Morgunblaðið - 16.01.2003, Blaðsíða 1

STOFNAÐ 1913 14. TBL. 91. ÁRG. FIMMTUDAGUR 16. JANÚAR 2003 mbl.is
Flauta og
hljómsveit
Annar flautukonsert Hauks Tómas-
sonar frumfluttur Listir 21
Stormy Weather er næsta mynd
Sólveigar Anspach Fólk 41
Kevin úti í
kuldanum
Kevin Grandberg sagt upp hjá
Keflvíkingum Íþróttir 3
SERGEI Ívanov, varnarmálaráðherra Rúss-
lands, tilkynnti í gær að Rússar hygðust þróa
eldflaugavarnarkerfi í líkingu við það, sem
Bandaríkjamenn hafa á teikniborðinu. Hann
viðurkenndi hins vegar að rússneski herinn
hefði ekki um þessar mundir yfir að ráða
þeim gífurlegu fjármunum sem þarf til að
hrinda verkefninu í framkvæmd.
Ummæli Ívanovs komu nokkuð á óvart en
þetta er í fyrsta skipti sem Rússar greina frá
því að þeir vilji, líkt og Bandaríkjamenn,
byggja eldflaugavarnarkerfi sem ætlað er að
geta leitað uppi og grandað kjarnorkueld-
flaugum sem skotið væri að landinu.
Ratsjárstöð uppfærð
Rússar hafa jafnan lýst óánægju sinni með
áætlanir Bandaríkjastjórnar í þessum efnum
og beittu sér mjög gegn því að Bandaríkja-
menn segðu sig frá ABM-sáttmálanum svo-
kallaða, sem kveður á um bann við búnaði
sem ætlað er að granda langdrægum kjarn-
orkuvopnum. Eftir að ráðamenn í Wash-
ington sögðu sáttmálanum upp hafa Rússar
hins vegar látið af formlegum mótmælum og
í gær sagði Ívanov að ekki væri óhugsandi að
Bandaríkin og Rússland myndu starfa sam-
an að þróun eldflaugavarnarkerfis.
George W. Bush Bandaríkjaforseti sagði í
desember að stefnt væri að því að koma upp
vísi að eldflaugavarnarkerfinu fyrir árið
2004. Tilkynntu bresk stjórnvöld í gær að
þau hefðu samþykkt beiðni Bandaríkja-
stjórnar um að ratsjárstöð í Norður-Eng-
landi yrði uppfærð svo hana mætti nota í
tengslum við eldflaugavarnarkerfið.
Rússar vilja
eldflauga-
varnarkerfi
Moskvu, London. AFP.
TÉKKNESKA þinginu mistókst í gær-
kvöldi að kjósa eftirmann Vaclavs Havels,
forseta Tékklands undanfarin tíu ár, en
hvorki hægrimaðurinn Vaclav Klaus, fyrr-
verandi forsætisráðherra, né Petr Pithart,
sem nýtur stuðnings Havels, fékk tilskil-
inn meirihluta. Ekki er ljóst hvenær
tékkneska þingið gerir aðra tilraun til að
kjósa nýjan forseta í stað Havels.
Þrisvar var gengið til atkvæða í gær en
aldrei tókst þingmönnum að sameinast um
eftirmann Havels. Í þriðju umferð var kos-
ið á milli Pitharts og Klaus og fékk sá fyrr-
nefndi þá 84 atkvæði en Klaus 113. 84
þingmenn sátu hjá. Til að hljóta kosningu
hefði annar tvímenninganna þurft að
tryggja sér 141 atkvæði.
Á myndinni má sjá hvar Havel, sem er
66 ára, tekur við heillaóskum þingmanna í
gær eftir að hann hafði í síðasta skipti
ávarpað þá sem forseti Tékklands. Havel
lætur formlega af embætti 2. febrúar nk.
og sagðist hann í ræðu sinni í gær ætla að
taka því rólega fyrst um sinn.
Havel kveður
AP
HLUTFALL nemenda í 10.
bekk í Reykjavík fyrir
tveimur árum, sem hafði
spilað í söfnunarkassa og
sagðist einhvern tíma hafa
fengið greiddan vinning, var
92%, 86% í 9. bekk og 80% í
8. bekk. Þetta kemur meðal
annars fram í heimildar-
myndinni Skemmtilegir
leikir, sem fjallar um spila-
fíkn og fjárhættuspil á Ís-
landi og verður frumsýnd í
Sjónvarpinu á sunnudags-
kvöld. Yngri en 16 ára mega
ekki spila í spilakössum skv.
lögum.
