Morgunblaðið - 19.12.2002, Blaðsíða 59

FRÉTTIR
MORGUNBLAÐIÐ FIMMTUDAGUR 19. DESEMBER 2002 59
Vissir þú?
Vissir þú að Bandaríkjamenn eru sérlega hræddir um að fiskbein festist í hálsi sér, einkum barnanna, er þeir borða fisk?
Vissir þú að eldhuginn Jón Gunnarsson, fyrsti forstjóri Coldwater í Bandaríkjunum, lét þess vegna beinhreinsa fiskflökin
heima á Íslandi og skaut með því keppinautunum ref fyrir rass? Þessi gæðamunur vann íslenskri framleiðslu það markaðsforskot
að fljótlega var hægt að selja hana mun hærra verði en aðrir framleiðendur gátu krafist fyrir óbeinhreinsuð flök.
Um þetta má lesa í bókinni Úr verbúðum í víking vestan hafs
og austan eftir Ólaf Guðmundsson frá Breiðavík. Ólafur starfaði
hjá Sölumiðstöð hraðfrystihúsanna í rúmlega 40 ár og gegndi
þar fjölmörgum trúnaðarstörfum.
Hann hefur frá mörgu mjög forvitnilegu að segja.
Texti hans er bæði aðgengilegur, gagnorður og með
vestfirskum húmor. Vestfirska forlagið auglýsir bækur sínar
hvorki sem einstakar né stórkostlegar, en við mælum
sérstaklega með þessari bók fyrir hvern sem er.
ÖNNUR kynslóð Toyota Land Cruis
er 90 jeppans verður frumsýnd hjá
Toyota-umboðinu snemma í janúar.
Frumsýningin markar tímamót því
Land Cruiser 90 hefur verið einn
söluhæsti jeppinn hér á landi allt frá
því hann kom á markað um mitt ár
1996. Hann hefur á þessum tíma
selst í 2.150 eintökum og er meira að
segja söluhæsti jeppinn á Íslandi á
árinu sem nú er að ljúka, og seldist í
230 eintökum, þrátt fyrir að vitað
væri að ný kynslóð yrði kynnt nú í
árslok.
„Hann hefur staðið af sér alla sam-
keppni og selur sig sjálfur. Við höf-
um ekki lagt mikið undir í auglýs-
ingar og kynningar á Land Cruiser
en lagt meiri áherslu á að hann sé vel
búinn og á réttu verði. Síðan hefur
bíllinn selt sig sjálfur og þannig hef-
ur það verið frá því hann var kynntur
fyrst hér á landi,“ segir Björn Víg-
lundsson, framkvæmdastjóri mark-
aðssviðs P. Samúelssonar hf., um-
boðsaðila Toyota.
Í Evrópu er Land Cruiser 90
þriðji söluhæsti jeppinn og segir
Björn að góðan árangur hér á landi
megi þakka sterku sölukerfi. Hér-
lendis hafa menn ekki þurft að kljást
við kvóta á innflutning bíla frá Japan
eins og Evrópubandalagsríkin
þurftu að gera allt fram til ársins
2000. Af þessum sökum hefur innri
uppbygging í sölukerfinu í Evrópu-
löndum tekið lengri tíma. Björn
bendir á að þótt markaðshlutdeild
Toyota í Evrópu sé lítil ennþá þá hafi
vöxturinn verið mikill á síðustu ár-
um. 1998, þegar smábíllinn Yaris var
kynntur, var salan í Evrópu 498.263
bílar, en salan árið 2001 var 666.035
bílar. Markið var sett á 800.000 bíla
fyrir árið 2005, en nú er ljóst að það
markmið mun nást strax árið 2004.
Nýtt sölumarkmið hefur verið sett
fyrir árið 2010 en þá er ætlunin að
selja 1,2 milljónir bíla í Evrópu. Frá
1998 til þessa tíma hefur Toyota far-
ið úr 18. söluhæstu stöðunni í þá ní-
undu.
