Morgunblaðið - 21.11.2002, Síða 10

FRÉTTIR
10 FIMMTUDAGUR 21. NÓVEMBER 2002 MORGUNBLAÐIÐ
BORGARRÁÐ hefur samþykkt til-
lögu borgarstjóra um að skipaður
verði þriggja manna starfshópur
til þess að endurskoða fyrirkomu-
lag forvarnarstarfs í borginni. Í
bókun borgarráðsfulltrúa Reykja-
víkurlistans kemur fram að Vímu-
varnarskólinn verði einnig endur-
reistur og hann muni fara með
kynningarstarf sitt í alla grunn-
skóla borgarinnar á vorönn.
„Markmiðið er að í öllum skólum
verði aukin vitund og hæfni til að
greina vímuefnavanda á byrjunar-
stigi og kynntar vel aðgerðaráætl-
anir fyrir skóla um hvernig eigi að
bregðast við. Þannig verði eflt það
starf sem þegar er talið hafa skilað
árangri…“ segir m.a. í bókuninni.
Tekist að stemma
stigu við neyslu fíkniefna
Þá segir þar enn fremur að af
þeim gögnum sem aflað hafi verið
megi ráða að vandi þeirra sem eigi
við vímuefni að etja nú sé stærri
en áður og heimur fíkiefna sé að
harðna. Samtímis hafi markaðs-
setning vímuefna orðið ágengari
en áður og nauðsynlegt sé að
bregðast við með því að endur-
skoða forvarnir í heild og taka sér-
staklega á þessum nýju aðstæðum
sem hafi skapast.
Í greinargerð
með tillögu Ingi-
bjargar Sólrúnar
Gísladóttur borgar-
stjóra kemur fram
að borgarráð hafi
sett á fót vímuvarn-
arnefnd í október
1995 sem hafði það
hlutverk að móta
stefnu borgarinnar
í vímuvörnum í
samstarfi við aðila
sem vinna að mál-
efnum barna og
unglinga. Árið 1998
voru verkefni
nefndarinnar end-
urskoðuð og heiti hennar breytt í
Samstarfsnefnd um afbrota- og
fíknivarnir. Sæti í nefndinni eiga
auk fulltrúa borgarinn-
ar, forvarnardeild Lög-
reglunnar í Reykjavík
og og samstarfsnefnd
ráðuneytanna en hún
lauk formlega störfum í
febrúar á þessu ári þótt
hópurinn hafi áfram
sinnt þeim verkefnum
sem falla undir starfs-
svið hans.
Borgarstjóri segir í
greinargerðinni að starf
nefndanna hafi skilað
góðum árangri sem
rekja megi til þess að
kraftar ýmissa aðila hafi
verið samstilltir. Þar
með hafi virkni ábyrgð-
araðila barna, foreldra, skóla og
félagasamtaka, margfaldast svo og
samráð þessara aðila og tekist hafi
að stemma stigu við notkun áfeng-
is og ólöglegra fíkniefna á síðustu
árum meðal nemenda í grunnskól-
um.
Borgarstjóri bendir þó á að ýmis
teikn séu á lofti um að ástæða sé
til þess að efla enn frekar mark-
visst starf til að fyrirbyggja fíkni-
efnaneyslu meðal ungmenna, of-
beldi, afbrot og kynþáttafordóma.
Lagt er til að hópurinn skili áliti
til borgarráðs fyrir 1. febrúar á
næsta ári og er honum falið að
starfa áfram þar til annað verður
ákveðið. Tilnefningu í starfshópinn
var frestað á fundi borgarráðs í
fyrradag.
Gagna aflað um umfang
og eðli fíkniefnaneyslu
Félagsmálaráð Reykjavíkur-
borgar samþykkti í gær ályktun
þar sem kemur m.a. fram að unnið
verði í nánu samstarfi við fræðslu-
ráð að því að afla gagna um um-
fang og eðli fíkniefnaneyslu á með-
al grunnskólanema.
Þá er jafnframt lögð á það
áhersla að samhæfa aðgerðir skóla
og félagsþjónustu, lögreglu og
barnaverndaryfirvalda með það að
markmiði að grípa til viðeigandi
aðgerða í þeim efnum.
Starfshópur verði skipaður til að endurskoða forvarnarstarf í höfuðborginni
Vímuvarnarskólinn
verði endurvakinn

     

   !" ##

 $ 
 
  %   &
!''( )"")

