Morgunblaðið - 10.06.2003, Blaðsíða 4
FRÉTTIR
4 ÞRIÐJUDAGUR 10. JÚNÍ 2003 MORGUNBLAÐIÐ
PRÝÐISVEIÐI hefur verið á Þing-
völlum síðustu vikur og ýmist tala
menn um ívið smærri fisk heldur en í
fyrra, eða hreinlega vænni. Það fer
því greinilega eftir dagsforminu og
engu öðru. Hafa veiðst þó nokkrar
bleikjur á bilinu 4–5 pund. Nokkur
uggur og urgur er þó í mörgum
veiðimönnum sem stunda Þingvalla-
vatn og er talað um að vaxandi hópur
veiðimanna stundi urriðaveiðar með
mörgum stöngum og sérmeðhöndl-
aðri beitu. Þar sé á ferðinni hópur
sem stundað hefur Veiðivötn þar
sem slíkar veiðar eru stundaðar, sér-
staklega í Litlasjó.
Lýsingarnar á veiðiskapnum eru
þannig að menn eru með allt að 4–6
stangir hangandi í svokölluðum let-
ingjum og úti í vatni liggi krókar
beittir makríl sem gjarnan hefur
verið geymdur á ofni svo sem eina
nótt fyrir notkun til að beitan úldni
dálítið þannig að stafi af henni girni-
legum dauni fyrir gráðuga urriða.
Er jafnvel haft fyrir satt að fleiri
krókar en einn skrýði hverja línu í
sumum tilvikum. Er því jafnvel
fleygt að úðað sé WD40 ryðhreinsi-
olíu á beituna til að hún gefi frá sér
brák og aukinn geðslegan daun sem
laðar að rándýrin í undirdjúpunum.
Hermt er að veiðar þessar hafi byrj-
að í fyrra ef ekki jafnvel enn fyrr.
Voru dæmi um að menn væru að fá
upp í 12 urriða á einni nóttu og
tröllasögur hafa heyrst í vor og sum-
ar þar sem menn hafa verið að raða
dauðum stórurriðum í plastpoka eða
í bátsbotna, fiskum allt að 18 pund-
um.
Af litlu að taka
Áhyggjur manna stafa af því að
lítið er af urriða í vatninu sem kunn-
ugt er, þetta er stofn í útrýming-
arhættu, en hefur örlítið rétt við
vegna seiðasleppinga síðustu árin.
Vafalaust er erfitt að henda reiður á
hvar sögur þessar hætta að vera
hreinn sannleikur og fara út í ýkjur,
en orðrómurinn er sterkur og nokkr-
ir gamalreyndir Þingvallakappar
sem Morgunblaðið ræddi við sögðu
málið alvarlegt og niðurdrepandi og
dæmi voru um að menn íhuguðu að
hætta veiðiskap í Þingvallavatni.
Jóhannes Sveinsbjörnsson for-
maður Veiðifélags Þingvallavatns
sagði í samtali við Morgunblaðið að
hann hefði ekki heyrt af þessu, en
það þýddi ekki að allt væri með
felldu, bændur hefðu ekki mikil sam-
skipti við stangaveiðimennina. „Við
vitum að brögð eru að því að menn
fari í vatnið í óleyfi og eru kannski
ekki alltaf að haga sér eins og maður
vildi, en um þessar veiðar hef ég ekki
heyrt og get því ekki staðfest neitt..
Þetta er hins vegar mjög alvarlegt
mál ef rétt er, því lagt hefur verið út
í kostnað og vinnu við að efla urriða-
stofninn í vatninu. Það þarf að at-
huga hvort þessar fréttir eru á rök-
um reistar, efla eftirlitið og
athugandi væri að leita eftir ábend-
ingum frá stangaveiðimönnum sem
verða varir við eitthvað misjafnt af
þessu tagi,“ sagði Jóhannes.
Urgur og uggur
í Þingvallakörlum
ERU
ÞEIR AÐ
FÁ’ANN?
Morgunblaðið/HÓ
Páll Magnússon með fyrsta laxinn
úr Blöndu, 12 punda hrygnu.
