórðungs-
sjúkrahúsinu í
Neskaupstað 28. maí
síðastliðinn. Hann
var sonur hjónanna
Ólafs Bessasonar, f.
5.8. 1878, d. 28.5.
1954, bónda og lengi
oddvita á Birnufelli,
og Björgheiðar Pét-
ursdóttur, f. 6.11.
1882, d. 14.9. 1960,
ljósmóður frá Egils-
seli í Fellum, seinni konu hans.
Alsystir Ragnars var Þórunn
Kristín, f. 9.12. 1921, d. sept.
1946. Fyrri kona Ólafs var Þór-
unn Kristrún Bjarnadóttir, f. 9.5.
1870, d. 9.12. 1907. Systur Ragn-
ars samfeðra voru: 1) Anna, f.
29.8. 1902, d. 14.10. 1987, hús-
freyja í Gunnhildargerði í Hró-
arstungu, gift Jóni Sigmunds-
syni, f. 25.10. 1898, d. 18.5. 1957,
bónda, eignuðust
átta börn. 2) Björg,
f. 22.2. 1904, d. 1.5.
1988, húsfreyja í
Miðhúsaseli í Fell-
um, gift Sveini Ein-
arssyni, f. 3.12.
1909, d. 2.9. 1994,
bónda og hleðslu-
manni frá Hrjót,
eignuðust þrjú börn.
3) Birna, f. 11.7.
1905, d. 30.12. 1980,
húsfreyja á Birnu-
felli, gift Friðriki
Helgasyni, f. 11.7.
1903, d. 19.12. 1967,
bónda, eignuðust tvö börn.
Ragnar var ókvæntur og barn-
laus. Hann bjó á Birnufelli alla
sína tíð. Hann tók við búi af föður
sínum á móti hálfsystur sinni
Birnu og manni hennar Friðriki.
Eftir að Friðrik maður Birnu dó
bjuggu þau systkinin saman.
Útför Ragnars verður gerð frá
Áskirkju í Fellum í dag og hefst
athöfnin klukkan 14.
Nú sé ég hann Ragnar frænda
minn ekki aftur í lifanda lífi því
hann er farinn á fund forfeðra
okkar. Ragnar tekur ekki lengur á
móti mér á pallinum sínum með
pípu í hendi og segir: „Nei, Halla,
ert þú komin? Og hvenær komstu?
Og hvernig var færðin og veðrið?“
Hann var af þeirri kynslóð sem
átti allt sitt undir veðri og taldi
ferðalög til tíðinda. Ragnar var á
áttugasta og öðru aldursári er
hann lést. Ragnar ræddi oft við
mig sem aðra um ættfræði og at-
burði úr liðinni tíð. Það var oftar
en ekki, að ég var ekki alveg með
á nótunum um málefnið eða ætt-
artengslin og svaraði aðeins: „Það
held ég sé rétt,“ eða „Jú, er það
ekki?“ Nú er þessi fróðleikur
frænda að mestu horfinn með hon-
um, en eitthvað man ég, því hann
var ósínkur á að segja mér sömu
sögurnar aftur og aftur.
Það voru margir sem komu til
Ragnars á Birnufelli, bæði af hér-
aði og víðar að. Þá var spjallað um
allt milli himins og jarðar því
frændi var vel heima um flest mál-
efni. Gestir sátu oft lengi hjá
Ragnari, því hann hafði lag á því
að fá sem mest út úr hverjum
gesti. „O, það liggur nú ekkert á.
Þú verður nú allavega að fá þér
kaffi,“ sagði hann oftar en ekki.
Og þá hellti hann upp á og tíndi
fram alls kyns kræsingar, því
Ragnar kunni vel að taka á móti
gestum. Hann frændi minn fór
ekki oft að heiman og ekki víða.
En það var undravert hvað hann
vissi um staðhætti, landgæði og
fólk víðsvegar að af landinu, enda
áhugasamur um land og þjóð.
Þennan fróðleik fékk Ragnar úr
bókum og af samtölum við fólk, því
hann var stálminnugur.
Ragnar fór allra sinna ferða allt
fram á síðasta dag á fjórhjóli eða
vélsleða til þess að heilsa upp á
nágranna sína og um landareign-
ina til þess að horfa eftir henni
„táslu“ eða tófunni, sem honum
var ekki vel við. Oft stuggaði hann
líka við hreindýrunum úr skóg-
ræktinni því þau eru miklir skað-
valdar í trjánum.
Því fækkar óðum fólkinu, sem
setti svip á sveitina mína í bernsku
minni. Fólkinu, sem ég bar virð-
ingu fyrir og mótaðist af. Ég vil
þakka þér, frændi, fyrir góðvildina
við mig og fjölskyldu mína. Stund-
irnar, sem við áttum saman við bú-
skapinn og yfir kaffibollanum.
Vert þú sæll, frændi, og far þú
sáttur. Minning þín lifir með okk-
ur.
Þín frænka,
Þórhalla Sigmundsdóttir
og fjölskylda.
RAGNAR
ÓLAFSSON
Minningarkort
Krabbameinsfélagsins
540 1990
krabb.is/minning
S. 555 4477
555 4424
Erfisdrykkjur
við Nýbýlaveg, Kópavogi Sími 562 0200
Erfisdrykkjur
MORGUNBLAÐIÐ tekur afmælis- og minningargreinar til birtingar
endurgjaldslaust. Greinunum er veitt viðtaka á ritstjórn blaðsins í
Kringlunni 1, Reykjavík, og á skrifstofu blaðsins í Kaupvangsstræti 1,
Akureyri. Þá er enn fremur unnt að senda greinarnar í símbréfi (569
1115) og í tölvupósti (minning@mbl.is). Nauðsynlegt er, að símanúmer
höfundar/sendanda fylgi.
Um hvern látinn einstakling birtist formáli, ein uppistöðugrein af
hæfilegri lengd, en aðrar greinar um sama einstakling takmarkast við
eina örk, A-4, miðað við meðallínubil og hæfilega línulengd, – eða 2.200
slög (um 25 dálksentimetra í blaðinu). Tilvitnanir í sálma eða ljóð tak-
markast við eitt til þrjú erindi. Greinarhöfundar eru beðnir að hafa
skírnarnöfn sín en ekki stuttnefni undir greinunum.
Við birtingu afmælisgreina gildir sú regla, að aðeins eru birtar grein-
ar um fólk sem er 70 ára og eldra. Hins vegar eru birtar afmælisfréttir
ásamt mynd í Dagbók um fólk sem er 50 ára eða eldra.
Mikil áhersla er lögð á, að handrit séu vel frá gengin, vélrituð eða
tölvusett. Sé handrit tölvusett er æskilegt, að disklingur fylgi útprent-
uninni. Það eykur öryggi í textameðferð og kemur í veg fyrir tvíverknað.
Auðveldust er móttaka svokallaðra ASCII-skráa sem í daglegu tali eru
nefndar DOS-textaskrár. Þá eru ritvinnslukerfin Word og Wordperfect
einnig auðveld í úrvinnslu.
Birting afmælis- og
minningargreina
KIRKJUSTARF