  !"
#





$%&
#


(% 

) ) %#
  $) $
*
 Ingibjörg Sólrún
Gísladóttir
BORGARFULLTRÚAR Sjálfstæð-
isflokksins í borgarstjórn vilja
skipta borginni í nokkur skóla-
hverfi og að þegar í stað verði
brugðist við fréttum af sölu eitur-
lyfja í grunnskólum með því að
stofna samráðshóp. Tillögur þessa
efnis verða lagðar fyrir í borg-
arstjórn í dag.
„Í eðli sínu eru þessi tvö mál
nokkuð tengd,“ sagði Björn Bjarna-
son, oddviti sjálfstæðismanna í
borgarstjórn, á fundi með blaða-
mönnum í gær. „Við teljum að með
því að auka tengslin milli heimilis
og skóla, með því að skipta borginni
upp í skólahverfi og færa með þeim
hætti starfsemi og yfirstjórn skól-
anna nær hverfunum og foreldr-
unum, séum við að styrkja innra
starfið í skólunum og erum þar af
leiðandi betur í stakk búin til að
taka á þeim vanda sem kemur upp,“
sagði Björn og vísaði til frétta af
sölu fíkniefna í grunnskólunum.
Björn minnti á að nú væri Reykja-
vík eitt skólahverfi með 45 grunn-
skóla og boðleiðir því langar. Með
tillögu sinni vilja sjálfstæðismenn
m.a. dreifa valdinu og leggja til að
samstarfs skólastjórnenda, kenn-
ara, foreldra og nemenda verði eflt
með því að skipta borginni í skóla-
hverfi. Með þeim hætti telja þeir að
hægt verði að auka áhrif borg-
aranna á skólastafið og auka nýj-
ungar í starfinu, t.d. með samstarfi
leikskóla og grunnskóla. Þeir benda
á að fyrir hendi sé þegar skipting
borgarinnar í fjóra borgarhluta og
hverfi og því sé skipting í skóla-
hverfi rökrétt. Í tillögu þeirra er
ekki kveðið á um hvernig skiptingu
í skólahverfi skuli háttað, heldur að
skólakerfisnefnd verði falið að
vinna að útfærslu tillögunnar í sam-
ráði við fræðsluráð og leikskólaráð.
Í tillögunni er miðað við að skipt-
ingin tryggi öflugt sjálfstætt eftirlit
með starfi leik- og grunnskóla, en
líkt og Guðlaugur Þór Þórðarson
borgarfulltrúi benti á á fundinum
hafa Leikskólar Reykjavíkur fjöl-
þættu hlutverki að gegna í dag og
sinna bæði eftirliti með öllum leik-
skólum borgarinnar svo og ákveða
kjör samkeppnisaðila, þ.e. einka-
rekinna leikskóla.
Að sögn Guðlaugs er einn slíkur
skóli að hætta starfsemi vegna
bágrar samkeppnisstöðu. Sagði
Guðlaugur því mikilvægt að þarna
væri skilið á milli. „Þessi staða gerir
Leikskólum Reykjavíkur mjög erf-
itt fyrir,“ sagði Guðlaugur.
Guðrún Ebba Ólafsdóttir borg-
arfulltrúi sagði kannanir benda til
að gjá væri milli Fræðslumið-
stöðvar og fræðsluráðs annars veg-
ar og þeirra sem vinna við skólana
annars vegar. Sjálfstæðismenn
leggja því til að rekstrarskrifstofur
leik- og grunnskóla verði samein-
aðar og fagleg ráðgjöf tryggð m.a. í
samvinnu við háskóla- og vís-
indastofnanir.
Hvernig koma megi í veg
fyrir neyslu og sölu fíkniefna
Í borgarráði sl. þriðjudag lagði
Reykjavíkurlistinn fram tillögu sem
samþykkt var um að skipa starfs-
hóp til að endurskoða fyrirkomulag
forvarnarstarfs í borginni. Björn
segir að stöðugt þurfi að vinna að
slíkum málum en aðgerða sé þegar í
stað þörf vegna þess vanda sem nú
sé staðið frammi fyrir. Því leggja
sjálfstæðismenn til í borgarstjórn í
dag að skipaður verði samráðs-
hópur í þeim tilgangi að vinna að til-
lögum um hvernig koma megi í veg
fyrir neyslu og sölu fíkniefna í
grunnskólum og til hvaða aðgerða
skólarnir skulu grípa komi til þess
þrátt fyrir forvarnir.
Morgunblaðið/Jim Smart
Borgarfulltrúar Sjálfstæðisflokksins á fundi með blaðamönnum í gær. Þeir vilja skipta borginni í nokkur skóla-
hverfi og stofna samráðshóp gegn fíkniefnum í grunnskólum borgarinnar.
Sjálfstæðismenn vilja skipta borginni í skólahverfi
sem m.a. gæti hjálpað til í fíkniefnabaráttunni
Skólahverfi myndu efla
innra starf skólanna
VIÐ síðustu áramót höfðu framhalds-
skólarnir ráðstafað 335 milljónum
umfram fjárheimildir. Mestur halli er
á rekstri Menntaskólans í Kópavogi
sem hafði ráðstafað 163 milljónum
umfram heimildir um síðustu áramót.