Önnur kynslóð Toyota Land Cruiser verður sýnd um helgina.
Land Cruiser
söluhæsti jeppinn
Ásdís Egilsdóttir gaf út
Við birtingu
umsagnar um út-
gáfu Fornrita-
félagsins á Bisk-
upasögum II í
blaðinu í gær féll
niður mynd af
Ásdísi Egilsdótt-
ur höfundi inn-
gangs og umsjón-
armanni með
útgáfunni. Er beðist velvirðingar á
því.
Heildaraðsókn að
Bond-myndinni
Í frétt í blaðinu í gær af bíóaðsókn
á Íslandi er rangt farið með heildar-
aðsókn að vinsælustu mynd lands-
ins, Die Another Day. Hið rétta er
að tæplega 42 þúsund manns hafa nú
séð myndina á þeim þremur vikum
sem hún hefur verið sýnd.
LEIÐRÉTT
Ásdís Egilsdóttir
Fyrirlestur í matvælafræði Hörður
G. Kristinsson, aðstoðarprófessor
við Háskólann í Flórída mun halda
erindi um Rannsóknir á áhrifum
kolmónoxíðs og síaðs reyks til að
auka gæði og lengja geymsluþol
sjávarafurða. Fyrirlesturinn verður
föstudaginn 20. desember kl. 13, í
fundarsal Rannsóknastofnunar fisk-
iðnaðarins, 1. hæð, Skúlagötu 4 og er
öllum opinn.
Á MORGUN
Jólaball í Vetrargarðinum í
Smáralind með Helgu Möller,
Magga Kjartans og jólasveinunum
verður í dag fimmtudaginn 19. des-
ember og föstudaginn 20. desember
kl. 17 og 20, laugardaginn 21. desem-
ber kl. 14 og 16, sunnudaginn 22.
desember og á Þorláksmessu kl. 14,
16, 18 og 20.
Verslanir í Smáralind eru opnar frá
kl. 11-22 alla daga til jóla. Á Þorláks-
messu er opið frá kl. 11-23.
Í DAG
Jólablót ásatrúarmanna verður
haldið laugardaginn 21. desember í
húsnæði félagsins að Grandagarði
8. Jólablótið er stærsta hátíð ása-
trúarmanna. Blótið hefst með
ljósaathöfn sem sérstaklega er
ætluð börnunum og undir borð-
haldi verður skemmt með rímum,
rappi og frásögnum. M.a. koma
fram kvæðamaðurinn Steindór
Andersen, rappararnir Erpur og
Eyjólfur Eyvindarsynir, Hilmar
Örn Hilmarsson, Þorri Jóhanns-
son, Jóhanna Harðardóttir og Ey-
vindur Eyþórsson. Húsið verður
opnað kl. sjö, en borðhald hefst kl.
átta. Aðgangseyrir er kr. 1.500
fyrir fullorðna, en kr. 750 fyrir
börn eldri en 12 ára.
Á NÆSTUNNI
UNIFEM á Íslandi hefur gefið út
myndskreytt afmælisdagatal þar
sem hægt er að skrá inn afmælis-
daga. Dagatalið
er ekki árs-
bundið og því
varanleg eign.
Afmælisdaga-
talið er til sölu í
þremur versl-
unum í Reykja-
vík, Blómál-
finum við
Vesturgötu, Máli
og menningu við
Laugaveg og
Úlfarsfelli við
Hagamel. Auk
þess er hægt að panta dagatalið á
unifem@unifem.is.
Í tilefni af stofndegi UNIFEM á
Íslandi sem er í desember mun
stjórn UNIFEM selja dagatalið
fyrir utan skrifstofu félagsins að
Laugavegi 7, föstudaginn 20. sept-
ember kl. 17.30 – 20 og bjóða veg-
farendum upp á kakó og pip-
arkökur, segir í fréttatilkynningu.
Afmælisdagatalið kostar kr.
1.500 og rennur allur ágóði af sölu
þess til styrktarverkefna UNI-
FEM.