31% spilar
reglulega
Framleiðendur myndar-
innar, Jónas Jónasson og
Björn Þór Vilhjálmsson,
lögðu fram þrjár spurningar
í rannsókn Fræðslumið-
stöðvar Reykjavíkur meðal
nemenda í 8. til 10. bekk
allra grunnskóla í Reykja-
vík vorið 2001. Hlutfall
nemenda, sem sagðist spila
að jafnaði einu sinni eða oft-
ar í mánuði í söfnunarkassa,
var 31% í 10. bekk, 22% í 9.
bekk og 20% í 8. bekk.
„Í SAMA mund og við erum að öðl-
ast djúpan skilning á náttúru lands-
ins og átta okkur um leið á hver við
erum, stefnum við í að glata þess-
um auðæfum og þjóðararfi í glóru-
lausu virkjanabrjálæði, í stríðs-
rekstri gegn fósturjörðinni,“ sagði
Guðmundur Páll Ólafsson, náttúru-
fræðingur og rithöfundur, meðal
annars á borgarafundi, sem haldinn
var í Borgarleikhúsinu í Reykjavík
í gærkvöldi undir yfirskriftinni
„Leggjum ekki landið undir – það
tapa allir á Kárahnjúkavirkjun.“
Kastljósinu var beint að Kára-
hnjúkum í tengslum við fyrirhug-
aðar virkjunarframkvæmdir og var
samþykkt yfirlýsing þar sem
áformum um virkjunina var harð-
lega mótmælt og skorað á ráða-
menn að endurskoða afstöðu sína.
Fundurinn var mjög fjölmennur,
troðfullur salur, fólk á göngum og
frammi í anddyri. Baráttuandi sveif
yfir vötnum í ávörpum, ræðum,
kveðjum og skemmtiatriðum, en
sérstakur gestur var Lloyd Austin,
framkvæmdastjóri Konunglega
breska fuglaverndunarfélagsins.
Borgarstjóra líkt við Pílatus
„Með Kárahnjúkavirkjun og ál-
veri henni tengdu, ásamt fyrirhug-
uðum stækkunum Norðuráls og Ís-
als, mun Ísland innan fárra ára
verða mesta bræðsluland álfunn-
ar,“ sagði Pétur Gunnarsson rithöf-
undur í erindi sínu. „Fyrir dyrum
stendur krossfesting. Ameríski ál-
risinn er þá í gervi Rómverja, rík-
isstjórnin er æðstuprestarnir og
borgarstjórinn í Reykjavík í hlut-
verki Pílatusar.“
Guðmundur Páll Ólafsson flutti
lengstu ræðuna og lengst af mátti
heyra saumnál detta meðan hann
talaði. Eins og aðrir gagnrýndi
hann framkvæmdirnar. „Við eydd-
um aðeins einu íslenskru sumri í
rannsóknir vegna Kárahnjúka-
virkjunar; í heila fimm daga mældu
menn framburð, botnskrið aurug-
ustu jökulmóðu á Íslandi og afar
dyntóttrar. Kannski hefðu tíu ár
verið eðlilegur tími! Og þegar nið-
urstaða Skipulagsstofnunar var
samt sem áður sú að náttúruspjöll
Kárahnjúkavirkjunar væru um-
talsverð og óafturkræf ærðust goð-
in á stallinum og fúskararnir tóku
við.“
Morgunblaðið/Sverrir
Í troðfullum sal Borgarleikhússins mátti sjá mörg þekkt andlit. Hér sjást m.a. Vigdís Finnbogadóttir, fyrrverandi forseti Íslands, Steingrímur Her-
mannsson, fyrrverandi forsætisráðherra, Hjörleifur Guttormsson, fv. alþingismaður, borgarfulltrúarnir Ólafur F. Magnússon og Árni Þór Sigurðs-
son, Árni Finnsson, formaður Náttúruverndarsamtaka Íslands, og Lloyd Austin, framkvæmdastjóri Konunglega breska fuglaverndunarfélagsins.
Morgunblaðið/Sverrir
Fundargestir kveiktu á kertum sem þeir fengu afhent við innganginn.
Borgarleikhúsið fullt út úr dyrum á borgarafundi gegn Kárahnjúkavirkjun
Kallað stríð gegn
fósturjörðinni

Við höfum aldrei/4
92% 10.
bekkinga
stunda
spilakassa
♦ ♦ ♦
Stormur
Sólveigar