Þetta kemur fram í skýrslu Ríkisend-
urskoðunar um ríkisreikning ársins
2001. Stjórn Kennarasambands Ís-
lands hefur sent frá sér ályktun þar
sem lýst er áhyggjum af þróun fjár-
veitinga til framhaldsskólanna, fram-
lög til kennslu og rekstrar séu ávísun
á verri þjónustu við nemendur og vax-
andi rekstrarhalla.
Framhaldsskólarnir fengu um
7.323 milljónir króna til ráðstöfunar á
árinu 2001, en útgjöld þeirra námu
7.371 milljón. Hallinn nam því 48
milljónum. Þessi halli bætist við 287
milljóna króna halla frá fyrri árum. 16
af 28 framhaldsskólum voru með halla
á rekstri um síðustu áramót. Staða
Menntaskólans í Kópavogi er lang-
verst, en halli hans nam 163 milljón-
um. Fjárhagsstaðan versnaði á árinu.
Fjárhagsstaða þess skóla sem stend-
ur næstverst, Fjölbrautaskólans í
Breiðholti, batnaði hins vegar á árinu,
en hann hafði um áramót farið 75
milljónir fram úr fjárheimildum, sem
er 23 milljónum króna betri staða en
árið á undan.
Í skýrslu Ríkisendurskoðunar er
minnt á ákvæði fjárreiðulaga þar sem
talað er um að forstöðumenn og
stjórnir ríkisaðila beri ábyrgð á því að
fjárhagsráðstafanir þeirra séu í sam-
ræmi við heimildir. Jafnframt er
minnt á ákvæði 38. gr. laga um rétt-
indi og skyldur starfsmanna ríkisins,
en þar segir: „Ef útgjöld fara fram úr
fjárlagaheimildum, verkefnum stofn-
unar er ekki sinnt sem skyldi eða
þjónusta hennar telst óviðunandi get-
ur ráðherra veitt forstöðumanni
áminningu skv. 21. gr. eða veitt hon-
um lausn frá embætti skv. VI. kafla ef
hann hefur gerst sekur um ítrekaða
eða stórfellda vanrækslu í starfi með
þeim hætti sem að framan er lýst.“
Breytingar á reiknilíkani
Fram kemur í skýrslunni að fjár-
hagsstaða framhaldsskólanna er
mjög misjöfn. Fjárveitingar til skól-
anna fara eftir niðurstöðu reiknilík-
ans sem tryggja á að framlög séu
byggð á sömu forsendum. Stjórnend-
ur skólanna hafa gagnrýnt líkanið og
m.a. bent á að það taki ekki nægt tillit
til mismunandi starfsemi skólanna.
Framhaldsskólar á landsbyggðinni
hafa einnig kvartað yfir að ekki sé
nægilega tekið tillit til kostnaðar sem
þeir þurfa að bera vegna staðsetning-
ar þeirra. Þá hafa verkmenntaskól-
arnir einnig gagnrýnt reiknilíkanið.
Unnið er að endurskoðun á reiknilík-
aninu og er fyrirhugað að stuðst verði
við breytt líkan við gerð fjárlaga árs-
ins 2004.
Launakostnaður hækkaði
um 47,7% milli ára
Í skýrslunni kemur fram að launa-
kostnaður framhaldsskólanna var
47,7% hærri á árinu 2001 en á árinu
2000. Í upphafi árs 2001 voru gerðir
nýir kjarasamningar við framhalds-
skólakennara, en þeir stóðu í verkfalli
í lok ársins 2000. Verkfallið hafði þau
áhrif að heildarlaun ársins 2000 eru
lægri en þau hefðu verið undir eðlileg-
um kringumstæðum. Þá þurftu skól-
arnir að greiða meiri yfirvinnu á árinu
2001 vegna afleiðinga verkfallsins.
Í skýrslunni bendir Ríkisendur-
skoðun á að framhaldsskólanir eigi að
leita til Ríkisskattsstjóra telji þeir
leika vafa á hvort greiða eigi virðis-
aukaskatt af starfsemi þeirra. Bent er
á að einn skóli sé með á snærum sín-
um sjoppu án þess að innheimta virð-
isaukaskatt. Þá hafi tveir skólar ekki
innheimt virðisaukaskatt af sölu sum-
arbústaða sem nemendur á tréiðna-
braut byggja.
Erfið fjárhagsstaða framhaldsskóla
Halli MK upp
á 163 milljónir
Í ÁLYKTUN stjórnar Kenn-
arasambands Íslands, KÍ, sem
send var fjölmiðlum í gær, eru
stjórnvöld hvött til að beita sér
fyrir endurskoðun fjárveitinga
til framhaldsskóla við af-
greiðslu fjárlaga. Bent er á að
árum saman hafi verið mörg
hundruð milljóna króna mis-
munur á fjárveitingum og
raunverulegum rekstrarkostn-
aði skólanna.
„Fjárlagafrumvarpið sem nú
liggur fyrir er áfall fyrir starf-
semi framhaldsskólanna og
ávísun á stöðnun auk þess sem
ónógar fjárveitingar stefna ár-
angri kjarasamninga fram-
haldsskólans í hættu og draga
úr samkeppnishæfni skólanna
um vel menntaða starfsmenn.“
Fjárlagafrum-
varpið áfall