BJÖRN Bjarnason, dómsmálaráð-
herra, fjallar um samningaviðræð-
urnar sem nú standa fyrir dyrum
um varnarsamstarfið í pistli á
heimasíðu sinni og gagnrýnir
Bandaríkjastjórn fyrir að nálgast
viðræðurnar á tæknilegum forsend-
um fremur en pólitískum. Björn
segir frá því þegar Helmut
Schmidt, fyrrum kanslari Vestur-
Þýskalands, barðist harkalega fyrir
því að knýja í gegn samþykki fyrir
því að Bandaríkjamenn fengju að
geyma nifteindasprengjur á her-
svæðum sínum í Þýskalandi. Eftir
að Schmidt hafði barist hatramm-
lega fyrir þessu máli, með ærnum
pólitískum tilkostnaði, ákvað Carter
Bandaríkjaforseti að hætta við
þessi áform. Björn segist í pistli
sínum minnast þess hve Schmidt
var misboðið vegna framgöngu
Carters í þessu máli. „[H]öfðu
kanslarinn og samstarfmenn hans
oft á orði, að varasamt gæti verið
að treysta Bandaríkjastjórn, þegar
teknar væru mikilvægar hernaðar-
legar ákvarðanir, sem menn teldu
að byggðust á gagnkvæmu trausti.
Bandaríkjamenn litu þannig á, að
þeir gætu gengið fram á einhliða
forsendum,“ segir dómsmálaráð-
herra í pistli sínum.
Pólitískur þráður
Björn segir að Íslendingar hafi
kynnst svipuðu viðmóti í samskipt-
um sínum við Bandaríkjamenn.
„Áhersla okkar á pólitískt samráð
og gagnkvæmni virðist koma
Bandaríkjamönnum í opna skjöldu,
þótt þeir hafi til þessa áttað sig á
nauðsyn slíkra vinnubragða að lok-
um,“ segir í pistli Björns. Hann
segir Bandaríkjastjórn nálgast
varnarsamstarfið við Íslendinga á
„þröngum tæknilegum forsendum“
í stað þess að meðhöndla það á
„stórpólitískum forsendum.“ Björn
segir bréf George W. Bush, Banda-
ríkjaforseta, til Davíðs Oddssonar,
forsætisráðherra, vera til marks um
að pólitískur þráður sé nú kominn í
væntanlegar viðræður á milli
Bandaríkjanna og Íslands um við-
veru og viðbúnað bandaríska hers-
ins á Íslandi.
Björn Bjarnason gagnrýnir Bandaríkjastjórn í pistli á vefsíðu
Nálgast viðræðurnar á
tæknilegum forsendum
FÉLAGAR í Hjálparsveit skáta í Reykjavík brugðu sér
á dögunum í kajakferð út á Þingvallavatn í sólskins-
blíðu og áðu við Arnarklett, sem stendur eins og þumall
upp úr vatninu. Skátar eru fjallamenn góðir og reyndu
sig við klettinn með ágætis árangri. Sett var upp ör-
yggislína áður en klifrið hófst og var kolli klettsins náð
innan stundar. Ekki er vitað til þess að kletturinn hafi
verið klifinn áður úr kajak.
Arnarklettur klifinn
TALIÐ er að elding hafi kveikt í
húsi í Hveragerði á sunnudag. Eld-
ur kom upp í millilofti og logaði upp
í þakið en slökkviliðið í Hveragerði
var fljótt á vettvang og tókst að
koma í veg fyrir stórtjón. Engu að
síður urðu miklar skemmdir vegna
reyks og vatns.
Í kjölfar skýfalls voru miklar eld-
ingar í Hveragerði á sunnudag og
skömmu fyrir klukkan fjögur fékk
slökkviliðið í Hveragerði tilkynn-
ingu um að eldur væri laus í húsinu.
Sæmundur Ingibjartsson, vara-
slökkviliðsstjóri, segir að talið sé að
eldingu hafi slegið niður með þeim
afleiðingum að kviknað hafi í út frá
rafmagni.
Sæmundur segir að rífa hafi
þurft þakið af að hluta og opna gafl
til að komast að eldinum. Húsið
hafi fyllst af reyk og eldurinn
magnast fljótt en slökkviliðið hafi
verið fljótt á staðinn og slökkt eld-
inn.
Ofboðsleg sprenging
Hilmar Hinriksson er í slökkvilið-
inu og fór beint á staðinn en ekki á
stöðina þegar útkallið kom. „Ég sá
að eldurinn var hjá pabba og ég
hugsaði bara um að drífa mig á
staðinn,“ segir hann. „Hann sagði
mér að hann hefði verið að horfa á
sjónvarpið þegar rafmagnið hefði
farið af,“ bætir Hilmar við og segist
sannfærður um að kviknað hafi í
útfrá eldingu. Miklar eldingar hafi
verið á svæðinu og símar í nágrenn-
inu farið úr sambandi. „Það kom of-
boðsleg sprenging,“ segir hann.
„Það var skýfall og svo kom þetta
svaka skot á eftir.“
Talið að elding hafi kveikt í
Morgunblaðið/Margrét Ísaksdóttir
Rífa þurfti þakið af að hluta og opna gafl til að komast að eldinum.
Íbúðarhús í Hveragerði skemmdist illa í eldi