Morgunblaðið - 11.10.2002, Blaðsíða 4

FRÉTTIR
4 FÖSTUDAGUR 11. OKTÓBER 2002 MORGUNBLAÐIÐ
MEIÐUR ehf. keypti í gær 12,6% í
Kaupþingi og á nú 20,8% í félaginu.
Þar með er Meiður orðinn stærsti
hluthafi Kaupþings, en Kaupþing er
jafnframt stærsti hluthafi Meiðs með
44% hlut. Meiður hét áður SP eign-
arhaldsfélag ehf. og átti 8,2% í Kaup-
þingi. Í kjölfar þess að Kaupþing
gerðist hluthafi í Meiði hefur hann
keypt hlutabréf Sparisjóðs Reykja-
víkur og nágrennis í Kaupþingi.
SPRON átti 12,6% hlutafjár, sem
Kaupþing hafði sölutryggt í tengslum
við kaup SPRON á Frjálsa fjárfest-
ingarbankanum af Kaupþingi fyrir
skömmu.
Meiður keypti bréfin á genginu 13
og greiddi því tæpa 2,7 milljarða
króna fyrir þau, en nafnverð bréfanna
eru tæpar 205 milljónir króna.
Fyrirmyndin sótt til Svíþjóðar
Sigurður Einarsson, forstjóri
Kaupþings, segir að fyrirmyndin að
þessu sé sótt til Svíþjóðar. Þetta sé
svipað og tengslin milli Svenska
Handelsbanken og Industrivärden,
en Svenska Handelsbanken sé
stærsti hluthafi í Industrivärden sem
síðan sé stærsti hluthafinn í Svenska
Handelsbanken.
Sigurður segir að einnig hafi legið
fyrir að Sparisjóður Reykjavíkur og
nágrennis hafi viljað selja bréf sín í
Kaupþingi og með hluthafana í huga
hafi verið talið óheppilegt að of mikið
framboð yrði af bréfum í félaginu.
Menn hafi því orðið ásáttir um þessa
lausn, sem hann sagðist álíta ágæta.
Spurður að því hvort þetta tengdist
því að sumir hefðu einnig talið hættu
á miklu framboði bréfa í Kaupþingi
vegna fyrirhugaðrar sameiningar við
Auðlind og fjárfestingar í Svíþjóð
segist Sigurður telja að menn ofmætu
framboðið sem yrði vegna þeirra
hugsanlegu viðskipta.
Sigurður segir gott að kominn sé
nokkuð stór og afgerandi fjárfestir
inn í Kaupþing.
Eina breytingin í hluthafahópi og
hlutafjáreign SP eignarhaldsfélags
ehf. við breytingu þess yfir í Meið ehf.
er að Kaupþing kemur inn í félagið og
hlutafjáreign annarra minnkar því í
samræmi við það. Kaupþing á 44% í
Meiði og er stærsti hluthafi félagsins.
Næststærsti hluthafinn er SPRON,
en fyrir stækkun og nafnbreytingu
félagsins átti SPRON 42% og á því nú
tæp 24%. Aðrir hluthafar eru Spari-
sjóðurinn í Keflavík, Sparisjóðabanki
Íslands hf., Sparisjóður Mýrasýslu,
Sparisjóður Húnaþings og Stranda,
Sparisjóður Siglufjarðar, Sparisjóður
Svarfdæla og Sparisjóður Vestfirð-
inga. Sigurður segir að markmiðið sé
að útvíkka starfsemi Meiðs og hann
segist telja að þetta geti orðið öflugt
fjárfestingarfélag. Ýmsar hugmyndir
séu uppi um útvíkkun starfseminnar,
en of snemmt sé að skýra frá þeim að
svo stöddu.
Kaupþing ræddi við Shell
Spurður að því hvort ein af þessum
hugmyndum tengist eignarhlut
Kaupþings í Skeljungi og hvort þau
viðskipti sem þar hafa átt sér stað
spili þarna inn í segir Sigurður að svo
sé ekki. Aðspurður staðfestir Sigurð-
ur hins vegar að aðilar frá Kaupþingi
hafi rætt við menn frá Shell Petrol-
eum. Shell Petroleum á 20,7% í Skelj-
ungi en Kaupþing 22,6% og er stærsti
hluthafinn í félaginu.