UNIFEM er þróunarsjóður sem
starfræktur er innan vébanda
Sameinuðu þjóðanna.
UNIFEM
gefur út
afmælis-
dagatal
BRAUTARGENGI útskrifaði 15 at-
hafnakonur 11. desember sl. Nám-
skeið þetta er haldið til þess að
hvetja konur til framgangs í ís-
lensku viðskiptalífi og stuðla að
jafnvægi í fyrirtækjarekstri milli
karla og kvenna.
Í lok námskeiðsins hafa þátttak-
endur skrifað viðskiptaáætlun og
kynnst því hve áætlanagerð er mik-
ilvæg við undirbúning að stofnun
fyrirtækis og rekstur þess. Þetta er
ellefti hópurinn sem útskrifast frá
því að námskeiðinu var hleypt af
stokkunum haustið 1996. Rúmlega
300 konur hafa tekið þátt í nám-
skeiðinu frá upphafi. Impra, ný-
sköpunarmiðstöð á Iðntæknistofn-
un, stendur fyrir námskeiðinu með
stuðningi sveitarfélaganna á höf-
uðborgarsvæðinu, segir í frétta-
tilkynningu.
Fimmtán útskrifuðust
hjá Brautargengi
Á JÓLAFUNDI Volare sem haldinn
var í Reykjavík 9. desember sl. var
afhentur styrkur til tveggja fjöl-
skyldna sem eru með langveik
börn. Volare ehf. sem staðsett er í
Vestmannaeyjum og býður upp á
heilsu- og snyrtivörur sem fram-
leiddar eru úr Aloe Vera plöntunni
lætur 1% af veltu fyrirtækisins
ganga til styrktar góðu málefni.
Styrkurinn í ár nam um 420 þús-
und krónum og fór hann til tveggja
fjölskyldna á vegum Umhyggju.
Sjöfn Jónsdóttir, sem á þrjú lang-
veik börn, tekur hér við 210 þúsund
krónum ásamt gjafakörfu úr hönd-
um Guðmundu Hjörleikfsdóttur,
framkvæmdastjóra Volaare á Ís-
landi. Dögg Káradóttir, fram-
kvæmdastjóri Umhyggju, tók við
sömu upphæð ásamt gjafakörfu
fyrir hönd hinnar fjölskyldunnar.
Einnig er á myndinni Ragna Mar-
inósdóttir, formaður Umhyggju.
Volare styrkir Umhyggju
SAMSKIP og Vegagerðin hafa und-
irritað samning um að vinna að því í
sameiningu að auka öryggi á þjóð-
vegum landsins. Þetta er fyrsti
samningur af þessari gerð sem
Vegagerðin gerir við flutningafyrir-
tæki. Samskip og Vegagerðin hafa
að undanförnu átt samstarf um ör-
yggismál og er samningurinn gerður
til að staðfesta vilja beggja aðila til
frekara samstarfs og skipuleggja
það nánar.
„Meðal efnis í samningnum er
ákvæði um að ökumenn Samskipa
upplýsi Vegagerðina um færð og
ástand vega þegar ástæða er til.
Vegagerðin tryggi eins og kostur er
að þjóðvegir séu í góðu ástandi og
veiti upplýsingar um ástand þeirra,
reglur sem gilda um þá, svo sem ás-
þunga. Vegagerðin stefnir einnig að
því að geta upplýst Samskip um
væntanlega takmörkun á ásþunga
þjóðvega, þannig að Samskip geti
gert ráð fyrir þeim í skipulagi flutn-
inga.
Þá mun Vegagerðin kynna starfs-
mönnum Samskipa þær reglur sem
gilda um starfsemi hennar á sér-
stökum fundi. Samskip skuldbinda
sig til að sjá til þess að ökumenn fé-
lagsins virði í hvívetna reglur um ás-
þunga og hvíldartíma og hlíti um-
ferðarlögum,“ segir í fréttatilkynn-
ingu.
Samningur
um aukið
umferðar-
öryggi