Meiður orðinn
stærsti hluthafi
Kaupþings
Kaupþing er jafnframt stærsti hlut-
hafinn í Meiði með 44% hlut
SPAUGSTOFAN birtist aftur á
skjánum á laugardagskvöld eftir
nokkurra ára hlé. Það er ekki
hægt að segja annað en Spaug-
stofumenn hafi virst í góðu formi
þar sem þeir voru við upptökur í
líkamsræktarstöðinni í World
Class í gær.
Aðspurður segir Karl Ágúst
Úlfsson, aðalhandritshöfundur
þáttanna, að þættirnir í vetur
verði bæði líkir og ólíkir því sem
landsmenn hafa áður séð frá
þeim félögum. „Við verðum
kannski á gamalkunnum slóðum,
en ekki alltaf.“ Hann segist síður
eiga von á að gamalkunnar per-
sónur eins og Bogi og Örvar
muni birtast landsmönnum aftur í
þáttunum í vetur. „Þeir munu
ekki flækjast fyrir til að byrja
með, hvað sem síðar verður. Það
getur verið að þeir fari að knýja
dyra þegar líður á veturinn.“
Hann segir „það óskaplega ljúf-
sárt“ fyrir þá félaga að vera aft-
ur samankomna fyrir framan
sjónvarpsmyndavélarnar.
Þjóðlífið aldrei fjörugra
Karl Ágúst segir að sér lítist
frábærlega vel á pólitíkina og
þjóðmálaumræðuna, þann efnivið
sem þættirnir eru að miklum
hluta spunnir úr. „Þjóðlífið hefur
aldrei verið fjörugra en akkúrat
nú. Ég veit ekki hvar þetta endar
eiginlega.“ Hann vill þó ekki
ljóstra neinu upp um efni þátt-
arins á laugardag. „En við ætlum
ekki að fara að rifja upp neitt af
því sem gerðist í sumar eða það
sem er löngu liðið, heldur taka
upp þráðinn hér og nú á líðandi
stundu.“
Spaugstofu-
menn í
góðu formi
Morgunblaðið/Árni Sæberg
VERÐ á grænmeti var oftast lægst í
Bónusi en hæsta verðið var oftast að
finna í versluninni 11–11 samkvæmt
nýrri verðkönnun sem Alþýðusam-
band Íslands gerði í 12 verslunum á
höfuðborgarsvæðinu 2. október sl.
Munur á hæsta og lægsta verði var
meiri en 100% í um helmingi tilvika,
meiri en 150% í sex tilvikum og fór
hæst í 354% á blaðlauk. Minnsti
munur á hæsta og lægsta verði var á
hótellauk eða um 9%. Misjafnt er
milli tegunda og verslana hvort verð
hefur hækkað eða lækkað frá síðustu
könnun, sem ASÍ gerði í júní sl.
Lægsta verð í Bónusi
í nær öllum tilvikum
Alþýðusambandið kannaði verð í
Bónusi í Faxafeni, 10–11 í Glæsibæ,
Hagkaupum í Skeifunni, Krónunni í
Skeifunni, Nóatúni í Smáralind, Ell-
efu–ellefu á Skúlagötu, Nettó við
Salaveg, Strax í Hófgerði, Sparversl-
un.is í Bæjarlind, Samkaupum við
Miðvang, Fjarðarkaupum í Hafnar-
firði, og Europris á Lynghálsi sem
var með í verðkönnun ASÍ í fyrsta
sinn.
Bónus var með lægsta verðið í 24
tilfellum af 25 þar sem vara var til
hjá þeim. Ellefu–ellefu var oftast
með hæsta verðið eða á 13 vöruteg-
undum, 10–11 og Strax komu næst,
voru með hæsta verð í 6 tilfellum.
Svo dæmi séu tekin úr könnuninni
var kílóverð á agúrkum lægst í Bón-
usi eða 139 kr/kg en hæst í 11–11 og
Nóatúni í Smáralind þar sem hún
kostaði 298 kr/kg. Græn paprika var
ódýrust í Bónusi (139 kr/kg.) en dýr-
ust í 11–11 (359 kr/kg). Verð á blóm-
káli var lægst í Bónusi (229 kr/kg) en
hæst í Nóatúni í Smáralind (469 kr/
kg). Jöklasalat var ódýrast í Bónusi
(139 kr/kg) en dýrast í versluninni
Strax (299 kr/kg). Gulrófur voru
ódýrastar í Bónusi (129 kr/kg) en
dýrastar í 11–11 (215 kr/kg) og kíló-
verð á sveppum var einnig lægst í
Bónusi (569 kr/kg) en hæst í Sam-
kaupum (709 kr/kg).
Munur á hæsta og lægsta verði í
könnuninni var í 13 tilfellum af 27
meiri en 100%, þar af í sex tilvikum
meiri en 150% og mestur á blaðlauk
354%. Minnstur var munurinn á
hæsta og lægsta verði 9% á hótellauk
og aðeins í 7 tilvikum af 27 er mun-
urinn undir 50%.
Síðasta grænmetiskönnun á veg-
um verðlagseftirlits ASÍ var gerð 19.
júní. Skv. upplýsingum ASÍ leiðir
samanburður við seinustu könnun
frá 19. júní í ljós að verðið hefur
breyst í flestum verslunum.
Af þeim 23 grænmetistegundum
sem bornar voru saman milli kann-
ananna, hafa tvær verslanir lækkað
verðið í fleiri tegundum en þær hafa
hækkað verð á, þ.e. Sparverslun hef-
ur lækkað verðið á 14 vörutegundum
og hækkað verðið á 7 og Bónus hefur
lækkað verðið á 13 og hækkað verðið
á 7 tegundum. Hagkaup hafa lækkað
verð á 11 tegundum og hækkað á 11
vörutegundum en hinar níu verslan-
irnar í könnuninni hafa hækkað verð
á fleiri tegundum en þær hafa lækk-
að og fara Fjarðarkaup þar fyrir með
4 lækkanir á móti 13 hækkunum.
ASÍ kannaði verð á grænmeti í tólf verslunum
Mikill munur var á
verði milli verslana
NÚ hefur komið í ljós að um 90 heim-
ilismenn af um 540 á Hrafnistu í
Reykjavík og Hafnarfirði hafa smit-
ast af bráðsmitandi veirusýkingu sem
veldur hita, uppgangi, niðurgangi og
beinverkjum. Nokkrir starfsmenn
hafa sýkst en ekki liggja fyrir upplýs-
ingar um fjölda þeirra. Um er að
ræða svokallaða Norwalk-veiru sem
er undirflokkur Calici-veiru.
Guðrún Sigmundsdóttir, smitsjúk-
dómalæknir hjá Landlæknisembætt-
inu, segir að svo virðist sem sýkingin
sé í rénun. Á miðvikudag hafi verið
talið að um 50–60 manns væru smit-
aðir en þegar betur var að gáð kom í
ljós að þeir voru um 90. Gripið hefur
verið til aðgerða til að minnka eftir
megni samgang milli sýktra og
ósýktra deilda heimilanna. Þeim sem
fá einkenni er ráðlagt að halda kyrru
fyrir á herbergjum sínum meðan
veikin gengur yfir og í tvo sólarhringa
til viðbótar til að tryggja að viðkom-
andi nái sér að fullu og til að draga úr
smithættu. Talið er að veiran berist
einkum með lofti og snertingu og veg-
ur góður handþvottur því þungt í að
hefta útbreiðslu veirunnar.
Ekki matareitrun
Aðspurð hvað valdi því að sýkingin
hafi komið upp bæði í Hafnarfirði og
Reykjavík á nánast sama tíma, segir
Guðrún að sýkingin sé víða í sam-
félaginu og líklegt að smitið hafi bor-
ist með annaðhvort starfsfólki eða
gestum inn á heimilin. Ekki sé talið að
um matareitrun sé að ræða, m.a.
vegna þess að sýkingin er bundin við
ákveðnar deildir heimilanna. Væri
þetta matareitrun væri sýkingin mun
útbreiddari en auk þess sé ekki sam-
eiginlegt eldhús á Hrafnistuheimilin-
um. Guðrún segir að einkennin gangi
yfir á 1–3 dögum og sýkingin sé ekki
hættuleg nema í algjörum undan-
tekningartilfellum og þá hjá mjög
veiku fólki.
Aðalsteinn Guðmundsson, lækn-
ingaforstjóri Hrafnistu, segir að
grunur um sýkingu á heimilinu í
Hafnarfirði hafi vaknað á mánudag
og hafi þá þegar verið haft samband
við sóttvarnalækni. Daginn eftir hafi
sýkingarinnar orðið vart á Hrafnistu í
Reykjavík. Hann segir að heimilisfólk
hafi almennt tekið sóttvarnaraðgerð-
um vel.
Veirusýkingin
á Hrafnistu
virðist í rénun